ព័ត៌មានជាតិ
កូនត្រីពូជ ១ ម៉ឺនក្បាល ត្រូវបាន មីជាតិ លែងចូលក្នុងបឹងធម្មជាតិ ១ កន្លែង នៅស្រុកគាស់ក្រឡ
ដើម្បីអបអរសាទរទិវាមច្ឆជាតិ ឆ្នាំ ២០២២ ដើម្បីបំផុសចលនាដល់ប្រជាពលរដ្ឋ ឱ្យចូលរួមយ៉ាងសកម្មក្នុងការចូលរួមថែរក្សាពូជត្រីឱ្យមាននៅក្នុងទឹក បង្កើនផលត្រីក្នុងធម្មជាតិផង កាលពីចុងសប្តាហ៍ មីជាតិ បានសហការជាមួយមន្ទីរកសិកម្ម រុក្ខាប្រមាញ់ និងនេសាទ និងរដ្ឋបាលស្រុកគាស់ក្រឡ រៀបចំពិធីអបអរសាទរទិវាមច្ឆជាតិ ឆ្នាំ ២០២២ នៅបឹងជម្រកត្រីសហគមន៍ សម្តេចក្រឡាហោម ភូមិបឹងព្រះ ឃុំព្រះផុស ស្រុកគាស់ក្រឡ ខេត្តបាត់ដំបង។
ថ្លែងក្នុងពិធីនោះ លោក សោមនស្ស វិបុល ប្រធានជាន់ខ្ពស់ផ្នែកពាណិជ្ជកម្ម នៃក្រុមហ៊ុន វ័ន ហ្វ្រេតធើនីធី (មីជាតិ) បានគូសបញ្ជាក់ថា៖ ព្រឹត្តិការណ៍ មីជាតិ ផ្តល់មច្ឆជាតិរក្សា និរន្តរភាពធម្មជាតិ នាពេលនេះ គឺធ្វើឡើងក្នុងអត្ថន័យនៃការអបអរសាទរទិវាមច្ឆជាតិ និងជាមួយវត្ថុបំណង ដើម្បីបំផុសស្មារតីចូលរួមក្នុងការអភិវឌ្ឍនិងអភិរក្សថែ រក្សាពូជត្រី ក៏ដូចជាវារីជាតិផ្សេងៗទៀត ឲ្យបានគង់វង្សធានានិរន្តរភាពធនធានជលផល និងដើម្បីបំពេញបន្ថែម ឱ្យបឹងជម្រកត្រីសហគមន៍សម្បូរមច្ឆជាតិសម្រាប់ជាប្រភពមេពូជនាថ្ងៃអនាគត និងបំពេញសេចក្ដីត្រូវការរបស់ប្រជាពលរដ្ឋក្នុងតំបន់។ ទន្ទឹមនឹងនេះដែរ លោកក៏បានសំណូមពរដល់ប្រជាពលរដ្ឋទាំងអស់ ត្រូវរួមចំណែកគ្នាចូលរួមថែ រក្សា ការពារធនធានមច្ឆជាតិ ដោយមិនត្រូវប្រើប្រាស់ឧបករណ៍នេសាទខុសច្បាប់ដែលធ្វើឲ្យបាត់បង់ពូជត្រី និងលើកទឹកចិត្តឱ្យមានការបង្កើតជាសហគមន៍ស្រះជម្រកត្រី ដើម្បីចូលរួមថែរក្សា អភិរក្សពូជត្រី សម្រាប់ផ្គត់ផ្គង់បំពេញតម្រូវការ បង្កើនប្រាក់ចំណូលលើកកម្ពស់ជីវភាពរស់នៅរបស់ប្រជាពលរដ្ឋផងដែរ។
លោក ឈឹម វជិរា ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តបាត់ដំបង បានមានប្រសាសន៍ថាដើម្បីចូលរួមរក្សាឱ្យបាននូវធនធានមច្ឆាជាតិកាន់តែសម្បូរបែបថែមទៀត ក៏សូមមន្ត្រីជំនាញ និងអាជ្ញាធរមូលដ្ឋានទាំងអស់ ចូលរួមសហការគ្នាខិតខំស្តារទំនប់បឹង បន្ថែមទៀតឲ្យបានច្រើន និងគ្រប់ទីកន្លែងជាពិសេសត្រូវបន្តស្វែងរកវិស័យឯកជន ក៏ដូចជាដៃគូអភិវឌ្ឍនានាក្នុងការចូលរួមប្រលែងពូជត្រីឲ្យបានញឹកញាប់ នៅតាមបឹងធម្មជាតិតួយ៉ាងដូចកិច្ចការដែលយើងកំពុងធ្វើជាមួយក្រុមហ៊ុនមីជាតិស្រាប់ នាពេលនេះ។ ម្យ៉ាងទៀតលោកក៏បានស្នើដល់អាជ្ញាធរមូលដ្ឋានខិតខំរក្សាផ្ទៃបឹងនេះ និងរបងដែលក្រុមហ៊ុនទើបផ្តល់ជូនចៀសវាងការរំលោភបំពានកាន់កាប់ពីប្រជាពល រដ្ឋនៅជុំវិញបរិវេណបឹង ព្រោះបឹងទាំងនេះជាសម្បត្តិសាធារណៈរបស់រដ្ឋដែលបម្រើផលប្រយោជន៍ឲ្យប្រជាពលរដ្ឋជារួម។
លោក ញឹក សារ៉ែន អភិបាល នៃគណៈអភិបាលស្រុកគាស់ក្រឡ ខេត្តបាត់ដំបង បានសម្តែងការកោតសរសើរនូវទឹកចិត្ត និងគំនិតផ្តួចផ្តើម របស់ក្រុមហ៊ុនមីជាតិ ដែលលះបង់ធនធានពីប្រាក់ចំណេញរបស់ខ្លួនក្នុងការលែងកូនត្រីពូជ និងធ្វើរបងខាងមុខបឹងក្នុងឱកាសអបអរសាទរទិវាមច្ឆជាតិឆ្នាំ ២០២២ ។ លោកបានបន្តទៀតថា ការចូលរួមរបស់មីជាតិនេះ ជាឆន្ទៈដ៏វិសេសវិសាល ដែលក្រុមហ៊ុនឯកជនចូលរួមគាំទ្រ ដោយផ្ទាល់តាមរយៈការបង្កើតនូវគំនិតផ្តួចផ្តើមថ្មីៗ ដើម្បីចូលរួមជាមួយរាជរដ្ឋាភិបាល ក៏ដូចជាសហគមន៍។
គួសបញ្ជាក់ផងដែរ ជាមួយគម្រោង “មីជាតិ ផ្តល់មច្ឆជាតិ រក្សានិរន្តរភាពធម្មជាតិ” ក្នុងឱកាសអបអរសាទរទិវាមច្ឆជាតិ ឆ្នាំ ២០២២ ក្រុមហ៊ុនមីជាតិ បាននាំមកនូវត្រីឆ្ពិន, ត្រីទីឡាព្យា, ត្រីប្រា, ត្រីរ៉ស់ និងអន្ទង់ចំនួន ១០០០០ ក្បាល មកលែង ក្នុងបឹងជម្រកត្រីសហគមន៍ សម្តេចក្រឡាហោម និងបន្ថែមពីនេះ ដោយមើលឃើញពីតម្រូវការ ចាំបាច់ របស់សហគមន៍ មីជាតិ បានបំពេញបន្ថែមនូវសំណើរក្នុងការឧបត្ថម្ភ របងខាងមុខបឹង ដើម្បីរក្សាការពារ ពីការទន្ទ្រានរបស់សត្វពាហនៈ៕
អន្តរក្រសួង កំពុងរៀបចំគោលនយោបាយជួយដល់ជនងាយរងគ្រោះ និងទារកកំព្រា
កម្ពុជា-ឡាវ រក្សាជំហរមិនឱ្យមានកម្លាំងអមិត្តប្រើប្រាស់ទឹកដីខ្លួន ដើម្បីប្រឆាំងប្រទេសមួយទៀត
លោក កត្តា អ៊ន ច្រានចោលការចុះផ្សាយរបស់ The Cambodia daily ដែលចោទប្រកាន់ថ្នាក់ដឹកនាំក្រសួងការងារ និងថ្នាក់ដឹកនាំ ប.ស.ស ប្រព្រឹត្តអំពើពុករលួយ
មនុស្សស្និទ្ធនឹង កឹម សុខា សង្ស័យលើការសារភាពរបស់លោក សេង សារី
ព្រឹទ្ធសភាសាទរចំពោះសមិទ្ធផលរបស់ក្រសួងឧស្សាហកម្មក្នុងចូលរួមចំណែកដល់កំណើនសេដ្ឋកិច្ចជាតិ
ភ្លើងឆេះព្រៃលើភ្នំសំពៅ បង្ខំឲ្យព្រះសង្ឃជម្លៀសព្រះកាយចេញរកកន្លែងសុវត្ថិភាព
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
មុនីនាគ ជាប់ឈ្មោះជាតារាចម្រៀងប្រុស មានសមត្ថភាពច្រៀងភាសាអង់គ្លេសល្អបំផុត
ផ្សារក្រមួន យូណាយ អាជីវករធ្លាប់លក់តែមួយព្រឹក ពេលនេះលក់ពេញមួយថ្ងៃ ពលរដ្ឋថា ពិបាកធ្វើដំណើរ
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៧ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?