ព័ត៌មានជាតិ

រយៈពេល៧ថ្ងៃ ខេត្តបាត់ដំបង ទទួលពលករខ្មែរមកពីប្រទេសថៃជិត១ពាន់នាក់

បានផុស

៤ years មុន

នៅ

ថ្ងៃចន្ទ ២៨ ធ្នូ ២០២០

ដោយ

មន្ត្រីមន្ទីរសុខាភិបាលនៃរដ្ឋបាលខេត្តបាត់ដំបង បានបញ្ជាក់ថា ពលករដែលខេត្តបាត់ដំបង កំពុងត្រូវបានដាក់ក្នុងមណ្ឌលចត្តាឡីស័កទាំងអស់ បច្ចុប្បន្នក្រុមគ្រូពេទ្យកំពុងបន្តជំរុញពិនិត្យនិងយកវត្ថុសំណាកលើពលករខ្មែរទាំងអស់ ជារៀងរាល់ថ្ងៃ នៅតាមមណ្ឌលចត្តាឡីស័កនីមួយៗដោយមួយចំនួនធំ ទទួលបានលទ្ធផលអវិជ្ជមាននិងមួយចំនួនតូចទៀតកំពុងរង់ចាំលទ្ធផលនៃការវិភាគធ្វើតេស្តផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយពលករទាំងនេះ មានលំនៅឋានមកពីបណ្តាស្រុកជាប់ព្រំដែនដូចជាស្រុកកំរៀង, ស្រុកសំពៅលូន, មោងឬស្សី,ស្រុកភ្នំព្រឹក, ស្រុកសំឡូត, ស្រុកបវេលថ្មគោល និងស្រុករុក្ខគីរីខេត្តបាត់ដំបង។

លោក វឿង ប៊ុនរ៉េត ប្រធានមន្ទីរសុខាភិបាលខេត្តបាត់ដំបង ក៏បានឲ្យដឹងនៅថ្ងៃទី២៨ ខែធ្នូ ឆ្នាំ២០២០នេះដែរថា ក្នុងរយៈពេល៧ថ្ងៃដោយចាប់ពីថ្ងៃទី២១ដល់ថ្ងៃទី២៧ ខែធ្នូអាជ្ញាធរស្រុកកំរៀងនិងអាជ្ញាធរខេត្តបាត់ដំបង បានទទួលយកពលករខ្មែរនិងរៀបចំធ្វើចត្តាឡីស័ក នៅតាមមណ្ឌលផ្សេងៗសរុបចំនួន៧៣២នាក់ ក្នុងនោះស្រី្តនិងក្មេង២៩៥នាក់ ដែលបានសម្រុកចាកចេញពីប្រទេសថៃកាត់តាមច្រកទ្វារព្រំដែនជាច្រើន ដូចជាច្រកទ្វារព្រំដែនតំបន់ស្រុកកំរៀងខេត្តបាត់ដំបង ច្រកប៉ោយប៉ែតបន្ទាយមានជ័យ និងច្រកអូរស្មាច់ខេត្តឧត្តរមានជ័យជាដើម។

អាជ្ញាធរខេត្តបច្ចុប្បន្ន ក៏បានរៀបចំមណ្ឌលធ្វើចត្តាឡីស័កដាក់ពលករខ្មែរឲ្យនៅដាច់ដោយឡែកមានជាច្រើនកន្លែងបន្តទៀត ពិសេសនៅតំបន់ជាប់ព្រំដែន ដូចជាក្នុងបរិវេណវិទ្យាល័យកំរៀងមណ្ឌលសុខភាពត្រាង ក្នុងស្រុកកំរៀងនៅបរិវេណសាលាបឋមសិក្សាជ្រៃសីមា ឃុំជ្រៃសីមាស្រុកសំពៅលូន និងមណ្ឌលចត្តាឡីស័ក នៅក្នុងបរិវេណវិទ្យាល័យព្រះមុនីវង្ សក្នុងក្រុងបាត់ដំបង ខេត្តបាត់ដំបងជាដើម៕

អត្ថបទ៖ សៅ សារិទ្ធ

សូមចុចអាន៖ ពលករខ្មែរមកពីប្រទេសថៃ ៤០នាក់ កំពុងធ្វើចត្តាឡីស័កតាមវិធានការរបស់ក្រសួងសុខាភិបាលនៅខេត្តកំពង់ឆ្នាំង