ព័ត៌មានជាតិ
អភិបាលខេត្តកំពត ស្នើពលរដ្ឋចូលរួមថែរក្សាអនាម័យបរិស្ថាន និងកុំបោះសំរាមចូលក្នុងព្រែក
លោក ម៉ៅ ធនិន អភិបាលខេត្តកំពត បានស្នើដល់ប្រជាពលរដ្ឋ និងម្ចាស់អាជីវកម្មនានា ដែលនៅតាមដងព្រែកទាំងអស់ សូមមេត្តាកុំបោះសំរាមចូលក្នុងព្រែកកំពង់បាយ ដែលធ្វើឲ្យបរិស្ថានមិនស្អាត ទឹកព្រែកកខ្វក់ ជាហេតុមួយដែលធ្វើឲ្យប៉ះពាល់ដល់កំណើនភ្ញៀវទេសចរ ដែលមកលេងកម្សាន្តក្នុងខេត្តកំពត។ ដូច្នេះ សូមប្រជាពលរដ្ឋទាំងអស់ ក៏ដូចជាម្ចាស់អាជីវកម្ម កន្លែងផ្តល់សេវាកម្មទេសចរណ៍នានានៅតាមដងព្រែក ចូលរួមថែរក្សាអនាម័យបរិស្ថានទាំងអស់គ្នា។
![](https://www.kampucheathmey.com/wp-content/uploads/2022/09/01-10.jpg)
នៅក្នុងពិធីបើកការដ្ឋានស្ថាបនាផ្លូវបេតុងចំនួន ៣ខ្សែ ក្នុងក្រុងកំពត និងស្រុកទឹកឈូ កាលពីថ្ងៃទី ៤ ខែកញ្ញា ឆ្នាំ ២០ ២២ លោក ម៉ៅ ធនិន អភិបាលខេត្តកំពត បានបន្តលើកឡើងថា ដោយការសង្កេតសព្វថ្ងៃ យើងឃើញថា ព្រែកកំពង់បាយនៅតែមានសំរាមហូរចូលមក ដោយការចោលសំរាមចូលទៅក្នុងទឹកព្រែក ទាំងនេះជាហេតុបង្កឲ្យខូចដល់បរិស្ថាន ក៏ដូចជាទឹកព្រែកកខ្វក់ និងអាចធ្វើឲ្យមានការប៉ះពាល់ដល់អារម្មណ៍របស់ភ្ញៀវទេសចរ ដែលមកលេងកម្សាន្តក្នុងខេត្តកំពត។
![](https://www.kampucheathmey.com/wp-content/uploads/2022/09/06-2-1024x576.jpg)
លោកអភិបាលខេត្ត បានបន្តថា ព្រែកកំពង់បាយ គឺជាព្រែកមួយដែលមានសក្តានុពល ហើយសំបូរទៅដោយកន្លែងផ្តល់សេវាកម្មទេសចរណ៍ គួរឲ្យមានការទាក់ទាញភ្ញៀវទេសចរណ៍ ព្រមទាំងបានស្រូបទាញភ្ញៀវទេសចរជាតិ-អន្តរជាតិ ឲ្យមកលេងកម្សាន្តក្នុងខេត្ត។ ដូច្នេះប្រជាពលរដ្ឋ និងម្ចាស់អាជីវកម្ម កន្លែងផ្តល់សេវាកម្មទេសចរណ៍នានា ដែលនៅជាប់នឹងដងព្រែកទាំងអស់ ត្រូវចូលរួមជួយថែរក្សាអនាម័យបរិស្ថាន ទាំងក្នុងព្រែក និងតាមដងផ្លូវ ដើម្បីជាការទាក់ទាញភ្ញៀវទេសចរឲ្យមកលេងកម្សាន្តឲ្យកាន់តែច្រើនជាបន្ថែមទៀត។ លោក ម៉ៅ ធនិន ក៏បានស្នើដល់ប្រជាពលរដ្ឋទាំងអស់ ដែលរស់នៅតាមដងព្រែកធ្វើជារណ្តៅ ឬឡដុតសំរាមនៅតាមផ្ទះ ហើយធ្វើយ៉ាងណាសូមកុំមានការបោះសំរាម ចូលទៅក្នុងព្រែកបន្តទៀត។
![](https://www.kampucheathmey.com/wp-content/uploads/2022/09/04-5-1024x572.jpg)
លោក អ៊ីម ច័ន្ធសោធន អភិបាលស្រុកទឹកឈូ បានឲ្យដឹងថា ផ្លូវបេតុងដែលត្រូវបានបើកការដ្ឋានស្ថាបនានាពេលនេះ នឹងក្លាយទៅជាផ្លូវមួយដែលមានសក្តានុពល សម្រាប់បម្រើទៅដល់សេចក្តីត្រូវការដ៏ចាំបាច់របស់ប្រជាពលរដ្ឋ ដែលរស់នៅក្នុងស្រុកទឹកឈូចំនួន ៤ ឃុំ។ ក្នុងនោះ មានឃុំកំពង់គ្រែង និង ឃុំម៉ាក់ប្រាង្គ និងឃុំស្ទឹងកែវ និងឃុំព្រៃឃ្មុំ និងមានភ្ញៀវទេសចរណ៍ជាតិ-អន្តរជាតិ មានភាពងាយស្រួល ក្នុងការធ្វើដំណើរចរាចរណ៍ឆ្លងកាត់ ក៏ដូចជាបង្កភាពងាយស្រួលក្នុងការដឹកជញ្ជូនកសិផលរបស់ប្រជាពលរដ្ឋ យកទៅលក់ដូរនៅតាមទីផ្សារផងដែរ។
![](https://www.kampucheathmey.com/wp-content/uploads/2022/09/05-5-1024x565.jpg)
សូមជម្រាបថា ពិធីបើកការដ្ឋានស្ថាបនាផ្លូវបេតុងនៅពេលនេះមាន ៣ខ្សែ ស្ថិតនៅក្នុងស្រុកទឹកឈូ ក្នុងនោះ ផ្លូវបេតុងក្នុងឃុំកំពង់គ្រែង មានប្រវែង ៧៨៧ម៉ែត្រ និងផ្លូវបេតុងក្នុងឃុំជុំគ្រៀល ដែលមានប្រវែង ១,៥៧០ម៉ែត្រ និងមួយខ្សែទៀត ស្ថិតនៅក្នុងសង្កាត់កំពង់បាយ ក្រុងកំពត ដែលមានប្រវែង ២២៣ម៉ែត្រ។ ផ្លូវទាំង ៣ខ្សែនេះ ស្ថាបនាជាផ្លូវបេតុងសសៃដែក មានកម្រាស់ ០.១៥ម៉ែត្រ ដើម្បីឲ្យជាប់បានយូរអង្វែងទៅថ្ងៃមុខ៕
អត្ថបទ៖ សឹង រ៉ាត់
![](https://www.kampucheathmey.com/wp-content/uploads/2022/09/03-6-1024x550.jpg)
![](https://www.kampucheathmey.com/wp-content/uploads/2022/09/02-9-1024x572.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានអន្ដរជាតិ២៣ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ២ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?