ព័ត៌មានជាតិ
មួយថ្ងៃ មានភ្ញៀវទេសចរបរទេសជាង ៣ ពាន់ នាក់ មកកម្សាន្តនៅរាជធានីភ្នំពេញ
ប្រធានមន្ទីរទេសចរណ៍រាជធានីភ្នំពេញបានឲ្យដឹងថា វិស័យទេសចរចាប់ផ្ដើមមានស្ថានភាពល្អប្រសើរឡើងវិញ ខណៈនៅរាជធានីភ្នំពេញមានភ្ញៀវបរទេសចម្រុះជាតិសាសន៍មកទស្សនាមួយថ្ងៃជាង ៣ ០០០ នាក់។
លោក ម៉ម វាសនា ប្រធានមន្ទីរទេសចរណ៍រាជធានីភ្នំពេញបានឲ្យកម្ពុជាថ្មីដឹងតាមទូរសព្ទនៅព្រឹកនេះថា វិស័យទេសចរណ៍កំពុងវិលត្រឡប់មករកស្ថានភាពល្អប្រសើរ ខណៈរាជធានីភ្នំពេញចាប់ផ្ដើមទទួលកំណើនភ្ញៀវមកកម្សាន្តជារៀងរាល់ថ្ងៃ។

«បច្ចុប្បន្នក្នុងមួយថ្ងៃមានភ្ញៀវទេសចរចម្រុះជាតិសាសន៍ជាង ៣ ០០០ នាក់ បានធ្វើដំណើរមកកម្សាន្តនៅរាជធានីភ្នំពេញ។ ភ្ញៀវទេសចរអន្តរជាតិមានច្រើនជាង ៤០ សញ្ជាតិ ដោយចិន ជប៉ុន អាមេរិក បារាំង នាំមុខគេ»។
លោក ម៉ម វាសនា បានបន្តទៀតថា តាមរយៈព្រលានយន្តហោះអន្តរជាតិភ្នំពេញមានជើងហោះហើរជាង ៣០ ជើង ខណៈមុនវិបត្តិកូវីដមានជាង ២០០ ជើងក្នុងមួយថ្ងៃ។
លោក ម៉ម វាសនា បានបន្តថា អាជីវកម្មសណ្ឋាគារផ្ទះសំណាក់ដែលរងផលប៉ះពាល់ដោយសារវិបត្តិកូវីដបានចាប់ផ្តើមដំណើរការឡើងវិញ ហើយសណ្ឋាគារកម្រិតផ្កាយថ្មីៗបន្ថែមទៀតកំពុងសាងសង់សម្រាប់ទទួលកំណើនភ្ញៀវទេសចរណ៍នៅពេលខាងមុខ។
វិស័យទេសចរណ៍ បានចូលរួមចំណែកយ៉ាងខ្លាំងក្នុងការអភិវឌ្ឍន៍សេដ្ឋកិច្ចជាតិ ប្រមាណ ១២% នៃផលិតផលក្នុងស្រុកសរុប និងផ្ដល់ការងារជាង ៦៣ ម៉ឺននាក់ដល់ប្រជាពលរដ្ឋ។ ប៉ុន្តែរយៈពេល ៣ ឆ្នាំកន្លងទៅនេះ វិស័យទេសចរណ៍រងការបំផ្លាញយ៉ាងធ្ងន់ធ្ងរដោយសារជំងឺកូវីដ-១៩ ដែលធ្វើឲ្យចំនួនអ្នកទេសចរថយចុះប្រមាណ ៨០% និងបាត់បង់ចំណូលថវិកាជាតិយ៉ាងច្រើនលើសលប់។
លោក ម៉ម វាសនា បានបញ្ជាក់ថា ស្ថិតក្នុងវិបត្តិនៃជំងឺកូវីដ រាជរដ្ឋាភិបាលកម្ពុជាបានយកចិត្តទុកដាក់ដោះស្រាយវិបត្តិជាប់គាំងនេះ។ កម្ពុជាជាប្រទេសដំបូងគេមួយនៅក្នុងតំបន់ដែលបានបើកចំហ ដោយកាត់បន្ថយរបាំងទទួលទេសចរអន្តរជាតិ ក្នុងការចូលមកកាន់ប្រទេសកម្ពុជា។
កាលពីខែមីនា ឆ្នាំ ២០២២ កម្ពុជាបានសម្រេចបើកការធ្វើដំណើរតាមច្រកទ្វារអន្តរជាតិឡើងវិញ និងផ្តល់ទិដ្ឋាការនៅពេលមកដល់ (Visa on arrival) និងលុបចោលលក្ខខណ្ឌតម្រូវឱ្យបង្ហាញលទ្ធផលភីស៊ីអ (PCR) តេស្តអវិជ្ជមាននិងមិនតម្រូវឱ្យធ្វើតេស្តរហ័ស នៅពេលមកដល់ដោយគ្រាន់តែបង្ហាញប័ណ្ណឬព័ត៌មាននៃការចាក់វ៉ាក់សាំងគ្រប់ដូស៕
អត្ថបទ៖ ប៊ុណ្ណារ៉ា

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៧ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ចរាចរណ៍៣ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់