ព័ត៌មានជាតិ

ពលករមកពីក្រៅប្រទេសត្រូវតែធ្វើចត្តាឡីស័ក១៤ថ្ងៃ

បានផុស

៤ years មុន

នៅ

ថ្ងៃព្រហស្បតិ៍ ២៤ ធ្នូ ២០២០

ដោយ

បងប្អូនពលករ ដែលទៅធ្វើការនៅក្រៅប្រទេស ក្នុងពេលដែលកំពុងជួបបញ្ហាវិបត្តិជំងឺកូវិដ១៩ បានវិលត្រឡប់ មកចូលមកប្រទេសវិញមានចំនួន១៤៤នាក់ ស្រី៧១នាក់និងកុមារតូចៗ ដែលបានធ្វើចត្តាឡីស័ក នៅខេត្តបន្ទាយមានជ័យ ហើយត្រូវបានក្រុមការងារទទួលពលករចំណាកស្រុកខេត្តសៀមរាប ដែលដឹកនាំដោយលោកស្រី យូ សុភា អភិបាលរង នៃគណៈអភិបាលខេត្តសៀមរាប ទៅទទួលយកមកកាន់មណ្ឌលចត្តាឡីស័ក នៅសាលាបឋមសិក្សាអនុវត្តគរុកោសល្យខេត្ត បានមកដល់នៅវេលាម៉ោង២១និង០០នាទី នារាត្រីថ្ងៃទី២៣ ខែធ្នូ ឆ្នាំ២០២០ តាមក្បួនរថយន្តកងពលតូចដឹកជញ្ជូនលេខ៩០ នៃកងយោធពលខេមរភូមិន្ទ មកដល់ប្រកបដោយសុវត្ថិភាព ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់របស់លោកស្រី យូ សុភា បានឲ្យដឹងថា បងប្អូនពលករមកពីក្រៅប្រទេសទាំង១៤៤នាក់នេះ ត្រូវបានចូលទៅមណ្ឌលចត្តាឡីស័កខេត្តបន្ទាយមានជ័យ នៅថ្ងៃទី១៩ ខែ ធ្នូនេះ តែដោយការយកចិត្តទុកដាក់ខ្ពស់របស់ប្រមុខរាជរដ្ឋាភិបាល ក៏ដូចលោក ទៀ សីហា អភិបាលខេត្ត ចំពោះប្រជាពលរដ្ឋរបស់ខ្លួន រដ្ឋបាលខេត្ត បានឲ្យក្រុមការងារគ្រប់គ្រងទទួលពលករចំណាកស្រុកមកពីក្រៅប្រទេស ដែលកំពុងធ្វើការចត្តាឡីស័កនៅខេត្តបន្ទាយមានជ័យ ដែលមានលំនៅដ្ឋាននៅខេត្តសៀមរាប យកមកឲ្យធ្វើចត្តាឡីស័កនៅខេត្តរបស់ខ្លួន ក្នុងការជួយសម្រួលនូវ ទីកន្លែងមណ្ឌលចត្តាឡីស័ក ខេត្តបន្ទាយមានជ័យផងដែរ ។

ក្នុងពេលក្រុមគ្រូពេទ្យជួរមុខ បានធ្វើការកត់ត្រាតាមដានពីពង្សាវតាររបស់បងប្អូនពលករ បងប្អូនបានធ្វើការ បញ្ជាក់ជូនដល់ក្រុមគ្រូពេទ្យឲ្យបានដឹងថា ក្នុងពេលចូលធ្វើចត្តាឡីស័កនៅមណ្ឌលខេត្តបន្ទាយមានជ័យ ក្រុមគ្រូពេទ្យ ក៏បានធ្វើការយកសំណាក មួយលើកមកហើយ តែចំពោះលទ្ធផលនៅពុំទាន់បានដឹងនៅឡើយទេ ។

ក្នុងពេលមកដល់ក្រុមគ្រូពេទ្យក៏បានធ្វើការវាស់កម្តៅ ព្រមទាំងផ្តល់នូវអាហារកញ្ចប់ ដែលរៀបចំឡើងដោយ រដ្ឋបាលខេត្តសៀមរាបផងដែរ ៕

អត្ថបទ ៖ គឿនវេត