យុទ្ធនាការ​ចាក់វ៉ាក់សាំង​សាទឹក​សត្វពាហនៈ​ជូនប្រជាពលរដ្ឋនៅស្រុកក្រូចឆ្មារ

មន្ត្រីបសុពេទ្យខេត្តត្បូងឃ្មុំ បើកយុទ្ធនាការចាក់វ៉ាក់សាំងការពារជំងឺសាទឹកដល់សត្វពាហន: ជូនប្រជាពលរដ្ឋតាមទីទួលសុត្តិភាពនៅស្រុកក្រូចឆ្មារ ខេត្តត្បូងឃ្មុំ។

យុទ្ធនាការនេះធ្វើឡើងនៅលើទីទួលសុវត្តិភាព ស្ថិតនៅក្នុងឃុំប៉ឹស ១ និងឃុំប៉ឹស ២ ស្រុកក្រូចឆ្មារ ខេត្តត្បូងឃ្មុំ នាព្រឹកថ្ងៃទី ៥ ខែកញ្ញា ឆ្នាំ ២០២២។

លោក កែន ច័ន្ទសុជាតិ អនុប្រធានការិយាល័យផលិតកម្ម និងបសុព្យាបាល ខេត្តត្បូងឃ្មុំបានឲ្យដឹងថា លោកបានសហការជាមួយលោក សុំ វ៉ា ប្រធានការិយាល័យកសិកម្មស្រុកក្រូចឆ្មារ និងភ្នាក់ងារសុខភាពសត្វភូមិ បានចុះចាក់ថ្នាំការពារជំងឺសារទឹក ដល់គោក្របីជូនប្រជាពលរដ្ឋនៅតាមទីទួលសុវត្តិភាព។

លោកអនុប្រធានបន្តថា ការចាក់វ៉ាក់សាំងនេះ ធ្វេីនចំនួន ២ ឃុំ គឺឃុំប៉ឹស ១ និងឃុំប៉ឹស ២ ក្នុងនោះចាក់ដល់សត្វគោបានចំនួន ៣២៧ ក្បាល។

លោក កែន ច័ន្ទសុជាតិ បានអំពាវនាវ ដល់បងប្អូនប្រជាពលរដ្ឋ នៅក្នុងស្រុកក្រូចឆ្មារដែលមានចិញ្ចឹមគោក្របីឬសត្វពាហន:ទាំងអស់ សូមយកសត្វពាហន:របស់ខ្លួនទៅចាក់វ៉ាក់សាំងការពារសាទឹកទាំងអស់គ្នា ដេីម្បីជាវាងកុំឲ្យមានការផ្ទុះជំងឺប្រភេទនេះនាំឲ្យបងប្អូនខាតបង់៕

អត្ថបទ៖ សាន វិឡែម