ឯកឧត្តម ហ៊ុន ម៉ាណែត ប្រកាសចែកសៀវភៅ«កូនប្រុសច្បងនាយករដ្ឋមន្ត្រី…»មិនគិតថ្លៃដល់អ្នកចង់អាន

ឯកឧត្តម បណ្ឌិត ហ៊ុន ម៉ាណែត កូនប្រុសរបស់សម្តេចតេជោ ហ៊ុន សែន និងជាបេក្ខភាពនាយករដ្ឋមន្រ្តីនាពេលអនាគត នៅព្រឹកថ្ងៃចន្ទនេះ បានប្រកាសចែកសៀវភៅ«កូនប្រុសច្បងនាយករដ្ឋមន្ត្រី ដំណើរឆ្ពោះទៅបន្តវេន ហ៊ុន ម៉ាណែត» ដោយមិនគិតថ្លៃដល់អ្នកដែលចង់អានទាំងអស់។

ឯកឧត្តម ហ៊ុន ម៉ាណែត បានប្រសាសន៍តាមហ្វេសប៊ុកថា ៖«ដោយមានសំណូមពរច្រើនពីបងប្អូន លើសៀវភៅ “កូនប្រុសច្បងនាយករដ្ឋមន្ត្រី ដំណើរឆ្ពោះទៅបន្តវេន ហ៊ុន ម៉ាណែត” ខ្ញុំបានប្រគល់ភារកិច្ចអោយក្រុមការងាររបស់ខ្ញុំ ត្រៀមទទួលរៀបចំចាត់ចែងសៀវភៅជូនដល់បងប្អូនដែលមានបំណងចង់បានសៀវភៅនេះទៅអាន»។

ដើម្បីទទួលបានសៀវភៅដោយឥតគិតថ្លៃ ប្រជាពលរដ្ឋ អ្នកសិក្សាស្រាវជ្រាវទាំងអស់អាំចទំនាក់ទំនងទៅក្រុមការងាររបស់ឯកឧត្តម ហ៊ុន ម៉ាណែត តាមរយៈ ទូរស័ព្ទលេខ ០១០ ៤០០ ១៣៦ និង ០៨៥ ៥២២ ១៤០ឬ តាមហ្វេសប៊ុក ផេក Hun Manet – C.O.Army  ( https://m.facebook.com/hunmanetcoarmycambodia/) ៕

ដោយ៖ វណ្ណ​ សុគន្ធា