ព័ត៌មានជាតិ

រដ្ឋាភិបាលអនុញ្ញាតឱ្យជនបរទេសស្នាក់នៅកម្ពុជាអាចស្នើសុំប័ណ្ណចូលទស្សនារមណីយដ្ឋានអង្គរ និងប្រាសាទកោះកែវ «ដោយមិនបង់ថ្លៃ»

បានផុស

២ years មុន

នៅ

ថ្ងៃព្រហស្បតិ៍ ១ កញ្ញា ២០២២

ដោយ

រាជរដ្ឋាភិបាលកម្ពុជាបានសម្រេចអនុញ្ញាតឱ្យជនបរទេសដែលកំពុងស្នាក់នៅកម្ពុជា អាចស្នើសុំប័ណ្ណចូលទស្សនារមណីយដ្ឋានអង្គរ និងប្រាសាទកោះកែវ រយៈពេល១ឆ្នាំម្តង«ដោយមិនបង់ថ្លៃ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជូនដំណឹងរបស់គ្រឹះស្ថានអង្គរចុះនៅល្ងាចថ្ងៃទី១កញ្ញានេះបានឱ្យដឹងថាដើម្បីជំរុញទេសចរណ៍ផ្ទៃក្នុងក៏ដូចជាផ្ដល់ការលើកទឹកចិត្តដល់ជនបរទេសដែលស្នាក់នៅក្នុងព្រះរាជាណាចក្រកម្ពុជារាជរដ្ឋាភិបាលបានសម្រេចអនុញ្ញាតផ្ដល់ជូនដល់ជនបរទេសទាំងអស់ដែលបាននឹងកំពុងស្នាក់នៅក្នុងព្រះរាជាណាចក្រកម្ពុជាចាប់ពី២ឆ្នាំឡើងទៅរួមមានមន្ត្រីការទូតមន្ត្រីធ្វើការនៅអង្គការអន្តរជាតិ វិនិយោគិន ជនបរទេសធ្វើការនៅក្រុមហ៊ុននិងសហគ្រាសឯកជនគ្រប់ប្រភេទអ្នកជំនាញការធ្វើការនៅតាមក្រសួងស្ថាប័នរដ្ឋនិងឯកជនរួមទាំងក្រុមគ្រួសារដែលបានស្នាក់នៅជាមួយអនុញ្ញាតឱ្យស្នើសុំប័ណ្ណចូលទស្សនារមណីយដ្ឋានអង្គរនិងប្រាសាទកោះកែវរយៈពេលមួយឆ្នាំម្ដងដោយមិនបងថ្លៃចាប់ពីថ្ងៃទី០១ខែកញ្ញាឆ្នាំ២០២២ តទៅ។

គ្រឹះស្ថានអង្គរបានបន្តថា ចំពោះបែបបទនៃការស្នើសុំប័ណ្ណចូលទស្សនារមណីយដ្ឋានអង្គរនិងប្រាសាទកោះកែវរយៈពេលមួយឆ្នាំម្ដងដោយឥតគិតថ្លៃអាចធ្វើតាមប្រព័ន្ធអនឡាញតាមរយៈគេហទំព័រគ្រឹះស្ថានអង្គរគេហទំព័រចាប់ពីថ្ងៃទី៩ ខែកញ្ញា ឆ្នាំ២០២២ឬមកដាក់ពាក្យដោយផ្ទាល់នៅគ្រឹះស្ថានអង្គរក្នុងពេលម៉ោងធ្វើការនិងត្រូវភ្ជាប់មកជាមួយនូវលិខិតឆ្លងដែនច្បាប់ថតចម្លងនិងទិដ្ឋាការស្នាក់នៅក្នុងប្រទេសកម្ពុជារយៈពេលចាប់ពី ២ឆ្នាំឡើងទៅចំនួនមួយច្បាប់និងរូបថត ៤ x៦រយៈពេល៦ខែចុងក្រោយចំនួនមួយសន្លឹកចាប់ពីថ្ងៃប្រកាសនេះទៅ៕

ដោយ ៖ សំអឿន