ព័ត៌មានជាតិ

សមត្ថកិច្ច ប្រកាសរកក្រុមគ្រួសារសពបុរសម្នាក់ ដែលគ្រោះថ្នាក់លើផ្លូវ៦០ម៉ែត្រ

បានផុស

៤ years មុន

នៅ

ថ្ងៃអង្គារ ២៧ តុលា ២០២០

ដោយ

សមត្ថកិច្ចនគរបាលខណ្ឌមានជ័យ បានធ្វើការប្រកាសរកគ្រួសារសពបុរសម្នាក់ដែលជួបគ្រោះថ្នាក់ចរាចរណ៍ លើកំណាត់ផ្លូវ៦០ម៉ែត្រ។

តាមប្រភពពី លោកអនុសេនីយ៍ឯក ជា រតនា នាយនគរបាលប៉ុស្តិ៍ចាក់អង្រែលើ បាននិយាយថា កាលពីវេលាម៉ោង២១និង២២នាទី យប់ថ្ងៃទី២៦តុលា មានករណីគ្រោះចរាចរណ៍មួយបានកើតឡើងបណ្តាលឲ្យបុរសម្នាក់ស្លាប់នៅនឹងកន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនាយប៉ុស្តិ៍ បន្តថា នៅម៉ោងកើតហេតុ គេឃើញបុរសម្នាក់ ក្នុងវ័យជាង៣០ឆ្នាំ ស្លៀកខោខ្លីពណ៌ខៀវ ពាក់អាវយឺតដៃខ្លី ពណ៌ខ្មៅ បានបើកបរម៉ូតូ ម៉ាកសង់ ស៊េរី២០១៥ ពណ៌ខ្មៅ ពាក់ស្លាកលេខភ្នំពេញ១CU៤៨ ១៩ ធ្វើដំណើរចេញពីច្រមុះជ្រូកក្បាលថ្នល់ ឆ្ពោះមកផ្លូវ៦០ម៉ែត្រត្បូង។

បន្ថែមពីនោះ លុះមកដល់ជិតភ្លើងស្តុបក្នុងភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ក៏ជួបគ្រោះថ្នាក់ចរាចរណ៍ជាមួយរថយន្តមិនស្គាល់ម៉ាក និងស្លាកលេខ បណ្តាលឲ្យស្លាប់នៅនឹងកន្លែង។

សាក្សី ប្រាប់ថា រថយន្តបង្ក បានបើកគេចបាត់ បន្សល់ទុកសពជនរងគ្រោះនៅកន្លែងកើតហេតុ។

បន្ទាប់ពីកើតហេតុ សព ត្រូវបានរថយន្តសាម៊ុយដឹកយកទៅតម្កល់ទុកនៅវត្តទឹកថ្លា ខណ្ឌសែនសុខរាជធានីភ្នំពេញ រង់ចាំក្រុមគ្រួសារមកទទួលធ្វើបុណ្យ។ តាមភិនភាគ គឺជនរងគ្រោះមានទីលំនៅជិតៗនេះទេ៕

អត្ថបទ ៖ នរា

Related Topics:គ្រោះថ្នាក់ចរាចរណ៍