ព័ត៌មានជាតិ

ក្រសួងបរិស្ថាន រៀបចំព្រឹត្តិការណ៍សំអាតអនាម័យបរិស្ថាន មានអ្វីសំខាន់ ?

បានផុស

៤ years មុន

នៅ

ថ្ងៃសៅរ៍ ២៦ ធ្នូ ២០២០

ដោយ

ក្រសួងបរិស្ថាន កាលពីថ្ងៃសុក្រ ទី២៥ ខែធ្នូ ឆ្នាំ២០២០ បានរៀបចំព្រឹត្តិការណ៍សំអាតអនាម័យបរិស្ថាន ក្រោមប្រធានបទ “យុវជន និងបរិស្ថាន” ក្រោមអធិបតីភាពលោក សូ ខនឬទ្ធីគុណ រដ្ឋលេខាធិការក្រសួងបរិស្ថាន និងលោក នេត្រ ភក្ត្រា រដ្ឋលេខាធិការក្រសួងបរិស្ថាន និងមានការចូលរួមពីថ្នាក់ដឹកនាំក្រសួងជាច្រើនរូប និងយុវជនក្រសួងបរិស្ថានសរុបប្រមាណ២០០នាក់ ដោយចូលរួមធ្វើអនាម័យបរិស្ថាននៅបរិវេណក្រោយទីស្តីការក្រសួងបរិស្ថាន ចាប់ទីតាំងស្ពាននាគ រហូតដល់ ស្ពានឥន្ធនូ (កោះពេជ្រ)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងឱកាសនោះលោក សូ ខនឬទ្ធីគុណ បានបញ្ជាក់ថា ការធ្វើអនាម័យបរិស្ថាន ពិតជាមានសារៈសំខាន់ ចំពោះបរិស្ថានរស់នៅ និងសុខភាពមនុស្ស។ ការទុកដាក់សំរាមឲ្យមានសណ្តាប់ធ្នាប់ និងការចូលរួមអនុវត្តការញែកសំរាមទៅតាមប្រភេទ គឺជារឿងចាំបាច់ ដែលយើងគ្រប់គ្នាត្រូវចូលរួមធ្វើ។ ការរៀបចំព្រឹត្តិការណ៍ថ្ងៃនេះ គឺជាសកម្មភាពគំរូមួយ ជួយបំផុសដល់សាធារណជនឲ្យចូលរួម និងយល់អំពីសារៈសំខាន់នៃអនាម័យបរិស្ថានល្អ។ លោកសង្ឃឹមថា ព្រឹត្តិការណ៍នេះ នឹងត្រូវបានបន្តរៀបចំជាបន្តបន្ទាប់ទៀត៕
ដោយ ៖ កោះកែវ