ភ្លៀងធ្លាក់ច្រើនកន្លែង​នៅខេត្តព្រះសីហនុ ​ខណៈផ្ទៃសមុទ្រមានរលកខ្ពស់ៗ

នៅព្រឹកថ្ងៃទី ៧ ខែកញ្ញា ឆ្នាំ២០២២ មានភ្លៀងធ្លាក់ក្នុងកម្រិតមធ្យម​ នៅគ្រប់ក្រុង​ស្រុកទូទាំងខេត្តព្រះសីហនុ ​និងផ្ទៃសមុទ្រមានរលកខ្ពស់។

ក្រសួងធនធានទឹក​ និងឧតុនិយមប្រកាសថា ​ព្រះរាជាណាចក្រកម្ពុជា​ ទទួលរងឥទ្ធិពលពីប្រព័ន្ធសម្ពាធទាប(ITCZ)​ និងខ្យល់មូសុងនីរតី​ក្នុងល្បឿនពីមធ្យមទៅបង្គួរ។

ស្ថានភាពនេះធ្វើឱ្យតំបន់ទំនាបកណ្ដាល តំបន់ខ្ពង់រាប តំបន់មាត់សមុទ្រ និងអាចមានភ្លៀងធ្លាក់ពីមធ្យមទៅច្រើន លាយឡំទៅដោយផ្គរ រន្ទះ និងខ្យល់កន្ត្រាក់ ចាប់ពីថ្ងៃទី ៧ ដល់ថ្ងៃទី ៧ ខែកញ្ញានេះ។

ដោយឡែក សម្រាប់ប្រជាពលរដ្ឋរស់នៅតាមបណ្ដាខេត្តនៅក្នុងភូមិសាស្ត្រជាបតំបន់ជួរភ្នំទីទំនាប និងជាប់ផ្លូវទឹកសូមបង្កើនការប្រុងប្រយ័ត្ន ចំពោះជំនន់ទឹកភ្លៀង និងនៅលើផ្ទៃសមុទ្រ មានរលកសមុទ្រខ្ពស់ចាប់ពីថ្ងៃទី ៧ ដល់ថ្ងៃទី ៩ ខែកញ្ញា ឆ្នាំ ២០២២នេះ៕