មិន​ដឹង​មាន​រឿង​អ្វី អ្នក​បើក​រថយន្ត​ទំនើប​មួយ​គ្រឿង បាញ់រះ​កង់បី​ជា​ច្រើន​គ្រាប់​​ – Kampuchea Thmey Daily
Connect with us

ព័ត៌មានជាតិ

មិន​ដឹង​មាន​រឿង​អ្វី អ្នក​បើក​រថយន្ត​ទំនើប​មួយ​គ្រឿង បាញ់រះ​កង់បី​ជា​ច្រើន​គ្រាប់​​

Published

on

អ្នក​បើកបរ​រថយន្ត​ស៊េរី​ទំនើប​មួយ​គ្រឿង ​សង្ស័យ​ខឹង​អ្នក​រត់​កង់​បី ក៏​ដក​កាំភ្លើងខ្លី​បាញ់រះ​ទៅ​លើ​កង់​បី​នោះ​ជាច្រើន​គ្រាប់ បណ្តាល​ឲ្យ​ត្រូវ​១​គ្រាប់។​ តែ​សំណាងល្អ​ គ្រាប់កាំភ្លើង​មិនបាន​ហោះ​ទៅ​ត្រូវ​មនុស្ស​នោះ​ទេ ហើយ​ក្រោយ​កើតហេតុ ខ្មាន់​កាំភ្លើង​បាន​បើក​រថយន្ត​គេច​ខ្លួន​បាត់​។

អំពើ​បាញ់រះ​យ៉ាង​សាហាវ​ខាងលើនេះ​បាន​បង្ក​ឲ្យ​មានការ​ភ្ញាក់ផ្អើល​ឡើង ​កាលពី​រាត្រី​ថ្ងៃទី​២៦​ ខែ​តុលា​ ឆ្នាំ​២០២០ វេលា​ម៉ោង​១០​និង​០០​នាទី ចំណុច​មុខ​សាកលវិទ្យាល័យ​ភូមិន្ទ​ភ្នំពេញ ​តាម​បណ្ដោយ​ផ្លូវ​សហព័ន្ធ​រុស្ស៊ី កែង​ផ្លូវ​២៦១ សង្កាត់​ទឹកល្អក់​ទី១ ខណ្ឌ​ទួលគោក រាជធានី​ភ្នំពេញ​។​

ប្រភព​ព័ត៌មាន​ពី​កន្លែង​កើតហេតុ​បាន​ឲ្យ​ដឹង​ថា មុន​កើតហេតុ គេ​ឃើញ​​បុរស​ម្នាក់​ជា​អ្នក​បើក​កង់បី​ ពណ៌​លឿង​មួយ​គ្រឿង និង​រថយន្ត​ស៊េរី​ទំនើប​ពណ៌​ស មួយ​គ្រឿង មិន​ចាំ​ស្លាក​លេខ បាន​ធ្វើ​ដំណើរ​ចុះ​ពី​ស្ពាន​អាកាស​៧​មករា ទិសដៅ​ពី​លិចទៅ​កើត ស្រប​ទិស​គ្នា។ លុះ​មកដល់​ចំណុចកើតហេតុ​ខាង​លើ ​មិនដឹងថា​មាន​ទំនាស់​គ្នា​រឿង​អ្វី​នោះ​ទេ ខណៈ​កង់​បី​បើក​ខាង​មុខ រថយន្ត​នៅ​ខាងក្រោយ​បញ្ឆិត​គ្នា ស្រាប់តែ​ខ្មាន់កាំភ្លើង​ដែល​ជិះ​រថយន្ត​ស៊េរី​ទំនើប​នោះ ​បើក​កញ្ចក់ ​ដក​កាំភ្លើងខ្លី​បាញ់រះ​ទៅលើ​អ្នក​បើកបរ​កង់បី​ចំនួន​៥​គ្រាប់​តែម្តង។

ក្នុងនោះ បណ្ដាល​ឲ្យ​១​គ្រាប់ ត្រូវ​កង់បី​ធ្លុះ​។ ភ្លាមៗ​នោះ​ខ្មាន់​កាំ​ភ្លើង​ បាន​ឈប់​រថយន្ត​មួយ​ភ្លែត ​ហើយក៏​បិទ​កញ្ចក់​វិញ ទើប​បើក​ចេញទៅ​បាត់​ដោយ​សុវត្ថិភាព​។​

បើ​តាម​ការ​រៀបរាប់​ពី​ម្ចាស់​កង់បី ​មិនបាន​ប្រាប់​ពី​មូល​ហេតុអ្វី​ឲ្យ​ពិតប្រាកដ​ជុំវិញ​បញ្ហា​នេះ​ទេ ដោយ​គ្រាន់​តែ​ប្រាប់​ថា ខ្មាន់កាំភ្លើង​ជិះ​រថយន្ត​ម៉ាក​រ៉ូល​រ៉​យ​ ពណ៌​ស ពាក់​ស្លាក​លេខ​កម្ពុជា​។​

ក្រោយ​ហេតុការណ៍​ អ្នកបើកបរ​កង់​បី មិនបាន​ទៅ​ដាក់​ពាក្យបណ្ដឹង​នៅ​ប៉ុស្តិ៍​នគរបាល​នោះ​ទេ។ ​តែ​ក្នុង​ហេតុការណ៍​នេះ គេ​ក៏​បាន​ឃើញ​កម្លាំង​មាន​សមត្ថកិច្ច ចុះ​មក​ពិនិត្យ​ និង​ធ្វើ​ការ​សួរនាំ​នៅ​នឹង​កន្លែង​កើតហេតុ​ផង​ដែរ ដើម្បី​ងាយស្រួល​ធ្វើការ​ស្រាវជ្រាវ​រក​ជន​បង្ក​យក​មក​ផ្ដន្ទាទោស​ទៅតាម​ផ្លូវ​ច្បាប់​៕

អត្ថបទ ៖ ​ស្រីរ័ត្ន​

ចុច Like Facebook កម្ពុជាថ្មី

ព័ត៌មានជាតិ2 hours ago

ប្រមុខ​ការទូត​កម្ពុជា ៖ ទោះបី​មានការ​ចាក់​វ៉ាក់សាំង​ជំងឺ​កូ​វីដ​១៩​ក៏ដោយ គេ​ពុំទាន់​មើលឃើញ​ប្រក្រតីភាព នៃ​ដំណើរការ​សេដ្ឋកិច្ចពិភពលោក​នៅឡើយ​ទេ

ព័ត៌មានជាតិ2 hours ago

ឆ្នាំ​២០២០​រដ្ឋាភិបាល​ បាន​ចំណាយ​ថវិកា​៣៨​លាន​ដុល្លារ​ជួយ​ដល់​មន្ទីរពេទ្យ​គន្ធបុប្ផា​ទាំង​៥

ព័ត៌មានជាតិ3 hours ago

សង្ស័យ​ចុះ​ជួយ​សត្វ​ឆ្កែ​ធ្លាក់​ទឹក បែរជា​លង់ទឹក​ស្លាប់​២​នាក់​ម្តាយកូន​យ៉ាង​អាណោចអាធ័ម​

ព័ត៌មានជាតិ3 hours ago

ឆេះ​ឃ្លាំង​ស្តុក​សម្ភារៈសំណង់ និង​ខ្សែភ្លើង សំណាង​មិន​មាន​គ្រោះថ្នាក់​ដល់​មនុស្ស

ព័ត៌មានជាតិ4 hours ago

លោក សុខ ទូច​ ៖ ដើម្បី​ឲ្យ​រោងចក្រ និង​សង្វាក់​ផលិតកម្ម​នៅ​ឧទ្យាន​ជាតិ​តេ​ជោ​សែន​ឫស្សី​ត្រឹប អាច​ដើរ​បាន យើង​ត្រូវការ​គោ​ទឹកដោះ​ចំនួន​៣០០​ក្បាល

ព័ត៌មានពេញនិយម