Connect with us

ព័ត៌មានជាតិ

អាជ្ញាធរស្ទឹងត្រែង​កែប្រែផ្លូវកៅស៊ូ​ដែលរងការខូចខាត​ធ្វើឱ្យក្រុង​មានសោភ័ណភាព

បានផុស

នៅ

អាជ្ញាធរខេត្តស្ទឹងត្រែង​បានសម្រេចកែប្រែផ្លូវកៅស៊ូ​ដែលរងខូចខាតធ្ងន់ធ្ងរសាងសង់ជាផ្លូវបេតុង​ដើម្បីលើកសោភ័ណភាពក្នុងក្រុងលុបបំបាត់នូវភាពលំបាក ហើយជំនួសមកវិញដោយ​សម្រួល​ដល់​ការធ្វើចរាចរណ៍របស់ប្រជាពលរដ្ឋបានស្រូលជាងមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក ស គឹមណាត ប្រធានមន្ទីរសាធារណការនិងដឹកជញ្ជូនខេត្តស្ទឹងត្រែង បានបញ្ជាក់ថា៖ ផ្លូវនេះស្ថិតក្នុងភូមិព្រែកសង្កាត់ក្រុងស្ទឹងត្រែងជាផ្លូវលេខ ២២ត្រូវបានអាជ្ញាធរខេត្ត​សម្រេចស្ថាបនាជាផ្លូវបេតុងជំនួសផ្លូវកៅស៊ូចាស់ ដែលមានស្ថានភាពតូចចង្អៀត​ ដើម្បីឲ្យមាន​គុណ​ភាពក្នុងការប្រើប្រាស់បានយូរអង្វែង ហើយបានលើកស្ទួយសោភណ្ឌភាពនៅក្នុងក្រុងផងដែរ។

​លោកប្រធានមន្ទីរបន្តថា៖ ផ្លូវមួយខ្សែនេះ ទោះបីមានប្រវែងខ្លីក៏ពិតមែន​ វាស្ថិតនៅទីប្រជុំ​ជនហើយ​មន្ត្រីជំនាញបានរៀបចំដាក់ប្រព័ន្ធលូតាមបច្ចេកទេស និងលើកតួផ្លូវឲ្យខ្ពស់ ផុតពីទឹកដក់ ដើម្បីពេល​សាងសង់ហើយបម្រើឱ្យការធ្វើចរាចរណ៍ទៅមកបានងាយស្រួល។

​លោក នូ វណ្ណា ប្រធានក្រុមដឹកនាំផ្នែកបច្ចេកទេសស្ថាបនាផ្លូវបានបញ្ជាក់ថា៖ ផ្លូវនេះមានទទឹង​ ១១ម៉ែត្រ ចាក់បេតុងកំរាស់១៥០ស.ម(មួយទឹកកន្លះ) និងដាក់សរសៃដែក ទៅតាមស្តង់ដា ហើយ​ក្រុម​បច្ចេកទេស ក្រោងបញ្ចប់ការសាងសង់ នៅដើមខែកញ្ញាខាងមុខនេះ ដោយឡែកបងប្អូន​ប្រជា​ពលរដ្ឋត្រូវចូលរួមសម្អាតបរិស្ថានលើផ្លូវ និងប្រព័ន្ធលូតាមមុខផ្ទះរៀងៗខ្លួនផង។

​លោកស្រី ចាន់ ថារី វ័យជិត៦០ឆ្នាំរស់នៅភូមិព្រែកសង្កាត់ក្រុងស្ទឹងត្រែង សម្ដែងការសាទរ ចំពោះអាជ្ញាធរខេត្តបានស្ថាបនាផ្លូវថ្មីនេះឡើងព្រោះផ្លូវកៅស៊ូចាស់វាតូចចង្អៀត និងខូចខាត​ស្ទើរតែទាំងស្រុងបង្កភាពលំបាក់ក្នុងការធ្វើចរាចរណ៍ទៅមកយូរឆ្នាំមកហើយ ជាពិសេសនៅពេលមានភ្លៀងធំមកម្ដងៗទឹកដក់ លិចលើផ្លូវ ចំណែកផ្ទះបងប្អូន ប្រជាពលរដ្ឋនៅតាមដងផ្លូវនេះ ក៏ត្រូវជំនន់ទឹកភ្លៀងហូរចូលលិចដល់ក្នុងផ្ទះក៏មានដែរ។

លោកស្រីបន្តថា៖ បងប្អូនប្រជាពលរដ្ឋយើង ដែលមានមូលដ្ឋានរស់នៅជាប់តាមដងផ្លូវនេះ​និងនាំគ្នា​ជួយថែរក្សា តាមការណែនាំ ព្រោះជាសមិទ្ធផលថ្មីរបស់យើងហើយមានគុណភាពល្អផ្ដល់នូវសោ​ភ័ណ​ភាពក្នុងក្រុង និងនៅតាមមុខផ្ទះដែលយើងកំពុងរស់នៅបន្ថែមទៀត។

សូមបញ្ជាក់ថា ផ្លូវលេខ ២២នេះ មានប្រវែងជិត ៤០០ ម៉ែត្រទទឹង ១១ ម៉ែត្រ សាងសង់បានជាង ៥០ភាគរយហើយ គ្រោងបញ្ចប់សកម្មភាពសាងសង់នៅដើមខែកញ្ញានេះដើម្បីពន្លឿនការងារបន្តទៅសាងសង់ផ្លូវថ្មីមួយខ្សែទៀត នៅភូមិថ្មី សង្កាត់ក្រុងស្ទឹងត្រែងដែលមានប្រវែងជាង១០០០ម៉ែត្របន្ថែមទៀត៕

អត្ថបទ៖ ងិនលីម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ នាទីute មុន

សម្រាប់ឆ្លងឆ្នាំសកលនេះ ខេត្តរតនគិរី បានត្រៀមខ្លួនរួចហើយសម្រាប់ទទួលភ្ញៀវទេសចរជាតិ និងអន្តរជាតិមកលេងកម្សាន្ត

សន្តិសុខសង្គម៣ ម៉ោង មុន

ឧក្រិដ្ឋជនវៀតណាម ១២នាក់ ត្រូវបានចាប់ខ្លួនពាក់ព័ន្ធករណីចាប់ជំរិតជនជាតិចិន នៅក្រុងបាវិត

នយោបាយ៥ ម៉ោង មុន

សម្តេចតេជោ៖ ជំនឿទុកចិត្តក្នុងការអនុវត្តនយោបាយឈ្នះឈ្នះនៅកម្ពុជា មានតម្លៃជាងកិច្ចព្រមព្រៀងសន្តិភាពនៅប្រទេសខ្លះ

ព័ត៌មានជាតិ៥ ម៉ោង មុន

ខេត្តមណ្ឌលគិរី៖ សាលាបឋមសិក្សាមួយកន្លែង ដំបូលក៏ធ្លុះធ្លាយ ជញ្ជាំងក៏ពុកផុយ គ្រូ និងសិស្ស ស្នើសុំឱ្យជួយជួសជុល

ជីវិតកម្សាន្ដ៦ ម៉ោង មុន

Zhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ

Sokha Hotels

ព័ត៌មានពេញនិយម