សន្តិសុខសង្គម
ជំនន់ទឹកភ្លៀងហៀបលិចកំណាត់ផ្លូវជាតិលេខ៥ អាជ្ញាធរកំពុងច្រកដីទប់
ជំនន់ទឹកភ្លៀងកំពុងគំរាមកំហែងកំណាត់ផ្លូវជាតិលេខ ៥ នៅចំណុចចន្លោះគីឡូម៉ែត្រលេខ ៣៩ និងលេខ៤០ នៅថ្ងៃទី ៨ ខែសីហានេះ ខណៈមន្ទីរសាធារណការ និងដឹកជញ្ជូន ខេត្តកំពង់ឆ្នាំង បានយកគ្រឿងចក្រទៅកាយបិទទប់ទឹក និងយកការ៉ុងច្រកដីទប់ទឹកការពារមិនឲ្យជំនន់ទឹកភ្លៀងហូរលើផ្លូវជាតិលេខ ៥ ជាថ្មីទៀត។
កាលពីថ្ងៃទី ២២ ខែកក្កដា ជំនន់ទឹកភ្លៀង បានជន់ឡើងយ៉ាងគំហុក ពីទ្វារទឹកអន្លង់ជ្រៃ ជាប់ព្រំប្រទល់ខេត្តកំពង់ស្ពឺ និងខេ ត្តកំពង់ឆ្នាំង បណ្ដាលទឹកជំនន់ហូតច្រោះដាច់ផ្លូវ ជាតិលេខ ៥ ចន្លោះគីឡូម៉ែត្រលេខ ៣៩ និងលេខ ៤០ ស្ថិតនៅក្នុងភូមិជ្រលាត់ដៃ ឃុំស្វាយ ស្រុកសាមគ្គីមានជ័យដែលធ្វើឱ្យស្ទះចរាចរណ៍ម្ដងហើយ។
កាលនោះបានក្រុមហ៊ុនចៃការធ្វើផ្លូវជប៉ុនបានអនុញ្ញាតឲ្យរថយន្តបើកបរលើផ្លូវដែលសាងសង់ថ្មីវាងផ្សារស្រុកឧត្តុង្គ កាលណោះបានដំណើរមួយរយៈរហូតទឹកហូរស្រក់ចុះអស់ក៏ចាប់ផ្ដើមធ្វើដំណើរតាមចាស់ខាងលើនេះឡើងវិញ។
លោក ឆាយ លាភា ប្រធានមន្ទីរសាធារណការ និងដឹកជញ្ជូនខេត្តកំពង់ឆ្នាំងនេះបានបញ្ជាក់ថា ដោយសារតែទឹកបានហូរធ្លាក់មកជាថ្មីទៀតនោះ បានធ្វើឲ្យយើងមានការព្រួយបារម្ភ ក្រែងហូរច្រោះដាច់ ផ្លូវជាតិលេខ ៥ នៅចំណុចខាងលើនោះដូចកាលមុនទើបមន្ទីរសាធារណៈការ និងដឹកជញ្ជូនខេត្តកំពង់ឆ្នាំង បានទៅកាយដីច្រកការុង និងប្រើអេស្ការវ៉ាទ័រជួយទប់ទឹកការពារការលិចផ្លូវនៅចំណុចនេះជាថ្មីម្ដងទៀត។
លោកបានបញ្ជាក់ទៀតថា ប្រសិនបើភ្លៀងនៅតែធ្លាក់ខ្លាំងនៅផ្នែកខាងលើនិងបើជំនន់ទឹកភ្លៀងឡើងខ្ពស់ជាងនេះកន្លះម៉ែត្រនោះ អាចនឹងកាត់ផ្ដាច់ផ្លូវចំណុចខាងលើជាថ្មីម្ដងទៀតជាពុំខានឡើយ។ ដែលយើងនឹងត្រូវសុំអោយក្រុមហ៊ុនចៃការធ្វើផ្លូវជប៉ុនបើកផ្លូវថ្មីវាងផ្សារឧត្តុង្គជាថ្មីម្ដងទៀតហើយ៕
អត្ថបទ៖ ឈៀងថារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង