ព័ត៌មានជាតិ
អាជ្ញាធរខេត្តស្ទឹងត្រែង ឲ្យចូលរួមថែរក្សាផ្លូវកៅស៊ូចូលទៅកាន់តំបន់ស្ដូបប្រវត្តិសាស្ត្រ ក្រោយជួសជុលរួចរាល់
អាជ្ញាធរខេត្តស្ទឹងត្រែង ឲ្យចូលរួមថែរក្សាផ្លូវកៅស៊ូថ្មីចូលទៅកាន់តំបន់ប្រវត្តិសាស្ត្រស្តូបអនុស្សាវរីយ៍សម្តេចឪសម្តេចតា នៅស្រុកបុរីអូរស្វាយសែនជ័យ ខេត្តស្ទឹងត្រែង ក្រោយបានស្ថាបនារួចរាល់។ ផ្លូវនេះមន្ទីរសាធារណការ និងដឹកជញ្ជូនខេត្តដាក់វិធានការឱ្យអាជ្ញាធរមូលដ្ឋានរួមគ្នាថែរក្សាសមិទ្ធផលថ្មីនេះ។
លោក ស គឹមណាត ប្រធានមន្ទីរសាធារណការ និងដឹកជញ្ជូនខេត្តស្ទឹងត្រែង បានស្នើឲ្យអាជ្ញាធរមូលដ្ឋានត្រូវរួមគ្នាថែរក្សាសមិទ្ធផលថ្មីនេះ ដែលទើបសាងសង់រួច នេះជាផ្លូវលេខ ៣៧៩ អា មានប្រវែងជាង ១១ គីឡូម៉ែត្រ ទទឹង ០៧ ម៉ែត្រ ចូលពីផ្លូវជាតិលេខ ០៧ តភ្ជាប់ទៅទីរួមស្រុកបុរីអូរស្វាយសែនជ័យ មានចម្ងាយពីទីរួមខេត្តប្រមាណជាង ៤៥ គីឡូម៉ែត្រ និងជាតំបន់ប្រវត្តិសាស្ត្ររបស់សម្តេចឪសម្តេចតា បានបង្កើតឡើងកាលពីទសវត្សរ៍ទី ៦០ ហើយតំបន់មួយនេះមិនដែលមានផ្លូវកៅស៊ូនោះទេ។ លោកបន្តថា ផ្លូវមួយខ្សែនេះត្រូវបានឯកឧត្តមទេសរដ្ឋមន្ត្រី ស៊ុន ចាន់ថុល សម្រេចឱ្យចាក់កៅស៊ូ ដើម្បីលើកសោភ័ណភាពទៅទីរួមស្រុកនេះផង និងបានផ្លូវល្អសម្រាប់ប្រជាពលរដ្ឋនិងភ្ញៀវទេសចរធ្វើចរាចរណ៍ចេញចូលបានងាយស្រួល។
លោកបន្ថែមថា ផ្លូវនេះអាជ្ញាធរមូលដ្ឋាន និងប្រជាពលរដ្ឋត្រូវរួមគ្នាទប់ស្កាត់រថយន្តដឹកលើសទម្ងន់ហាមចេញចូល ដើម្បីថែរក្សាផ្លូវមួយខ្សែនេះប្រើប្រាស់បានយូរអង្វែង អញ្ចឹងសង្ឃឹមថាបងប្អូនជាពលរដ្ឋ និងអាជ្ញាធរដែនដីនៃបុរីអូរស្វាយសែនជ័យនេះ សុំឲ្យលោកជួយទប់ស្កាត់ នៅរថយន្តធ្ងន់ៗ ព្រោះអីកន្លងមក ខ្ញុំក៏បានហាមប្រាមដែរ សំណូមពរទៅស្រុកដែរ ឃើញរថយន្តធំៗណាចូលជាពិសេសរថយន្តដឹកដំឡូងមី សុទ្ធតែខ្នាតវែង ៤០ តោន អញ្ចឹងបើអស់លោកលោកស្រីប្រជាពលរដ្ឋទាំងអស់ដែលមិនជួយការពារទេ ខ្ញុំក៏មិនអាចការពារបានដែរ ព្រោះអីផ្លូវនេះជាសមិទ្ធផលរបស់បងប្អូនប្រជាពលរដ្ឋ អញ្ចឹងជួយការពារទាំងអស់គ្នា ដើម្បីទី ១ បានយូរអង្វែងទី ២ ជាគុណប្រយោជន៍នៃស្រុកទាំងអស់គ្នា ព្រោះតំបន់នេះ គឺជាតំបន់ទេសចរណ៍ធម្មជាតិរបស់ខេត្តស្ទឹងត្រែងជាពិសេស ស្រុកបុរីអូរស្វាយសែនជ័យតែម្ដង។
លោក រ័ត្ន ស៊ុន មេឃុំអូរស្វាយ ស្រុកបុរីអូរស្វាយសែនជ័យ បានអះអាងថា ការថែរក្សាផ្លូវនេះលោកបានពិគ្រោះយោបល់ជាមួយថ្នាក់ដឹកនាំស្រុក និងប្រជាពលរដ្ឋរៀបចំដាក់បង្គោលសុវត្ថិភាព នៅដើមផ្លូវចូល ស្កាត់មិនឱ្យរថយន្តធន់ធំចូលមកបានទេ ហើយបើចង់ដឹកដៀវទំនិញ ឬផលកសិកម្មសូមឱ្យម្ចាស់រថយន្តធំប្រើប្រាស់រថយន្តធនតូច ឬគោយន្តដឹកបនុ្ត ដើម្បីយើងរួមគ្នាថែរក្សាសមិទ្ធផលថ្មីនេះទាំងអស់គ្នា ព្រោះរាជរដ្ឋាភិបាលបានចំណាយថវិកាអស់ច្រើនណាស់មកសាងសង់ផ្លូវនេះ។
លោកបានបន្តថា ប្រជាពលរដ្ឋបានសម្ដែងការសាទរចំពោះការយកចិត្តទុកដាក់របស់អាជ្ញាធរខេត្តជាពិសេសប្រមុខរាជរដ្ឋាភិបាលក៏ដូចជាក្រសួងសាធារណការ និងដឹកជញ្ជូនស្ថាបនាផ្លូវ កៅស៊ូបានល្អ ដើម្បីបម្រើសេចក្តីត្រូវការរបស់ប្រជាពលរដ្ឋដែលចង់បានយូរមកហើយនោះ។
សូមបញ្ជាក់ថា ផ្លូវភ្ជាប់ពីផ្លូវកៅស៊ូនេះក្រសួងសាធារណការ និងដឹកជញ្ជូន រៀបចំគម្រោងសាងសង់ផ្លូវកៅស៊ូថ្មីប្រវែងជាង ៤ គីឡូម៉ែត្របន្ថែមទៀត ចេញពីចំណុចតំបន់ស្តូបអនុស្សាវរីយ៍សម្តេចឪសម្តេចតា ទៅកាន់តំបន់អន្លង់មរកតជាប់ទៅ និងផ្លូវកៅស៊ូច្រកទ្វារព្រំដែនអន្តរជាតិត្រពាំងក្រៀលកម្ពុជាឡាវ នៅដើមឆ្នាំ ២០២៣ ខាងមុខនេះ៕
អត្ថបទ៖ ងិនលីម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ