ឯកឧត្តម ហ៊ុន ម៉ាណែត ផ្តល់ជូនពលរដ្ឋ​រងគ្រោះ​ដោយអគ្គីភ័យ​នៅក្នុងស្រុកបរិបូណ៌

កំពង់ឆ្នាំង: លោកឧត្តមសេនីយ៍ត្រី អ៊ុ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង នៅព្រឹកថ្ងៃទី ២១ ខែសីហាឆ្នាំ២០២២ បានដឹកនាំក្រុមការងារមនុស្សធម៌ សហការជាមួយ លោកអភិបាលស្រុកបរិបូណ៌ នាំអំណោយរបស់ឯកឧត្តម ហ៊ុន ម៉ាណែត មេបញ្ជាការកងទ័ពជើងគោក និងលោកជំទាវផ្ដល់ជូនគ្រួសារ​ជនរងគ្រោះដោយអគ្គីភ័យឆេះផ្ទះ នៅក្នុងភូមិក្រោលជី ឃុំពពេលស្រុកបរិបូណ៌។

លោកឧត្តមសេនីយ៍ត្រី អ៊ុ សុភា បានឱ្យដឹងថា អំណោយរបស់ឯកឧត្តម ហ៊ុន ម៉ាណែត ផ្ដល់ជូនគ្រួសារជនរងគ្រោះ​ខាងលើនេះរួមមាន អង្ករចំនួន ១០០គីឡូក្រាម ស៊ីម៉ង់ត៍ ៤បេ ស័ង្កសី ៥០សន្លឹក មី ៤កេះ ទឹកត្រី ២យួរ ទឹកស៊ីអ៊ីវ ១ យួរ អាវរងា ២អាវ មុង ២ ជែល លាងដៃ ៥ដប  រួមនឹងថវិកាមួយ ចំនួនផងដែរ។

លោក ចេង ចាន់ដូណា អភិបាលស្រុកបរិបូណ៌បានឱ្យដឹងថា ប្រជាពលរដ្ឋរងគ្រោះដោយភ្លើងឆេះផ្ទះ មាន ឈ្មោះ ហ៊ុយ សាម៉ាក់ អាយុ៥៦ឆ្នាំ ភេទប្រុស បានឆេះផ្ទះទំហំ ១០គុ ណ៧ម៉ែត្រ អស់ទាំងស្រុងកាលពីយប់ថ្ងៃទី១៨ ខែសីហា កន្លងទៅ នៅភូមិក្រោលជី ឃុំពពេល ស្រុកបរិបូណ៌ ដោយសារការទុស្សេខ្សែ ភ្លើង ។

នៅក្នុងឱកាសនេះ មេបញ្ជាការតំបន់ប្រតិបត្តិការសឹករងកំពង់ឆ្នាំងបានពាំនាំប្រសាសន៍ផ្តាំផ្ញើសួរសុខទុក្ខ និងចូលរួមសោកស្តាយជាទីបំផុតរបស់ ឯកឧត្តមមេបញ្ជាការ កងទ័ ពជើងគោក និងលោកជំទាវ ចំពោះការបាត់បង់នូវផ្ទះរបស់បងប្អូនប្រ ជាពលរដ្ឋនៅពេលនេះ និងសូមអំពាវនាវផងដែរដល់ប្រជាពលរដ្ឋ​នៅគ្រប់មូលដ្ឋានសូមមេត្តាប្រុង ប្រ យ័ត្នខ្ពស់ចំពោះគ្រោះអគ្គីភ័យដូចខាងលើនេះ។

ក្នុងពេលទទួលបានអំណោយខាង លើនេះលោកអភិបាលស្រុកបរិបូ ណ៌និងក្រុមគ្រួសាររងគ្រោះ បានថ្លែងអំណរគុណ​យ៉ាងជ្រាលជ្រៅចំពោះ ឯកឧត្ដម ហ៊ុន ម៉ាណែត និងលោកជំទាវ  លោកមេបញ្ជាការ តំប ន់ប្រតិបត្តិការសឹករង​កំពង់ឆ្នាំង ព្រ មទាំងក្រុមការងារ ទាំងអស់ សូមជូ នពរអោយមានសុខភាពល្អបរិបូណ៌ និងមានជ័យជម្នះគ្រប់ភារកិច្ច ៕ អត្ថបទ៖ ឈៀង ថារិទ្ធ