មហាជនគាំទ្រការសម្ដែងរបាំក្បាច់បុរាណខ្មែរទ្រង់ទ្រាយធំជាង៥.០០០នាក់

ខេត្តស្វាយរៀង: ការសម្តែងមហោស្រពរបាំក្បាច់បុរាណខ្មែររឿង « ព្រះបាទ ជ័យវ្ម័នទី៧ ដកស្រង់ត្រង់ឈុត​ស្នាព្រះហស្ត និងសមិទ្ធផលនៃមហាវីរក្សត្រទាំង៣អង្គ ដែលបានមកដល់ ខណៈ សិល្បករ – សិល្បការិនីជិត២០០នាក់ កំពុងហាត់សម យ៉ាងយកចិត្តទុកដាក់បំផុតទាំងយប់ទាំងថ្ងៃ ដើម្បីធ្វើយ៉ាងណាឱ្យការសម្ដែង ដ៏កម្រមួយនេះ ប្រកបដោយភាពអស្ចារ្យ សម្រាប់ទស្សនិកជនទាំងជាតិ និងអន្តរជាតិបានប្រារព្ធធ្វើឡើងនាសាលចតុមុខ​រាជធានីភ្នំពេញ​ចាប់ពីថ្ងៃទី២៧ ដល់ថ្ងៃទី២៨ ខែសីហា ឆ្នាំ២០២២ ក្រោមកិច្ចផ្ដួចផ្ដើមពីសហភាពសហព័ន្ធយុវជនកម្ពុជាខេត្តស្វាយរៀង ជាមួយនឹងសាលារបាំនរោត្ដម បុប្ផាទេវី ។

ពាក់ព័ន្ធការសម្តែងមហោស្រពរបាំក្បាច់បុរាណខ្មែររឿងនេះ មហាជនកំពុងចាប់អារម្មណ៍ខ្លាំង និងមានការជជែកគ្នា​ជាច្រើន​ពីមហោស្រពរបាំក្បាច់បុរាណខ្មែររឿង « ព្រះបាទ ជ័យវ្ម័រនទី ៧ ដកស្រង់ត្រង់ឈុតស្នាព្រះហស្ត និងសមិទ្ធផល នៃមហាវីរក្សត្រទាំង៣អង្គ » ។

មហាជន និងអ្នកស្នេហាសិល្បៈ វប្បធម៌ជាតិបានធ្វើការចែករំលែក ព្រោងព្រាតអំពាវនាវសូមឱ្យប្រជាជនខ្មែរទិញ​សំបុត្រចូល​ទស្សនាព្រឹត្តិការណ៍ដ៏កម្រមួយនេះ ខណៈដែលបច្ចុប្បន្ននេះ មានប្រទេសជិតខាង កំពុងបញ្ជៀបវប្បធម៌​របស់ពួកគេចូលមកក្នុងប្រទេសកម្ពុជា ។

សូមបញ្ជាក់ផងដែរថា នៅក្នុងព្រឹត្តការណ៍ខាងលើនេះ បុគ្គលិក និងសហការីដែលដឹកនាំដោយលោក សោម សុធា អគ្គនាយកភូមិខ្មែរគ្រុប ដែលតែងតែយកចិត្តទុកដាក់ពីសុខទុកចំពោះបុគ្គលិក និងសហការី ពិសេសលោកតែងតែជួយ​គាំទ្រលើកស្ទួយ វិស័យផ្សេងៗក្នុងសង្គមរបស់យើង។ លោកបានដឹកនាំបុគ្គលិក និងសហការី ១៦០នាក់ ចូលរួមទស្សនាក្នុងការជួយគាំទ្រលើកស្ទួយ និងថែរក្សាវប្បធម៌ខ្មែរយើង នៅសាលសន្និសីទចតុម្មុខអំពី របាំក្បាច់បុរាណខ្មែររឿង”ព្រះបាទជ័យវរ្ម័នទី៧ ដែលជាការដកស្រង់ត្រង់ឈុត ស្នាព្រះហស្ថ និងសមិទ្ធផល​នៃមហាវីរក្សត្រទាំង៣អង្គ។

លោក សោម សុធា ថ្លែងអំណរគុណចំពោះ ឯកឧត្តម ឌី វិជ្ជា និងលោក តូច ប៉ូលីវា ជាពិសេសថ្នាក់ដឹកនាំទាំងអស់ និងស.ស.យ.ក ខេត្តស្វាយរៀង ដែលបានរៀបចំបង្កើតនូវកម្មវិធីវប្បធម៌ដ៍ពិសេសនេះឡើង៕ ដោយ: ភក្ដី