ព័ត៌មានជាតិ
កម្ពុជាមិនទាន់មានខេត្តណាមួយ ដែលអាចកំណត់ថា ជាតំបន់ Free គ្មានគ្រាប់មីន និងអាវុធយុទ្ធភណ្ឌមិនទាន់ផ្ទុះ
លោក ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយកមជ្ឈមណ្ឌលកំចាត់មីនកម្ពុជា (CMAC) បានថ្លែងប្រាប់កម្ពុជាថ្មីនៅរសៀលថ្ងៃទី២៤ ខែធ្នូ ឆ្នាំ២០២០នេះថា រហូតមកដល់ពេលនេះ យើងមិនទាន់មើលឃើញថា រហូតមកដល់ពេលនេះ ប្រទេសកម្ពុជាមិនទាន់មានខេត្តណាមួយ ដែលអាចកំណត់បានថា ជាតំបន់ Free គ្មានគ្រាប់មីន និងអាវុធយុទ្ធភណ្ឌមិនទាន់ផ្ទុះនោះឡើយ ពីព្រោះយើងមិនទាន់មានធនធានគ្រប់គ្រាន់ ដើម្បីរាវរក។
លោក ហេង រតនា បញ្ជាក់ថា “មិនមានខេត្តណាមួយហ្វ្រី ឬអត់គ្រាប់មីននៅឡើយទេ ដែលសូម្បីតែខេត្តកែប ដែលយើងចង់ដាក់ជាខេត្ត Free ក៏មិនអាចដាក់បានដែរ ពីព្រោះយើងមិនទាន់មានធនធានធ្វើ វាអាចនៅលើភ្នំ ឬនៅលើជើងភ្នំជាដើម។ ដោយឡែកអាវុធយុទ្ធភណ្ឌមិនទាន់ផ្ទុះ បានស្ថិតនៅរាយប៉ាយ លើផ្ទៃប្រទេស ដែលយើងមិនអាចដឹងថា មាននៅចំណុចណាខ្លះ ពីព្រោះសង្គ្រាមស៊ីវិល យើងមិនបានដឹងទីតាំងច្បាស់លាស់ ហើយកន្លែងដែលយើងដឹងក៏មិនទាន់អាចសន្និដ្ឋានច្បាស់លាស់ថា វាមានសុវត្ថិភាពដែរ”។
ទាក់ទងទៅនឹងការរាវរកគ្រាប់មីន ឬអាវុធយុទ្ធអាវុធយុទ្ធភណ្ឌមិនទាន់ផ្ទុះនេះ លោក ហេង រតនា បានអះអាងថា មកដល់ពេលនេះផ្ទៃដី ដែលរំដោះបាន មានជាង២ពាន់គីឡូម៉ែត្រក្រឡា (ចំនួនសរុបដែលចូលរួមរំដោះពីស្ថាប័នផ្សេងៗផង មិនសម្រាប់តែក្រុមស៊ីម៉ាក់នោះទេ) ហើយគ្រាប់អាវុធយុទ្ធភណ្ឌមិនទាន់ផ្ទុះ ដែលរាវរកបាន យកទៅកម្ទេចចោលមានជិត៤លានគ្រាប់។ ចំណែកទីតាំងដែលនៅសល់ និងកំពុងសិក្សាស្រាវជ្រាវ ធ្វើហ្ស៊ឺវេ ទីកន្លែងដែលដឹង ដើម្បីធ្វើការរំដោះបន្តនោះ មានជិត២ពាន់គីឡូម៉ែតក្រឡា ទាំងគ្រាប់មីន ទាំងកាកសំណល់អាវុធយុទ្ធភណ្ឌមិនទាន់ផ្ទុះដោយសារសង្គ្រាម ដែលមានគ្រាប់បែកចង្កោម និងតំបន់អាវុធយុទ្ធភណ្ឌមិនទាន់ផ្ទុះ។
លោក ហេង រតនា បានអះអាងថា ខេត្តដែលសំបូរដោយគ្រាប់មីន គឺស្ថិតនៅតាមបណ្ដោយព្រំដែនកម្ពុជា និងថៃ ហើយខេត្តផ្នែកខាងកើត ភាគច្រើន គឺសំបូរទៅដោយគ្រាប់បែកចង្កោម និងគ្រាប់ទម្លាក់ពីយន្តហោះ ដូចជានៅខេត្តព្រៃវែង ស្វាយរៀង រតនគីរី មណ្ឌលគីរី ជាដើម។
សូមបញ្ជាក់ថា ចាប់តាំងពីឆ្នាំ១៩៧៩ ដល់ឆ្នាំ២០១៩ មានជនរងគ្រោះគោយសារមីន និងសំណល់ជាតិផ្ទុះពីសង្គ្រាមចំនួន៦៤.៨៥៥នាក់។ សម្រាប់ឆ្នាំ២០១៩ ប្រទេសកម្ពុជា មានជនរងគ្រោះដោយសារមីន /ស.ផ.ស. ចំនួន៧៧នាក់ ក្នុងនោះគ្រោះថ្នាក់ដោយសារមីន២៣ នាក់ និងសំណល់ជាតិផ្ទុះពីសង្គ្រាម៥៤ នាក់ បើប្រៀបធៀបទៅនឹងឆ្នាំ២០១៨ មានជនរងគ្រោះ ៥៨នាក់ គឺកើនឡើង១៩នាក់ ត្រូវជា៣៣ភាគរយ។
ដោយឡែកសម្រាប់ឆ្នាំ២០២០ ទិន្នន័យជនរងគ្រោះ ដែលរាយការណ៍ដោយ CMVIS សម្រាប់ខែមករា មានចំនួន៣ នាក់ បើប្រៀបធៀបខែមករា ឆ្នាំ២០១៩ មានចំនួន១៨នាក់, ខែកុម្ភៈ មានចំនួន៤នាក់ ប្រៀបធៀបជាមួយខែកុម្ភៈ ឆ្នាំ២០១៩ មានចំនួន៣នាក់, ខែខែមីនា មានចំនួន៦នាក់ ប្រៀបធៀបឆ្នាំ២០១៩ មានចំនួន២២នាក់, ខែមេសា មានចំនួន៨ ករណីក្នុងនោះ របួស៦ នាក់ ស្លាប់១នាក់ ប្រៀបធៀបខែមេសា ឆ្នាំ២០១៩ មានចំនួន៣ នាក់, ខែឧសភា មានជនរងគ្រោះចំនួន៨ ករណី ធ្វើឲ្យរបួស១២ នាក់ និងស្លាប់១នាក់ បើប្រៀបធៀបទៅនឹងខែឧសភា ឆ្នាំ២០១៩កន្លងទៅ មានចំនួន៣ នាក់ប៉ុណ្ណោះ៕
ដោយ ៖ កោះកែវ
បើមិនមានអ្វីប្រែប្រួល កម្ពុជានឹងដាក់ឯកសារ មហាសង្ក្រាន្ត ទៅអង្គការយូណេស្កូ ខែមីនានេះ
ភ្នំស្វាយ ខេត្តរតនគិរី ជាទីតាំងទេសចរណ៍បែបធម្មជាតិដ៏ទាក់ទាញផង និងជាទីសក្ការៈបូជាតាមបែបសាសនាផង
ក្រសួងការងារ និងមន្ទីរពេទ្យព្រះអង្គឌួង រួមគ្នាដោះស្រាយបញ្ហាកកស្ទះខ្លាំង នៃការចូលប្រើសេវាសមាជិក ប.ស.ស
ថ្នាក់ដឹកនាំ CDC ជំរុញឱ្យលំហូរវិនិយោគចិនមកម្ពុជាបន្ថែមទៀត
សិង្ហបុរីគ្រោងផ្ដល់ប្រាក់ដល់ពលរដ្ឋគ្មានការងារធ្វើ ម្នាក់ ៤ ៥០០ ដុល្លារ/ខែ
ត្រាំ៖ ហ្សេលេនស្គី យកលុយពីបៃដិន ស្រួលដូចយកស្ករគ្រាប់ពីកូនក្មេង
កុំឱ្យកកស្ទះចរាចរណ៍ពលរដ្ឋ នាយករដ្ឋមន្ត្រីឱ្យពិនិត្យឡើងវិញការបិទផ្លូវ ពេលក្បួនឆ្លងកាត់
លោក ត្រាំ ប្រកាសថា អាមេរិកជិតបើកការផ្ដល់ព័ត៌មានចារកម្មឲ្យអ៊ុយក្រែនវិញហើយ
មន្ទីរគ្រឿងញៀន បំភ្លឺការផ្សព្វផ្សាយលើបណ្ដាញសង្គមពាក់ព័ន្ធការចាប់មនុស្សញាត់ចូលឡាន
លោក ត្រាំ ថា អ៊ុយក្រែន ដូចគ្មានចេតនា ចង់បានសន្តិភាពសោះ
-
សន្តិសុខសង្គម៧ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៧ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម២ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ៦ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៤ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៥ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៤ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ចរាចរណ៍៧ ថ្ងៃ agoបុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង