ព័ត៌មានជាតិ

មេបញ្ជាការកងទ័ពពិសេសហ្វីលីពីន ទស្សនកិច្ចនៅតំបន់សាលាហ្វឹកហ្វឺនតេជោសែនជុំគិរី

បានផុស

២ years មុន

នៅ

ថ្ងៃពុធ ២៧ កក្កដា ២០២២

ដោយ

តបតាមការអញ្ជើញរបស់លោកឧត្តម សេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក មេបញ្ជាការកងពលតូចលេខ ៧០ ប្រតិភូកងទ័ពហ្វីលីពីន ដឹកនាំដោយលោកឧត្តមសេនីយ៍ត្រី MONICO E ABANG មេបញ្ជាការវរសេនាធំប្រឆាំងភេរវកម្ម នៃបញ្ជាការដ្ឋានប្រតិបត្តិការពិសេស កងទ័ពហ្វីលីពីន (LIGHT REACTION REGIMENT SOCOMAFP) បានទៅទស្សនកិច្ចនៅតំបន់សាលាហ្វឹកហ្វឺនតេជោសែន ជុំគិរី និងមូលដ្ឋានកងយោធពលខេមរភូមិន្ទ តេជោសែន ភ្នំធំម្រះព្រៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទស្សនកិច្ចនេះ អមដោយលោកវរសេនីយ៍ឯក ហៃ សមឧត្តមសក្តិ មេបញ្ជាការវរសេនាតូចពិសេសប្រឆាំងភេរវកម្ម កងពលតូចលេខ ៧០ ក្នុងបំណងដើម្បីសិក្សាអំពីទីតាំងភូមិសាស្ត្រ ហេដ្ឋារចនាសម្ព័ន្ធ និងតម្រូវការហ្វឹកហ្វឺនជំនាញផ្សេងៗរបស់កងពលតូចលេខ ៧០។

ដំណើរទស្សនកិច្ចរបស់ប្រតិភូកងទ័ពហ្វីលីពីន នាពេលនេះ គឺជាផ្នែកមួយដ៏សំខាន់ក្នុងការអនុវត្តទិសដៅកិច្ចសហប្រតិបត្តិការ ដែលបានឯកភាពគ្នាកន្លងមកឲ្យសម្រេចបានជាផ្លែផ្កា រួមជាមួយការបន្តអនុវត្តទិសដៅកិច្ចសហប្រតិបត្តិការសំខាន់ៗមួយចំនួន ដូចជាលក្ខខណ្ឌកិច្ចសហប្រតិបត្តិការ (ToR) ការហ្វឹកហ្វឺនធនធានមនុស្ស និងការធ្វើលំហាត់រួមគ្នាជាដើម។

គួររំលឹកថា នៅក្នុងដំណើរទស្សនកិច្ចរបស់ប្រតិភូកងទ័ពហ្វីលីពីនមកកាន់កម្ពុជានេះ កាលពីថ្ងៃទី២៦ ខែកក្កដា ម្សិលមិញ លោកឧត្តមសេនីយ៍ត្រី ម៉ូនីកូ អេស្តូតា អាបាង ក៏បានជួបពិភាក្សាការងារជាមួយលោកឧត្តមសេនីយ៍ឯក ម៉ៅ សុផាន់ ផងដែរ។

នៅក្នុងជំនួបពិភាក្សាការងារនោះ លោកឧត្តមសេនីយ៍ឯក ម៉ៅ សុផាន់ បានអះអាងថា រាជរដ្ឋាភិបាលកម្ពុជា ក្រោមការដឹកនាំរបស់សម្ដេចតេជោ ហ៊ុន សែន តែងបានប្រកាន់ខ្ជាប់នូវ សន្តិភាព មិត្តភាព សហប្រតិបត្តិការ និងការអភិវឌ្ឍ ហើយតទៅអនាគតនឹងបន្តពង្រឹងពង្រីកប្រតិបត្តិការដែលមានស្រាប់ឲ្យកាន់តែជិតស្និទ្ធ និងរឹងមាំ យូរអង្វែង ដើម្បីភាពសុខដុមប្រទេសទាំងពីរ។

ជាការឆ្លើយតប លោកឧត្តមសេនីយ៍ត្រី ម៉ូនីកូ អេស្តូតា អាបាង បានថ្លែងអំណរគុណចំពោះលោកមេបញ្ជាការកងពល ដែលបានទទួលលោក និងសហការី យ៉ាងកក់ក្តៅ លោកបានប្តេជ្ញាពង្រឹងពង្រីកចំណងទាក់ទង រវាងប្រទេសទាំងពីរ ជាពិសេសលើវិស័យកងទ័ព ឲ្យកាន់តែរឹងមាំទ្វេដង៕

អត្ថបទ៖ កោះកែវ