ផ្លូវមួយខ្សែប្រវែង ៣២០០ ម៉ែត្រ ក្រាលកៅស៊ូភ្ជាប់​​​ស្រុក​ចំនួនពីរ សម្រេចបាន ៩៥ ភាគរយ

ផ្លូវ​ជនបទ​មួយ​ខ្សែ បាន​អភិវឌ្ឍន៍ពីផ្លូវធម្មតាហើយតូចចង្អៀតក្លាយជាផ្លូវដែលមានទំហំធំហើយក្រាលកៅស៊ូថែមទៀត។

លោក សុខ លូ អភិបាលខេត្តបាត់ដំបង បាន​​ចុះពិនិត្យការសាងសង់ស្ថាបនាផ្លូវមួយខ្សែនេះកាលពីព្រឹកថ្ងៃទី ២៩ខែសីហានេះ ដែលមានប្រវែង ២៧ ០០ម៉ែត្រ និង ទទឹង ៧ ម៉ែត្រ ក្រាលកៅស៊ូប្រភេទ DBST តភ្ជាប់ពីភូមិរាំងកេសី ឃុំរាំងេសី ស្រុកសង្កែ មកជិតស្ពានបាណន់ ក្នុងឃុំ បាយដំ រាម ស្រុកបាណន់ ខេត្តបាត់ដំបង ពេលនេះសម្រេចបានប្រមាណជា ៩៥ % ហើយ។

ក្នុងដំណើរចុះពិនិត្យនេះ លោកអភិបាលខេត្ត បានមានប្រសាសន៍ផ្តាំផ្ញើរដល់មន្ត្រីជំនាញ សូមយកចិត្តទុកដាក់ក្នុងការ​កសាងសង់ស្ថាបនាផ្លូវនេះ ឲ្យស្របតាមលក្ខណៈបច្ចេកទេស និងឲ្យបានត្រឹមត្រូវតាមស្តង់ដាប្រកបដោយគុណភាពខ្ពស់ ជាប្រយោជន៍សម្រាប់ការប្រើប្រាស់របស់សាធារណជនឲ្យបានយូរអង្វែង៕

អត្ថបទ:សៅ សារិទ្ធ