ព័ត៌មានជាតិ
មន្ត្រី៖ កម្ពុជាទាមទារ ៧០%នៃប្រេងដែលកប៉ាល់ MT STROVOLOS លួចដឹកចេញពីកម្ពុជា
រាជរដ្ឋាភិបាលកម្ពុជា បានទាមទារ ៧០ភាគរយនៃចំណែកប្រេងទាំងអស់ដែលកប៉ាល់ MT STROVOLOS លួចដឹកចេញពីកម្ពុជាកន្លងទៅនេះ ខណៈ ២៦ភាគរយសម្រាប់ការទូទាត់ជាមួយកប៉ាល់ MT STROVOLOS និងសល់ ៤ភាគរយសម្រាប់សងក្រុមហ៊ុនម្ចាស់បំណុលរបស់ក្រុមហ៊ុន Kris Energy។ នេះបើតាមលោក ម៉េង សក្តិធារ៉ា រដ្ឋលេខាធិការក្រសួងរ៉ែ និងថាមពល ថ្លែងនៅក្នុងសន្និសីទកាសែត នៅថ្ងៃទី៩ សីហានេះ នៅទីស្ដីការគណៈរដ្ឋមន្ត្រី។

លោក ម៉េង សក្តិធារ៉ា លើកឡើងថា ឆ្លងកាត់ការខិតខំប្រឹងប្រែងរបស់ក្រុមការងាររបស់រាជរដ្ឋាភិបាលកម្ពុជា ក្នុងការចចារយ៉ាងសកម្ម និងស្វិតស្វាញជាមួយភាគីម្ចាស់កប៉ាល់ MT STROVOLOS និងម្ចាស់បំណុលរបស់ក្រុមហ៊ុន Kris Energy គឺទទួលបានលទ្ធផលយ៉ាងល្អប្រសើរ ដោយប្រេងឆៅប្រមាណ ៣០ម៉ឺនបារ៉ែល ដែលកប៉ាល់ MT STROVOLOS ដឹកចេញពីដែនទឹករបស់កម្ពុជា នឹងបែងចែកផលប្រយោជន៍សម្រាប់ភាគីទាំងបី។
លោកថ្លែងដូច្នេះថា៖«យើងទាមទារបានជារួម គឺ៧០ភាគរយនៃប្រេងទាំងអស់ ហើយ ២៦ភាគរយសម្រាប់ទូទាត់ទៅឲ្យថ្លៃកប៉ាល់ និង ៤ភាគរយសម្រាប់ម្ចាស់បំណុលក្រុមហ៊ុន Kris Energy ដែលក្ស័យធនទៅហើយនោះ»។

បើតាមមន្ត្រីជាន់ខ្ពស់ក្រសួងរ៉ែ និងថាមពលរូបនេះ គឺក្រសួងនឹងដាក់ឆ្លងគោលការណ៍សម្រេចពីសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដើម្បីអាចឈានទៅបញ្ចប់ ហើយធ្វើការចុះហត្ថលេខាលើកិច្ចព្រមព្រៀងលក់ប្រេងក្នុងកប៉ាល់ជិត ៣០ម៉ឺនបារ៉ែលនេះ ក្នុងពេលឆាប់ៗ។
លោក ម៉េង សក្តិធារ៉ា អះអាងថា ការទទួលបានចំណែក ៧០ភាគរយនៃប្រេងឆៅប្រមាណ ៣០ម៉ឺនបារ៉ែលនេះ គឺកម្ពុជាទទួលបានផលប្រយោជន៍ច្រើនជាងមុន ខណៈទឹកប្រាក់ចំនួន ៥លានដុល្លាររបស់ក្រុមហ៊ុន Kris Energy ដែលដាក់តម្កល់ ក៏កម្ពុជារឹបអូសយកផងដែរ។

គួររំលឹកថា ដំណក់ប្រេងលើកដំបូងរបស់កម្ពុជា ត្រូវបានប្រកាសរុករកពីប្លុក A ដែនសមុទ្រកម្ពុជា កាលពីថ្ងៃទី២៩ ខែធ្នូ ឆ្នាំ២០២០។ ប៉ុន្តែមិនបានប៉ុន្មាន គឺក្រុមហ៊ុនមេរបស់ក្រុមហ៊ុន Kris Energy បានប្រកាសក្ស័យធន មិនអាចបន្តអាជីវកម្មរបស់ខ្លួនបាន។ ហេតុននេះហើយទើបកប៉ាល់ MT STROVOLOS លួចដឹកប្រេងឆៅដំបូងរបស់កម្ពុជាប្រមាណជិត ៣០ម៉ឺនបារ៉ែល ចេញពីដែនទឹកកម្ពុជា ដោយគ្មានការជូនដំណឹងដល់រាជរដ្ឋាភិបាលជាមុនឡើយ៕
ដោយ៖ ធឿន វ៉ាន់សុង

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ