Connect with us

ព័ត៌មានជាតិ

សៀវភៅគន្លឹះសំខាន់ៗសម្រាប់ភ្នាក់ងារ​អចលនទ្រព្យ ដាក់លក់ប្រមូលថវិកាជួយសិស្ស និស្សិតក្រីក្រឱ្យមានលទ្ធភាពរៀនបន្ត

បានផុស

នៅ

សៀវភៅគន្លឹះសំខាន់ៗសម្រាប់ភ្នាក់ងារអចទ្រព្យ មានកម្រាស់ជាង ៣០០ ទំព័រ ជាស្នាដៃនិពន្ធរបស់លោកឧកញ៉ា ម៉ាន់ ច័ន្ធឌី បានសម្ពោធដាក់លក់នៅលើទីផ្សារ ដើម្បីប្រមូលថវិកាទៅជួយដល់សិស្ស និស្សិត ក្រីក្រ និង មន្ទីរពេទ្យនានា ដូចជា មន្ទីពេទ្យគន្ធបុប្ផា និងមន្ទីពេទ្យនៅខេត្តសៀមរាប ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧកញ៉ា ម៉ាន់ ច័ន្ទឌី នាយកក្រុមហ៊ុន lQl បានរៀបរាប់ថា ការសម្ពោធសៀវភៅនេះ លក់សៀវភៅនេះ គឺយកចំណូលទៅជួយដល់កុមារក្រីក្រ សិស្សនិស្សិត ដែលមានជីវភាពខ្វះខាត ដើម្បីបានអាហាររូបករណ៍​ទៅរៀនបន្តទៀត។

លោកឧកញ៉ាបញ្ជាក់ទៀតថា «សៀវភៅនេះ យើងបោះពុម្ព លើកទីមួយចំនួន ១០០០ ក្បាល។ តម្លៃ១ក្បាល 27$។ ហើយសៀវភៅនេះ សរសេរប្រើរយៈពេលពី ២ឆ្នាំទៅ៣ ឆ្នាំ ទម្រាំកែឡើងវិញ ក្នុងមួយថ្ងៃខ្ញុំ ឆ្លៀតសរសេរពីកន្លះ​ម៉ោងទៅ១ម៉ោង»។

ជាមួយគ្នានេះ កញ្ញា ខេង សាលីន ជាគ្រូបង្រៀននៅវិទ្យាល័យវាលពង្ស បង្រៀនភាសាអង់គ្លេស នៅស្រុកឧដុង្គ​បានលើកឡើងថា កញ្ញាមានការចាប់អារម្មណ៍ក្រោយពីមានការផ្សព្វផ្សាយ អំពីដំណឹងនៃការបើកសម្ពោធលក់​សៀវភៅនេះ ដោយសារថវិកា ដែលទិញសៀវភៅ ត្រូវបានយកទៅជួយដល់សិស្ស និស្សិត និងកុមារក្រី ដែលកំពុង​ខ្វះខាត ជាពិសេសជួយដល់មន្ទីរពេទ្យផងដែរ។«ខ្ញុំបានទិញសៀវភៅនេះ ក៏ដូចជាបាន ជួយដល់កុមារកំព្រា និង សិស្សានុសិស្ស ដែលក្រីក្រគ្មានលទ្ធភាពបន្តការសិក្សា ជាពិសេសនៅមន្ទីរពេទ្យនានា ដែលរង់ចាំការជួយ​សង្គ្រោះដល់ពួកគេ»។

លោក សុធា ក៏ជាគ្រូបង្រៀនភាសាអង់គ្លេសនៅស្រុកឧដុង្គ បាននិយាយថា សៀវភៅគន្លឹះសំខាន់ៗសម្រាប់ភ្នាក់ងារ​អចទ្រព្យ មិនត្រឹមតែផ្តល់ចំណេះដឹងដល់បងប្អូន ដែលចង់ចេះផ្នែកអចលនទ្រព្យប៉ុណ្ណោះទេ សៀវភៅនេះ ក៏បានរួមចំណែក​យ៉ាងសំខាន់ ជួយដល់ជនក្រីក្រ ជាពិសេសកុមារ និងសិស្ស និស្សិតផងដែរ។

លោកបន្ថែមថា «សៀវភៅនេះ ជានីតិវិធី និងយុទ្ធសាស្ត្រមួយ ក្នុងការគ្រប់គ្រងស្ថាប័ន ឬក្រុមហ៊ុនផ្សេងៗ និងបានជួយបង្រៀនដល់ ខ្ញុំក៏ដូចជាយុវជន ជំនាន់ក្រោយឲ្យមានចំណេះដឹងក្នុងការគ្រប់គ្រង និងពង្រីកចំណេះ​ដឹងដល់យុវជនយើងជំនាន់ក្រោយ ជាពិសេសបានលុយ ក្នុងការលក់សៀវភៅ ដើម្បីជួយដល់សង្គមយើង មួយចំណែកទៀតផង»៕ អត្ថបទ៖ រុងរឿង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៧ នាទីutes មុន

ត្រាំ ប្រកាសក្តែងៗថា អាមេរិក ​នឹងយកបាន Greenland ១០០%

អគ្គិភ័យ
សន្តិសុខសង្គម២៦ នាទីutes មុន

Update៖ អគ្គិភ័យឆេះនៅខណ្ឌ​ឬស្សីកែវយប់មិញ​ឆេះផ្ទះពលរដ្ឋសរុប១១ខ្នង

លោក វ៉ី សំណាង
ព័ត៌មានជាតិ១៦ ម៉ោង មុន

លោក វ៉ី សំណាង៖ ម្លប់នៃសន្តិភាពផ្តល់ឱកាសវិនិយោគិនមកវិនិយោគក្នុងខេត្តតាកែវកាន់តែច្រើន

រដ្ឋមន្ត្រីធនធានទឹក
ព័ត៌មានជាតិ១៦ ម៉ោង មុន

រដ្ឋមន្ត្រីធនធានទឹក ណែនាំប្រធានមន្ទីររាជធានី ខេត្តចាត់ក្រុមបច្ចេកទេសចុះពិនិត្យ​ផលប៉ះពាល់សំណង់អាងទឹក ក្រោយមានគ្រោះ​រញ្ជួយដីនៅប្រទេសជិតខាង

ព័ត៌មានអន្ដរជាតិ១៧ ម៉ោង មុន

ថៃ នៅតែរៀបចំពិធីបុណ្យសង្ក្រាន្ត ទូទាំងប្រទេសតាមគម្រោង ទោះរងគ្រោះរញ្ជួយដី

Sokha Hotels

ព័ត៌មានពេញនិយម