អតីតក្រុមអ្នកនយោបាយគណបក្សសង្រ្គោះជាតិ ជួបគ្រោះថ្នាក់ចរាចរណ៍ នៅខេត្តសៀមរាប

អនុប្រធានគណបក្សនយោបាយមួយ បានរងបួស នៅក្នុងគ្រោះថ្នាក់ចរាចរណ៍ នាព្រឹកព្រលឹមថ្ងៃទី២៥ ខែធ្នូ ឆ្នាំ២០២០ ក្នុងដំណើរចុះទៅបំពេញបេសកកម្មការងាររនៅស្រុកស្រីស្នំ ខេត្តសៀមរាប។ នេះបើតាមការឱ្យដឹងពីលោក មាជ សុវណ្ណា​រ៉ា អតីតមន្រ្តីបក្សប្រឆាំង។

លោក មាជ សុវណ្ណារ៉ា បានឱ្យដឹងថា លោក កង គឹមហាក់ អនុប្រធានគណបក្សខ្មែរស្រឡាញ់ជាតិ រួមជាមួយក្រុមការងារ បានរងរបួសក្នុងគ្រោះថ្នាក់ចរាចរណ៍ ដែលបង្ករឡើងដោយរថយន្តធន់ធំ បើកប្រជែងគ្នាក្នុងល្បឿនលឿនមិនប្រយ័ត្ន ហើយបានប៉ះជាមួយម៉ូតូ រួចក៏បានជ្រុលមកបុកជាមួយឡានរបស់ លោក កង គឹមហាក់ យ៉ាងពេញទំហឹងតែម្ដង។

ក្រោយពីកើតហេតុ ម្ចាស់រថយន្តធំ បានរត់គេចខ្លួនបាត់ ហើយរថយន្តសង្គ្រោះបានដឹកអ្នករងរបួសទៅមន្ទីរពេទ្យ៕