ព័ត៌មានជាតិ
វឌ្ឍនៈ ប្រ៊ូវើរី នាំមកនូវស្រាបៀររសជាតិថ្មីប្លែកច្នៃប្រឌិតបំផុតគឺ Dragon Premium Dark Beer
ស្រាបៀរប្រណិតទឹកខ្មៅ (Craft Beer) បំពេញបន្ថែមតម្រូវការអតិថិជននិយមពិសាស្រាបៀរនៅកម្ពុជាចាប់ពីថ្ងៃទី២០ សីហា នេះតទៅ ប្រជាជនកម្ពុជានឹងអាចទទួលបានភាពសប្បាយរីករាយជាមួយរសជាតិ និងគុណភាព នៃការច្នៃប្រឌិតថ្មីបំផុតពីក្រុមហ៊ុន វឌ្ឍនៈ ប្រ៊ូវើរី គឺ Dragon Premium Dark Beer ជាស្រាបៀរប្រណិតទឹកខ្មៅ (Craft Beer) ដែលត្រូវបានបិតចម្រាញ់ យ៉ាងផ្ចិតផ្ចង់បំផុត ដើម្បីបំពេញចំណូលរសជាតិ របស់អ្នកទទួលទានស្រាបៀរនៅក្នុងស្រុក។ ជាមួយនឹងទម្រង់រសជាតិថ្មីប្លែកមិនធ្លាប់មានពីមុនមក ដ្រាហ្គិន ព្រីមៀមដាកបៀរ គឺជាសាក្ខីកម្មនៃការបេ្តជ្ញាចិត្តរបស់ វឌ្ឍនៈ ប្រ៊ូវើរី ក្នុងការផលិតស្រាបៀរដែលមានគុណភាពលំដាប់អន្តរជាតិដើម្បីផ្តល់នូវឱជារស ភាពសប្បាយរីករាយ និងចំណូលចិត្តអតិថិជន។ ដ្រាហ្គិន ព្រីមៀម ដាកបៀរ នឹងមានវត្តមាននៅតាមភោជនីយដ្ឋាន បារ និងក្លឹបកម្សាន្តនានាគ្រប់ទីកន្លែងដែលទាំងអស់គ្នាអាចស្វែងភាពសប្បាយរីករាយ។
វឌ្ឍនៈ ប្រ៊ូវើរី ដែលត្រូវបានទទួលស្គាល់ដោយស្ថាប័នអន្តរជាតិក្នុងការផលិតស្រាបៀរគ្រុឌ និង វឌ្ឍនៈ ព្រីមៀមបៀរ ជាប់ពាន់រង្វាន់មេដាយមាសពី Monde Selection ប្រចាំឆ្នាំ២០២២ បានបង្ហាញរូបរាងស្រាបៀរទឹកខ្មៅដ៏ថ្មីស្រឡាងនេះដើម្បីផ្លាស់ប្តូរទំលាប់នៃការទទួលទានស្រាបៀរ ហើយចាប់ផ្តើមសប្បាយជាមួយគុណភាព និងរសជាតិដ៏ពិតប្រាកដ។ អ្នកឧញ៉ា សំអាង វឌ្ឍនៈ នាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី មានប្រសាសន៍ថា៖ «នៅ វឌ្ឍនៈ ប្រ៊ូវើរី ការច្នៃប្រឌិត និងគុណភាពស្ថិតនៅក្នុងសរសៃឈាម (DNA) របស់យើងខ្ញុំ ហើយយើងចង់បង្កើតអ្វីដែលថ្មីទាំងស្រុងសម្រាប់ប្រទេសកម្ពុជាគឺ ស្រាបៀរទឹកខ្មៅ ស្រស់ដែលសក្តិសមនឹងរសជាតិដ៏ល្អប្រសើរសម្រាប់ទទួលទាន។ យើងតែងតែជឿថាជីវិត ធម្មជាតិ ក៏ដូចជាអាហារ មិត្តភ័ក្តិ ឬស្រាបៀរល្អ ត្រូវទទួលបានការយកចិត្តទុកដាក់ និងការដឹងគុណកោតសរសើរយ៉ាងពេញលេញ។ យើងខ្ញុំចង់ឱ្យអ្នកចូលចិត្តពិសាស្រាបៀរ ទទួលបានបទពិសោធន៍នៃរសជាតិដ៏អស្ចារ្យពីការបង្កើតថ្មីបំផុតរបស់យើង ហើយសប្បាយជាមួយរសជាតិ និងគុណភាពគ្រប់ពេលដែលពួកគាត់ក្រេបរសជាតិផលិតផលរបស់យើង»។
បិទចម្រាញ់ដោយវត្ថុធាតុដើមល្អបំផុត
កាកើនឡើងនៃចំណង់ចំណូលទៅលើស្រាបៀរប្រណិត រសជាតិសម្បូរបែប ហើយស្រាលស្រទន់ គឺជាហេតុផលដែលជម្រុញឲ្យអោយក្រុមការងារ វឌ្ឍនៈ ប្រ៊ូវើរី ផលិតនូវស្រាបៀរដ៏អស្ចារ្យបែបនេះ ដើម្បីបង្កើតបានជាបទពិសោធន៍ដ៏ល្អជូនអតិថិជនរបស់ ខ្លួន។ ត្បិតតែមានពណ៌ស្រដៀងទៅនឹងស្រាបៀរស្តោតក៏ដោយ ប៉ុន្តែ ដ្រាហ្គិន ព្រីមៀមដាកបៀរ មិនមានរសជាតិជូរ ឬល្វីងដូចថ្នាំដែលមាននៅក្នុង ស្រាបៀរស្តោតភាគច្រើននោះឡើយ។ រសជាតិដ៏ស្រាលស្រទន់ និងស្រស់ស្រាយរបស់ដ្រាហ្គិន គឺជារសជាតិថ្មីប្លែកមិនធ្លាប់មានពីមុនមក។
ដើម្បីសម្រេចបាននូវរសជាតិប្រណិតបែបនេះ ក្រុមអ្នកផលិតបានលាយបញ្ចូលគ្នាយ៉ាងពិសេសនូវគ្រឿងផ្សំដែលមានគុណភាពខ្ពស់ជាច្រើនដូចជាស្រូវសាលីខ្មៅពីទីក្រុងម៉ូនិច ដែលធ្វើឲ្យដ្រាហ្គិន មានក្លិនឈ្ងុយដូចនំបុ័ងដែលទើបដុតថ្មីៗ ស្រូវសាលីកាហ្វេ BlackSwaen ធ្វើឲ្យប្រហើរក្លិនកាហ្វេ និងកាកាវ រួមផ្សំជាមួយនិងផ្កាហប់ម៉ុនរ៉ូ ដែលផ្តល់រសជាតិផ្អែមប៊ឺរី ដោយប្រើនូវបច្ចេកទេសពិសេសហៅថា Whirlpool Hopping ដើម្បីយើងអាចទាញយកក្លិនឈ្ងុយឆ្ងាញ់ចេញពីផ្កាហប់ ដោយមិនបន្ថែមរសជាតិល្វីងខ្លាំងហួសហេតុ។
ការផ្លាស់ប្តូរទំលាប់ប្រពៃណី
អ្នកឧញ៉ា សំអាង វឌ្ឍនៈ បានបន្តថា៖ «ជាយូរណាស់មកហើយ ស្រាបៀរទឹកខ្មៅត្រូវបានផលិតឡើងពុំមានភាពច្នៃប្រឌិត ឬគុណភាព។ មិនត្រឹមតែផលិតនូវស្រាបៀរទឹកខ្មៅដែលមានគុណភាព និងភាពច្នៃប្រឌិតខ្ពស់លើសផលិតផលដែលកំពុងចរាចរនាពេលចច្ចុប្បន្នប៉ុណ្ណោះទេ ជំនួសមកវិញ យើងខ្ញុំបានផ្តោតទៅលើការបង្កើតស្រាបៀរប្រភេទថ្មីមួយទៀតទាំងស្រុង»។ ដ្រាហ្គិន មានកម្រិត IBU ទាបជាងស្រាបៀរទឹកខ្មៅដ៏ទៃ ដែលនេះនឹងធ្វើឲ្យស្រាបៀរទឹកខ្មៅមួយនេះក្លាយទៅជាស្រាបៀរគួរជាទីគាប់ចិត្តដល់អ្នកទទួលទានគ្រប់គ្នា។ ជាតិល្វីងពីធម្មជាតិ និងរសជាតិផ្អែមពីស្រូវសាលី បញ្ចូលគ្នាបានយ៉ាងល្អបង្កើតបានជាក្លិនកាហ្វេលាយការ៉ាម៉ែលដែលធ្វើឱ្យរាល់ការក្រេបរសជាតិស្រាបៀរប្រណិតទឹកខ្មៅ ដ្រាហ្វិន ម្តងៗពោរពេញទៅដោយការចងចាំ និងភាពរីករាយក្រៃលែង។
បេសកកម្មដើម្បីប្រយោជន៍រួម
តាមរយៈការចាប់ផ្តើមដំណើរការលក់ដ្រាហ្គិន ព្រីមៀមដាកបៀរនេះ ក្រុមហ៊ុន វឌ្ឍនៈ ប្រ៊ូវើរី បន្តបេសកកម្មរបស់ខ្លួនដើម្បីបង្កើតការងារជាច្រើនទាំងដោយផ្ទាល់ និងដោយប្រយោល។ រោងចក្ររំពឹងថានឹងផ្តល់ការងារចំនួន ១,៥០០កន្លែង នៅពេលដំណើរការពេញលេញ។ ការផ្តោតសំខាន់លើការផលិត និងការវិនិយោគក្នុងស្រុក ជួយបង្កើនចំណូលពន្ធជូនរដ្ឋាភិបាល ទន្ទឹមនឹងការលើកកម្ពស់ការអភិវឌ្ឍន៍វិស័យជាច្រើនទៀតនៅកម្ពុជា។ គ្រួសារវឌ្ឍនៈមានប្រវត្តិយូរអង្វែងនៅក្នុងឧស្សាហកម្មស្រាបៀរ ហើយតែងតែស្វិតស្វាញក្នុងការនាំយកផលិតផលស្រាបៀរក្នុងស្រុក មានគុណភាពខ្ពស់ ប្រកួតប្រជែងជាមួយស្រាបៀរក្នុងតំបន់ ក៏ដូចជាពិភពលោកផងដែរ។ វឌ្ឍនៈ ប្រ៊ូវើរី សង្ឃឹមថាតាមរយៈស្រាបៀរដែលមានគុណភាពរបស់ខ្លួននឹងនាំមកនូវមោទនភាពចំពោះផលិតផលដែលផលិតនៅប្រទេសកម្ពុជា។
អំពីក្រុមហ៊ុន វឌ្ឍនៈ ប្រ៊ូវើរី
ក្រុមហ៊ុន វឌ្ឍនៈ ប្រ៊ូវើរី បានបើកការដ្ឋានសាងសង់រោងចក្រផលិតស្រាបៀរ ដែលមានតម្លៃជាង ១៤០លានដុល្លារ នៅខណ្ឌច្បារអំពៅ រាជធានីភ្នំពេញ ក្នុងឆ្នាំ ២០២១។ រោងចក្រផលិតស្រាបៀរដ៏ទំនើបមានទំហំ ១៥០,០០០ ម៉ែត្រការ៉េនេះ បានផលិតនូវស្រាបៀរ វឌ្ឍនៈ និងស្រាបៀរ គ្រុឌ ដែលត្រូវបានដាក់លក់ទាំងកំប៉ុងនិងដបទូទាំងប្រទេស។ ត្រឹមរយៈពេលប្រាំមួយខែបន្ទាប់ពីការបើកដំណើរការ ស្រាបៀរ វឌ្ឍនៈ និងស្រាបៀរគ្រុឌ បានទទួលមេដាយមាសពីស្ថាបន័ន Monde Selection ប្រចាំឆ្នាំ២០២២ នៅទីក្រុងប្រ៊ុចសែល ប្រទេសបែលហ្ស៊ិក បន្ទាប់ពីឆ្លងកាត់ការត្រួតពិនិត្យយ៉ាងម៉ត់ចត់ជាច្រើនដំណាក់កាលដោយក្រុមអ្នកជំនាញអន្តរជាតិ។
វឌ្ឍនៈ ប្រ៊ូវើរី គឺជាក្រុមហ៊ុនបុត្រសម្ព័ន្ធមួយរបស់ វឌ្ឍនៈ គ្រុប ដែលជាគ្រុបដ៏លេចធ្លោមួយមានក្រុមហ៊ុនជាច្រើនវិនិយោគលើ វិស័យផ្សេងៗដូចជា វិស័យទំនិញ និងសេវាកម្ម អចលនទ្រព្យ សួនឧស្សាហកម្ម ធនាគារ ទីលានវាយកូនហ្គោល បដិសណ្ឋារកិច្ច សំណង់ ម្ហូបអាហារ និងវិស័យអប់រំ។ វឌ្ឍនៈ គ្រុប តែងតែទទួលបានពានរង្វាន់ធំៗជាបន្តបន្ទាប់ពីស្ថាប័នជាតិ និងអន្តរជាតិល្បីៗជាច្រើននៅទូទាំងពិភពលោក ដោយសារការប្រកាន់ខ្ជាប់នូវគុណតម្លៃស្នូល «គុណភាព ភាពច្នៃប្រឌិត សេវាកម្មល្អឯក និងសុខុមាលភាព» តាំងពីដើមរៀងមក សម្រាប់រាល់ការវិនិយោគទាំងឡាយនៅក្នុងប្រទេសកម្ពុជា៕
ពិធីចុះហត្ថលេខាលើអនុស្សរណៈនៃការយោគយល់គ្នារវាង BKD Academy នឹង Manulife Cambodia
នគរបាលឃាត់ខ្លួនជនសង្ស័យម្នាក់ ហ៊ានបង្ហោះលក់កាំភ្លើងជាសាធារណៈនិង ដកហូតកាំភ្លើងបាន៧ដើម
មន្ត្រីជាន់ខ្ពស់នៃក្រសួងសាធារណការ និងដឹកជញ្ជូនបន្តចុះពិនិត្យវឌ្ឍនភាពការស្ថាបនាផ្លូវជាតិលេខ៧
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
សម្តេចធិបតី ជំរុញឱ្យពន្លឿនការរៀបចំនូវច្បាប់សន្តិសុខសាយប័រ
ទំនងឆ្លងចរន្ដ រថយន្ដ FORD RAPTOR មួយគ្រឿងត្រូវអណ្ដាតភ្លើងឆេះអស់មួយកំណាត់មុខ
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
យន្តហោះ២គ្រឿងទៀត បុកគ្នានៅ អាមេរិក
UN ព្រមានថា ផែនការកាន់កាប់ហ្គាហ្សា របស់លោកត្រាំ នឹងក្លាយជាការបោសសម្អាតផ្តាច់ពូជ
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?