ព័ត៌មានជាតិ
រាជរដ្ឋាភិបាល សង់ចេតិយតម្កល់អដ្ឋិធាតុអតីតយុទ្ធជន៤៩រូបដែលពលីជីវិតនៅវៀតណាមក្នុងសម័យ ប៉ុល ពត
រាជរដ្ឋាភិបាលកម្ពុជា បានសាងសង់ចេតិយតម្កល់អដ្ឋិធាតុអតីតយុទ្ធជន៤៩រូបដែលបានពលីជីវិតនៅក្នុងប្រទេសវៀតណាមក្នុងសម័យប៉ុល ពត បន្ទាប់ពីរកសាច់ញាតិ និងក្រុមគ្រួសាររបស់ពួកគេមិនឃើញជាច្រើនឆ្នាំរួចមក។ ចេតិយតម្កល់អដ្ឋិធាតុនេះ ត្រូវបានសាងសង់ឡើងនៅក្នុងតំបន់ X-16 ក្នុងខេត្តត្បូងឃ្មុំ ជាប់ព្រំដែនជាមួយប្រទេសវៀតណាម។
អដ្ឋិធាតុរបស់យុទ្ធជនកម្ពុជាទាំង៤៩រូបនេះ បានតម្កល់ទុកនៅលើទឹកដីខេត្តដុងណាយ ប្រទេសវៀតណាម រាប់សិបឆ្នាំមកហើយ ខណៈជាច្រើនឆ្នាំមកនេះរកសាច់ញាតិ និងក្រុមគ្រួសាររបស់ពួកគេមិនឃើញ។ ដូច្នេះ ដើម្បីតបស្នងសងគុណចំពោះយុទ្ធជនពលីទាំងនេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសម្រេចស្នើឱ្យធ្វើមាតុភូមិនិវត្តមកកម្ពុជាវិញនូវអដ្ឋិធាតុរបស់ពួកគេ ដោយតម្កល់នៅក្នុងតំបន់ X-16។
ក្នុងពិធីបញ្ចុះបឋមសិលាសាងសង់ចេតិយតម្កល់អដ្ឋិធាតុ និងជាស្តូបរំលឹកគុណយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជានៅតំបន់ប្រវត្តិសាស្រ្តយោធាតេជោកោះថ្ម X-16 ស្ថិតក្នុងឃុំទន្លូង ស្រុកមេមត់ ខេត្តត្បូងឃ្មុំនៅថ្ងៃទី២០ ខែសីហានេះ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ និងជាប្រធានគណៈកម្មការអន្តរក្រសួង សម្រាប់ការរៀបចំមាតុភូមិនិវត្តន៍អដ្ឋិធាតុយុទ្ធជនចំនួន៤៩រូប បានមានប្រសាសន៍ថា ក្រុមការងារអន្តរក្រសួង បានចាប់ផ្តើមនូវផែនការនៃការសាងសង់ចេតិយតម្កល់អដ្ឋិធាតុជាមុនសិន ដោយប្រើប្រាស់រយៈពេលសាងសង់យូរយ៉ាងហោច៧ខែ។ រីឯ អ្នកដែលទទួលខុសត្រូវសាងសង់ គឺលោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានក្រុមការងារបច្ចេកទេស។
សម្តេចពិជ័យសេនា ទៀ បាញ់ បានបន្តថា ការសាងសង់ចេតិយតម្កល់អដ្ឋិធាតុនេះ គឺជាការឆ្លើយតបចំពោះគុណូបការៈ ពលីរបស់យុទ្ធជនចំនួន៤៩រូប ដែលរួមចំណែកក្នុងដំណើរឆ្ពោះទៅរកការផ្តួលរំលំរបបប្រល័យពូជសាសន៍ ប៉ុល ពត។ សម្តេចថា ការកំណត់ទីតាំងសាងសង់នៅតំបន់ប្រវត្តិសាស្រ្តយោធាតេជោកោះថ្ម ដោយសារទីតាំងប្រវត្តិសាស្ត្រនេះ គឺជាកន្លែងបញ្ចុះសពយុទ្ធជន កម្មាភិបាលពលី អតីតអង្គភាព១២៥ ចំនួន ៤៩នាក់ ដែលបានបូជាជីវិតក្នុងបុព្វហេតុរំដោះប្រទេសជាតិ និងអាយុជីវិតប្រជាជនកម្ពុជាពីរបបប្រល័យពូជសាសន៍ ប៉ុល ពត។
អង្គភាព១២៥ គឺជាឈ្មោះ អង្គភាពដំបូងនៃកងកម្លាំងសាមគ្គីសង្គ្រោះជាតិកម្ពុជា ដែលបានបង្កើតឡើងនៅថ្ងៃទី១២ ខែឧសភា ឆ្នាំ១៩៧៨ ជាចំណុចចាប់ផ្តើមដំបូងគេបង្អស់ នៃចលនាតស៊ូរបស់កម្ពុជា ចេញពីប្រទេសវៀតណាម ក្រោមការដឹកនាំដោយផ្ទាល់ពីសម្តេចតេជោ ហ៊ុន សែន មុននឹងឈានដល់ការបង្កើតរណសិរ្សសាមគ្គីសង្គ្រោះជាតិកម្ពុជា នៅថ្ងៃទី២ ខែធ្នូ ឆ្នាំ១៩៧៨។ សម្តេចពិជ័យសេនាបានបញ្ជាក់ថា បន្ទាប់ពីការសាងសង់បានបញ្ចប់នាខែឧសភា ឆ្នាំ២០២៣ ក្រុមការងារអន្តរក្រសួង នឹងរៀបចំពិធីតម្កល់អដ្ឋិធាតុយុទ្ធជនទាំង ៤៩រូប អំឡុងបំណាច់ឆ្នាំ២០២៣ ក្នុងឱកាសខួបលើកទី៤៥ ទិវាចងចាំនៃដំណើរឆ្ពោះទៅរកការផ្តួលរំលំរបបប្រល័យពូជសាសន៍ ប៉ុល ពត៕
ដោយ៖ សំអឿន
មន្ត្រីជំនាញសុខាភិបាល នឹងធ្វើបច្ចុប្បន្នភាពទិន្នន័យថ្មីទាក់ទិន ស្ថានភាពជំងឺអេដស៍នៅកម្ពុជា នៅឆ្នាំ ២០២៥
នាយកដ្ឋានបង្ការពន្លត់អគ្គិភ័យ គ្រោងបំពាក់លេខ Hotline 118 នៅតាមបណ្ដារាជធានី ខេត្ត ទូទាំងប្រទេស ដើម្បីអន្តរាគមន៍ទាន់ពេលវេលា
សហគមន៍មួយក្នុងខេត្តព្រះវិហារដើរតួសំខាន់ក្នុងការដាំម្ទេសខ្មាំង
ក្បាច់គុន «ឥន្ទ្រីពស់» ជាចំណុចរបត់មួយ នាំ ឈិនឡុង ឲ្យក្លាយជាតារាពិភពលោក
ក្រសួងការងារ ប្រកាសតម្រូវការកម្លាំងពលកម្មក្នុងស្រុកជាង ៧ ម៉ឺនកន្លែង បម្រើវិស័យធំៗ ៣
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
ដុំដែកធ្លាក់លើផ្ទះពលរដ្ឋខូចខាត៣ខ្នង ខណៈម្ចាស់ផ្ទះស្នើឲ្យអាជ្ញាធររកប្រភពដើម្បីទទួលខុសត្រូវ
អាវុធហត្ថខេត្តតាកែវ គ្រោងសាងសង់អគារបញ្ជាការដ្ឋានថ្មី ដើម្បីបំពេញតម្រូវការការងារ
ជិះម៉ូតូទាក់ដៃចង្កូតគ្នា ស្លាប់-របួសធ្ងន់ ០២ នាក់ នៅលើផ្លូវ ៥៩៨
-
ចរាចរណ៍១ សប្តាហ៍ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៧ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ព័ត៌មានជាតិ២ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ជីវិតកម្សាន្ដ៥ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ៣ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
សន្តិសុខសង្គម១៤ ម៉ោង agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១៧ ម៉ោង agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានជាតិ៤ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»