ព័ត៌មានជាតិ

លោក លី ធុជ ស្នើឱ្យសមាជិកសមាជិកាគណបក្សប្រជាជនកម្ពុជាទាំងអស់យកចិត្តទុកដាក់បំពេញភារកិច្ចជូនគណបក្ស

បានផុស

៣ years មុន

នៅ

ថ្ងៃសៅរ៍ ៣០ កក្កដា ២០២២

ដោយ

លោក លី ធុជ នៅថ្ងៃទី ៣០ ខែកក្កដានេះ បានអញ្ជើញជាអធិបតីក្នុងកិច្ចប្រជុំផ្សព្វផ្សាយលទ្ធផលនៃសន្និបាតគណៈកម្មាធិការកណ្តាលវិសាមញ្ញរបស់គណបក្សប្រជាជនកម្ពុជាស្ថិតនៅក្រុងបាវិត ខេត្តស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លី ធុជ ស្នើសុំសូមឱ្យសមាជិកសមាជិកាគណបក្សទាំងអស់ឱ្យបន្តយកចិត្តទុកដាក់ខ្ពស់ក្នុងការបំពេញភារកិច្ចជូនគណបក្ស និងជាតិមាតុភូមិក្រោមការដឹកនាំរបស់គណបក្សប្រជាជនកម្ពជាដែលមានសម្តេចតេជោជាប្រធាន។

លោក លី ធុជ ក៏បានស្នើសុំឲ្យសមាជិក សមាជិកាគណបក្សគ្រប់ៗរូប ជាពិសេសមន្ត្រីដែលបំរើការឃុំ-សង្គាត់ ក្នុងមូលដ្ឋានផ្ទាល់ជាមួយប្រជាពលរដ្ឋមេត្តាយកចិត្តទុកខដាក់បំរើប្រជាពលរដ្ឋ លុបបំបាត់អំពើការថ្នាំងថ្នាក់របស់ប្រជាពលរដ្ឋ ហើយផ្តល់ការដំណោះស្រាយភ្លាមៗតាមដែលអាចធ្វើទៅបានដើម្បីទាក់ទាញទំនុកចិត្តបន្ថែមដល់ប្រជាពលរដ្ឋ។

ក្នុងឱកាសនោះ លោកបានពាំនាំនៃការផ្តាំផ្ញើរសួរសុខទុក្ខរបស់លោកស្រី ម៉ែន សំអន ជូនដល់សមាជិកសមាជិកាបក្សទាំងអស់បន្តការងារក្នុងការគាំទ្ររាជរដ្ឋាភិបាលកម្ពុជា និងគណបក្សប្រជាជនកម្ពុជា ដើម្បីបន្តដឹកនាំប្រទេស បន្តសុខសន្តិភាព និងការអភិវឌ្ឍលើគ្រប់វិស័យ ក្រោមការដឹកនាំប្រកបដោយកិត្តិបណ្ឌិតរបស់សម្តេចតេជោ ហ៊ុន សែន៕