ព័ត៌មានជាតិ
ក្រសួងអភិវឌ្ឍន៍ជនបទកំពុងស្នើចូលរួមជាមួយក្រសួងពីរទៀតចាប់រថយន្តដឹកលើសទម្ងន់នៅជនបទ
ក្រសួងអភិវឌ្ឍន៍ជនបទកំពុងរៀបចំនិតិវិធីស្នើសុំទៅក្រសួងសាធារណការ និងដឹកជញ្ជូនធ្វើវិសោធនកម្មអនុក្រឹត្យ ដើម្បីបានចូលរួមសហការជាមួយក្រសួងសាធារណការ និងក្រសួងមហាផ្ទៃ ចាប់រថយន្តដឹកលើសទម្ងន់ដែលបង្ករឱ្យខូចខាតផ្លូវតាមជនបទ។
លោក ជ្រុន ថេរ៉ាវ៉ាត រដ្ឋលេខាធិការ និងជាអ្នកនាំពាក្យរបស់ក្រសួងអភិវឌ្ឍន៍ជនបទ បានប្រាប់ឱ្យដឹងនៅថ្ងៃច័ន្ទ ទី ០១ ខែសីហានេះថា ការដឹកជញ្ជូនលើទម្ងន់កំណត់គឺជាដើមចមមួយធ្វើឱ្យផ្លូវជនបទឆាប់ខូច។ កន្លងមកក្រសួងក្រសួងអភិវឌ្ឍន៍ជនបទ តែងតែសហការជាមួយក្រសួងសាធារណការ ដើម្បីទប់ស្កាត់អ្នកដែលរកស៊ីដឹកជញ្ជូនលើទម្ងន់។
លោក ជ្រុន ថេរ៉ាវ៉ាត ប្រាប់ថា អ្នកដែលរកស៊ីខិលខូចមួយចំនួនបានគេចវេសន៍ពីកន្លែងស្ថានីយ៍ថ្លឹងរថយន្តវិលចូលតាមផ្លូវជនបទ ដែលជាផលិតផលរបស់ក្រសួងអភិវឌ្ឍន៍ជនបទ។
លោកប្រាប់ថា នៅពេលខាងមុខ ក្រសួងអភិវឌ្ឍន៍ជនបទ នឹងបង្កើតគណៈកម្មការឱ្យបានត្រឹមត្រូវជាមួយក្រសួងសាធារណការ ដើម្បីឈានទៅដាក់ជញ្ជីងថ្លឹងទម្ងន់កំណត់ដូចគ្នា ខណៈដែលការសាងសង់ទម្រាំបានផ្លូវ១ខ្សែត្រូវចំណាយថវិការច្រើន។
ប្រធាននាយកដ្ឋានផ្លូវលំជនបទ លោក គង់ ភឿន បានបញ្ជាក់ថា ផ្លូវខូចជាច្រើននៅតំបន់ជនបទដោយសាររងការ ដឹកលើសទម្ងន់ ឡាននៅពេល ដែលដឹកលើសទម្ងន់ គាត់តែងតែរកវិធីគេចវេសន៍ឱ្យផុតសមត្ថកិច្ចដែលដាក់ជញ្ជីង នៅខេត្ត ធ្វើឱ្យប៉ះពាល់យ៉ាងធ្ងន់ធ្ងរទៅដល់ផ្លូវជនបទ។
បើតាមលោក គង់ ភឿន យើងមានជញ្ជីងចល័តដើម្បីតាមចាប់ឡានដែលដឹកលើសទម្ងន់ ប៉ុន្តែការឃាត់នោះក្រសួងពុំមានលទ្ធភាពផាកពិន័យនោះទេ ក្រសួងគ្រាន់តែមានសិទ្ធក្នុងការអប់រំ ដើម្បីឱ្យពួកគាត់យល់អំពីការប្រើប្រាស់ផ្លូវ។
បច្ចុប្បន្នក្រសួងអភិវឌ្ឍន៍ជនបទកំពុងរៀបចំនិតិវិធីច្បាប់ស្នើសុំទៅក្រសួងសាធារណការ ធ្វើវិសោធនកម្មអនុក្រឹត្យ ដើម្បីឱ្យក្រសួងអភិវឌ្ឍន៍ជបទ សហការជាមួយក្រសួងសាធារណការ និងក្រសួងមហាផ្ទៃ ចាប់ឡានដឹកលើសទម្ងន់។
ក្រសួងអភិវឌ្ឍន៍ជនបទ បានសាងសង់ផ្លូវប្រវែងប្រមាណ ៤៧ ០០០ គីឡូម៉ែត្រ ដែលបច្ចុប្បន្នគ្របដណ្ដប់បានប្រមាណ ៧៤ ភាគរយ នៅកម្ពុជា៕
អត្ថបទ៖ ឡេង ដេត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ