ធនាគារជាតិជ្រើសរើស ធនាគារ អេស៊ីលីដា សម្រាប់ទូទាត់ដោយកូដ QR ឆ្លងដែន សម្រាប់បណ្តាប្រទេសក្នុងតំបន់អាស៊ាន

ធនាគារជាតិ នៃកម្ពុជាបានសម្រេចជ្រើសរើសធនាគារ អេស៊ីលីដា ភីអិលស៊ី សម្រាប់ទូទាត់ដោយកូដQRឆ្លងដែនក្នុងចំណោមបណ្តាប្រទេសក្នុងសមាគម ប្រជាជាតិអាស៊ីអាគ្នេយ៍( អាស៊ាន)។

​លោក បណ្ឌិត អ៉ិន ចាន់នី ប្រធាននាយកប្រតិបត្តិនៃធនាគារ អេស៊ីលីដា ភីអិលស៊ី មានប្រសាសន៍ថា ធនាគារជាតិ​បានជ្រើសរើស ធនាគារពាណិជ្ជក្នុងស្រុក ដើម្បីបង្កើតកូដ QR ដែល​”​កំពុងអភិវឌ្ឍន៍​” សម្រាប់ការទូទាត់ឆ្លងប្រទេស ក្នុងប្រទេស ដែលជា​សមាជិករបស់​អាស៊ាន ចំនួន ​២​ រួមមាន វៀតណាម និងឡាវ ក្រៅពីប្រទេស ថៃ​។ បន្ទាប់ពី​កូដ QR របស់ធនាគារ ត្រូវបានប្រើ រួចហើយនៅក្នុងប្រទេសថៃ ចាប់តាំងពីវាត្រូវបានដាក់ឱ្យដំណើរការក្នុងខែកុម្ភៈ ឆ្នាំ​ ២០២០​។​

​លោក​បណ្ឌិត​បាន បន្តថា​ទីបំផុត​ធនាគារ​អេស៊ីលីដា​ ត្រូវបានជ្រើសរើសដោយធនាគារជាតិ ​ដើម្បីដាក់កូដឲ្យដំណើរការជាមួយប្រទេសវៀតណាម និងឡាវ ហើយ​ធនាគារ​កំពុងធ្វើការងារនេះជាមួយ ពួកគេ​ ដើម្បី​អនុវត្ត​កូដ QR ក្នុងការ​ទូទាត់ឆ្លង​ប្រទេសដូច​នៅ​ប្រទេស​ថៃ​ដែរ​។

​លោក​បណ្ឌិត ​បានពន្យល់ថា នៅពេលដែលប្រជាជន​កម្ពុជា​ធ្វើដំណើរ​ទៅកាន់ប្រទេស​ថៃ វៀតណាម ​និង​ឡាវ​ពួកគាត់​លែងត្រូវការប្តូររូបិយប័ណ្ណនៅ​ប្រទេស​ទាំងនោះទៀត​ហើយ ដោយ​គ្រាន់តែប្រើការបង់ប្រាក់ដោយផ្ទាល់ពីអេស៊ីលីដាកូដ QR ប៉ុណ្ណោះ​ជាការ​ស្រេច​។ លោក​បណ្ឌិត បាន​បន្ថែមថា​ បច្ចុប្បន្ន​នេះ​ពលរដ្ឋខ្មែរអាចទូទាត់ប្រាក់ជាប្រាក់រៀល ក្នុងប្រទេសថៃ ដោយស្កែនកូដ QR ដើម្បីទូទាត់ប្រាក់រហូតដល់ ៥ លានរៀលក្នុងមួយថ្ងៃតាមរយៈគណនីអេស៊ីលីដាទាន់ចិត្ត និង ១០ លានរៀលក្នុងមួយថ្ងៃតាមរយៈគណនីធនាគារអេស៊ីលីដា​។ លោក​បណ្ឌិត បាន​បន្ថែមទៀតថា ធនាគារមួយក្នុងប្រទេសថៃគ្រោងនឹងអភិវឌ្ឍកូដ QR របស់ខ្លួន នៅក្នុងប្រទេសកម្ពុជានៅឆមាសទី​ ២ ​នៃឆ្នាំមុន ប៉ុន្តែដោយសារការកើនឡើងនៃជំងឺរាតត្បាតកូវីដ​-១៩ ថៃបានពន្យារពេលផែនការរហូតដល់ចុងឆ្នាំនេះ​។

​ចំណែក​លោក ផល សុខ ចំរើន នាយកប្រតិបត្តិរងទីផ្សារនៃធនាគារ អេស៊ីលីដា ភីអិលស៊ី បាន មានប្រសាសន៍​ឱ្យដឹង​ដែរថា ធនាគារក៏បាននិងកំពុងបង្កើតប្រព័ន្ធទូទាត់ឆ្លងប្រទេសមួយទៀត តាមរយៈកូដ QR សម្រាប់អ្នកដែលប្រើប្រាស់សេវាធនាគារ និងហិរញ្ញវត្ថុរបស់ធនាគារក្នុងប្រទេសថៃ ដើម្បីទូទាត់នៅកម្ពុជាផងដែរ​។

​លោក​បណ្ឌិត បន្ត​ឱ្យដឹងទៀតថា កម្ពុជាមានកូដ QR ថ្នាក់ជាតិដែលនឹងគាំទ្របន្ថែមទៀតដល់វិស័យ ធនាគារ និងហិរញ្ញវត្ថុរបស់កម្ពុជាសម្រាប់អតិថិជនប្រើប្រាស់សេវាកាន់តែងាយស្រួល ដោយប្រើ កូដ QR តែមួយដែលអតិថិជនរបស់ធនាគារទាំងអស់អាចប្រើប្រាស់បានជាធម្មតាបន្ទាប់ពីធនាគារ​នីមួយៗ​ក្នុងប្រទេសទទួលយកការប្រើប្រាស់កូដ QR រួម​។ លោក​បណ្ឌិត​បានបញ្ជាក់​ថា​« តាមពិតទៅយើងមានវារួចហើយ ប៉ុន្តែធនាគារនៅតែអះអាងថានឹងប្រើលេខរៀងខ្លួននៅកន្លែង គិតលុយរបស់ពួកគេ បើទោះជាកូដ QR មួយអាចត្រូវបានធនាគារជាច្រើនប្រើក៏ដោយ​។ ខ្ញុំគិតថា ដោយមានអន្តរាគមន៍ពីធនាគារកណ្តាលនឹងមានតែកូដ QR ថ្នាក់ជាតិសម្រាប់មនុស្សគ្រប់គ្នា ប៉ុណ្ណោះ​»​។

​លោក​បណ្ឌិត អ៉ិន ចាន់នី បានឱ្យដឹងថា បច្ចុប្បន្ននេះធនាគារអេស៊ីលីដា ភីអិលស៊ី មិនត្រឹមតែកំពុង អភិវឌ្ឍបច្ចេកវិទ្យា ធនាគារ និងហិរញ្ញវត្ថុផ្ទាល់ខ្លួន ដើម្បីបម្រើអតិថិជនរបស់ខ្លួនប៉ុណ្ណោះទេ ប៉ុន្តែ ថែមទាំងធ្វើការជាមួយធនាគារជាតិនៃកម្ពុជា និងភ្នាក់ងាររដ្ឋាភិបាលផ្សេងទៀត ដើម្បីបង្កើតប្រព័ន្ធ ទូទាត់ឌីជីថលសម្រាប់ផលប្រយោជន៍សាធារណៈ ដោយសារធនាគារនេះមានធាតុចូលបច្ចេកទេស និងជំនាញ​។ លោកបណ្ឌិត​បាន​បន្ថែមទៀត​ថា «​យើងមានក្រុមវិស្វករក្នុងស្រុករបស់យើងដែល បានធ្វើការជាមួយនឹងក្រុមរបស់ធនាគារកណ្តាល​។ នេះជាហេតុផលមួយក្នុងចំណោមហេតុផល ដែលយើងអាចដាក់ឱ្យដំណើរការកូដ QR ថ្នាក់ជាតិ ហើយយើងនឹងបន្តធ្វើការជាមួយគ្នា ដើម្បី បញ្ចប់កិច្ចការទី ​១ ​នេះ​។ សម្រាប់កិច្ចការ ទី​ ២ យើងនឹងអភិវឌ្ឍការទូទាត់ឆ្លងដែននៅក្នុងប្រទេស​នីមួយៗក្នុងចំណោមប្រទេសទាំង​ ១០ ​នៃអាស៊ានដោយសំដៅលើកូដ QR ថ្នាក់ជាតិដល់ KHQR ដែលដាក់ឱ្យដំណើរការដោយធនាគារជាតិនៃកម្ពុជា​»​។ លោកបណ្ឌិត​បាន​បន្តថា ​ក្រុមការងារ បច្ចេកទេសរបស់ធនាគារ អេស៊ីលីដា ភីអិលស៊ី មានបទពិសោធន៍ធ្វើការជាមួយក្រុមទាំងនេះនៃ អគ្គនាយកដ្ឋានពន្ធដារ និងក្នុងនាមសមាគមធនាគារនៅកម្ពុជា ក្នុងការអភិវឌ្ឍ​កម្មវិធីពន្ធ និងសាលារាជធានីភ្នំពេញ សម្រាប់កម្មវិធីទូទាត់ឌីជីថលសម្រាប់ការប្រមូលថ្លៃប្រមូលសំរាម​។ ទោះជាយ៉ាងណាក៏ដោយ យើងមិនទាមទារ ឬចង់ក្លាយជាធនាគារទូទាត់តែមួយគត់សម្រាប់ គោលបំណងទាំងអស់នេះទេ​។ យើងចង់ធ្វើការជាមួយធនាគារផ្សេងទៀត ក្នុងការចែករំលែកកូដ QR ទូទៅ ដើម្បីឱ្យអ្នកស្រុក ឬម្ចាស់ផ្ទះអាចធ្វើការទូទាត់ប្រាក់បាន​។​

​គួរ​បញ្ជាក់ថា​ ធនាគារ​អេស៊ីលីដា​ភីអិលស៊ី ​បានចុះបញ្ជីនៅក្នុងទីផ្សារមូលបត្រកម្ពុជា ក្នុងខែឧសភា ឆ្នាំ​ ២០២០ ហើយបាន​ក្លាយជា​ធនាគារ​ដ៏​ធំ​ក្នុងការ​គ្រប់គ្រងលើផ្សារមូលបត្រកម្ពុជា​៕​