ព័ត៌មានជាតិ

អ្នកគាំទ្រគណបក្សភ្លើងទៀនបានស្ម័គ្រចិត្តចូលរួមជីវភាពនយោបាយគណបក្សប្រជាជនកម្ពុជាក្នុងខេត្តកំពតចំនួន ៦៤៩នាក់

បានផុស

២ years មុន

នៅ

ថ្ងៃអង្គារ ២៣ សីហា ២០២២

ដោយ

កំពត ៖ នៅព្រឹកថ្ងៃទី២៣ ខែសីហា ឆ្នាំ២០២២នេះបានរៀបចំ ពិធីបញ្ចូលសមាជិកមកពីគណបក្សភ្លើងទៀននេះ បានធ្វើឡើងក្រោមវត្តមាន អ្នកឧកញ៉ា(លោកគ្រូមា) លី សាម៉េត ទីប្រឹក្សាផ្ទាល់របស់សម្ដេចតេជោ ហ៊ុន សែន ប្រធានគណបក្សប្រជាជនកម្ពុជាឯកឧត្តម ម៉ៅ ធនិន អភិបាលខេត្ត ជាសមាជិកគណៈកម្មាធិការកណ្ដាល និងជាប្រធានគណៈកម្មាធិការគណបក្សប្រជាជនកម្ពុជាខេត្តកំពត រួមនឹងសមាជិក សមាជិកានិងបងប្អូន ប្រជាពលរដ្ឋបានអញ្ជើញ ចូលរួមប្រមាណជាង ១,០០០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម ម៉ៅ ធនិន អភិបាលខេត្តកំពតបានលើកឡើងថា សមាជិក សមាជិកាអតីតអ្នកគាំទ្រគណបក្សភ្លើងទៀនទាំង ៦៤៩នាក់ បានសម្រេចចិត្តចូលរួមយ៉ាងត្រឹមត្រូវដើម្បីមករួមរស់ជីវភាពនយោបាយជាមួយគណបក្សប្រជាជននៅពេលនេះ។ មានតែគណបក្សប្រជាជនកម្ពុជាមួយគត់ ក្រោមការដឹកនាំដោយសម្តេចតេជោ ហ៊ុន សែន ប្រធានគណបក្ស ដែលបានដឹកនាំប្រទេសឱ្យមានសុខសន្តិភាព មានការអភិវឌ្ឍ ហើយរក្សាបាននូវស្ថេរភាពនយោបាយដូចសព្វថ្ងៃនេះ។ ម្យ៉ាងទៀតក្រោយពីការចូលរួមជីវភាពនយោបាយជាមួយគណបក្សប្រជាជន សមាជិក សមាជិកា ទាំងអស់ត្រូវបន្តរួមសាមគ្គីគ្នាដើម្បីអភិវឌ្ឍន៍មូលដ្ឋានឱ្យមានរីកចម្រើនទៅថ្ងៃមុខបន្តទៀត។

ជាមួយគ្នានេះ អ្នកឧកញ៉ា(លោកគ្រូមា) លី សាម៉េត ទីប្រឹក្សាផ្ទាល់សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា បានលើកឡើងថា ភាពខ្លាំងនៃការដឹកនាំរបស់សម្តេចតេជោ ហ៊ុន សែន គឺបន្តរក្សាបាននូវសុខសន្តិភាព ស្ថិរភាពនយោបាយទៅលើគ្រប់វិស័យ និងការអភិវឌ្ឍទៅថ្ងៃមុខ៕

ដោយ ៖ សឹង រ៉ាត់