ព័ត៌មានជាតិ
លោក ស៊ុន ចាន់ថុល៖ ក្រសួងមិនអាចធ្វើឆៀករថយន្តដឹកកម្មករបានទេ
លោក ស៊ុន ចាន់ថុល ទេសរដ្ឋមន្ត្រីរដ្ឋមន្ត្រីក្រសួងសាធារណការ និងដឹកជញ្ជូនបានមានប្រសាសន៍ថា ក្រសួងមិនអាចធ្វើឆៀករថយន្តដឹកកម្មករបានទេ ដោយសាររថយន្តទាំងនោះបានកែឆ្នៃខុសបច្ចេកទេស។
ការលើកឡើងរបស់លោកទេសរដ្ឋមន្ត្រី ស៊ុន ចាន់ថុល នេះបានធ្វើឡើងឆ្លើយតបទៅនឹងខាងភាគី ប.ស.ស ដែលបានស្នើឱ្យក្រសួងសាធារណការនិងដឹកជញ្ជួនជួយសម្រួលធ្វើឆៀករថយន្តសម្រាប់ដឹកកម្មករនិយោជិត។

នៅក្នុងកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំឆមាសទី១ និងលើកទិសដៅការងារឆមាសទី២ ឆ្នាំ២០២២កាលពីថ្ងៃទី១៨សីហា លោកទេសរដ្ឋមន្ត្រី ស៊ុន ចាន់ថុល បានបន្តថា « ខ្ញុំសូមបញ្ជាក់ទៅខាង ប.ស.ស
ដែលបានស្នើឱ្យក្រសួសាធារណការនិងដឹកជញ្ជួនឱ្យជួយសម្រួលធ្វើឆៀករថយន្តដឹកកម្មករ។ ត្រង់ចំណុចនេះខ្ញុំសូមឆ្លើយតបតែម្តងចំពោះសំណើរនេះថា ខាងក្រសួងមិនអាចធ្វើឆៀករថយន្តដឹកកម្មករបានទេ ដោយសាររថយន្តរបស់គាត់បានកែឆ្នៃខុសបច្ចេកទេស »។ ការស្នើសុំនេះ បន្ទាប់ពីអត្រាគ្រោះថ្នាក់ចរាចរណ៍របស់កម្មករនិយោជិតមានការកើនឡើងគួរឱ្យកត់សម្គាល់ដែលភាគច្រើនកើតឡើងទៅលើបងប្អូនកម្មករនិយោជិតដែលធ្វើដំណើរតាមរថយន្តដឹកកម្មករនិយោជិត។

លោក ហេង សុផាន់ណារិទ្ធ អគ្គនាយករងបេឡាជាតិរបបសន្តិសុខសង្គម(ប.ស.ស.) និងជាប្រធានក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករនិយោជិតបានឱ្យដឹងថានៅក្នុងឆមាសទី១ ឆ្នាំ២០២២នេះ គ្រោះថ្នាក់ចរាចរណ៍ផ្លូវគោក បានកើតឡើងលើកម្មករនិយោជិតចំនួន១ ៦៧២ករណី មានកម្មករនិយោជិតរងគ្រោះចំនួន ១ ៩១៩នាក់ក្នុងនោះស្លាប់៤៧នាក់ របួសធ្ងន់ ៥៦៧នាក់ និងរបួសស្រាល ១ ៣០៥នាក់។
លោកបានបន្តថាក្នុងចំណោមគ្រោះថ្នាក់ទាំងនោះគ្រោះថ្នាក់លើរថយន្តដឹកកម្មករនិយោជិតមានចំនួន ៥លើក បណ្តាលឱ្យរងរបួសសរុប ១០៦នាក់ ក្នុងនោះរបួសធ្ងន់១៦នាក់ និងរបួសស្រាល ៩០នាក់។ តួលេខនេះបើប្រៀបធៀបទៅនឹងរយៈពេល៦ខែដូចគ្នាកាលពីឆ្នាំ២០២១កន្លងទៅឃើញថាមានការកើនឡើងគួរឱ្យកត់សម្គាល់។ក្នុងនោះរយៈពេល៦ខែឆ្នាំ២០២១មានកម្មករនិយោជិតរងគ្រោះចំនួន១.៣៣៣នាក់ក្នុងនោះស្លាប់ចំនួន៣៣នាក់របួសធ្ងន់៣២៨នាក់ និងរបួសស្រាល១.១៦៣នាក់។

លោកអគ្គនាយករង បានបានជំរុញឲ្យបងប្អូនកម្មករនិយោជិតដែលប្រើប្រាស់ម៉ូតូត្រូវចូលរួមគោរពច្បាប់ចរាចរណ៍ផ្លូវគោក (ពាក់មួកសុវត្ថិភាពជានិច្ចត្រូវប្រកាន់ស្តាំជានិច្ច កុំវ៉ា ឬជែងគ្នា និងត្រួតពិនិត្យម៉ូតូឲ្យបានត្រឹមត្រូវ)។ អ្នកបើកបររថយន្តប្រភេទដឹកទំនិញដែលដឹកកម្មករនិយោជិតសូមប្តូរមកប្រើប្រាស់រថយន្តប្រភេទដឹកអ្នកដំណើរ។ អ្នកបើកបររថយន្តប្រភេទដឹកទំនិញដែលដឹកកម្មករឈរ កែច្នៃឲ្យមានកៅអីអង្គុយស្របតាមលក្ខណៈបច្ចេកទេស និងទៅត្រួតពិនិត្យលក្ខណៈបច្ចេកទេសតាមច្បាប់កំណត់ និងអ្នកបើកបររថយន្តដឹកកម្មករនិយោជិត ត្រូវទទួលការបំប៉នជំនាញបើកបររថយន្តការត្រួតពិនិត្យលក្ខណៈបច្ចេកទេសយានយន្តការអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក និងសុវត្ថិភាពក្នុងការបើកបរយានយន្ត៕
អត្ថបទ៖ សំអឿន

-
ព័ត៌មានអន្ដរជាតិ៥ ថ្ងៃ ago
រថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានជាតិ៥ ថ្ងៃ ago
កូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៦ ថ្ងៃ ago
បង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ១ សប្តាហ៍ ago
ហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម៣ ថ្ងៃ ago
Update៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៦ ថ្ងៃ ago
ឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ ago
គ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ
-
សន្តិសុខសង្គម៣ ថ្ងៃ ago
Update ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់