ព័ត៌មានជាតិ

ប្រៀបធៀបសំឡេងគាំទ្រគណបក្សសម្ព័ន្ធដើម្បីប្រជាធិបតេយ្យ ២០ ឆ្នាំចុងក្រោយ

បានផុស

៣ years មុន

នៅ

ថ្ងៃព្រហស្បតិ៍ ៨ កញ្ញា ២០២២

ដោយ

ក្នុងរយៈពេលជិត ២០ ឆ្នាំ គណបក្សសម្ព័ន្ធដើម្បីប្រជាធិបតេយ្យ (LDP) បានក្លាយគណបក្សដ៏លេចធ្លោមួយក្នុងជួរនយោបាយក្នុងប្រទេសកម្ពុជា។

ផ្តើមបង្កើតឡើងដោយលោក ខឹម វាសនា ជាប្រមុខដឹកនាំដែលមានប្រវត្តិជាអតីតតារាភាពយន្ត គណបក្សសម្ព័ន្ធដើម្បីប្រជាធិបតេយ្យ (LDP) បានសាងកេរ្តិ៍ឈ្មោះតាមរយៈការកៀរគរសំឡេងគាំទ្រពីយុវជន និងការដាក់គោលនយោបាយផ្តល់សិទ្ធិអំណាចដល់ប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការចូលរួមបោះឆ្នោតជាច្រើនអណ្ណតិកន្លងមកបង្ហាញថា គណបក្សដែលប្រមូលផ្តុំដោយយុវជននេះបានទទួលសំឡេងកើនឡើងពីមួយអណ្ណតិទៅមួយអណ្ណតិ។ ការចូលរួមបោះឆ្នោតជាតិជ្រើសតាំងតំណាងរាស្រ្តនៅឆ្នាំ ២០០៨ ក្រោយបង្កើតគណបក្សបាន ២ ឆ្នាំ គណបក្សសម្ព័ន្ធដើម្បីប្រជាធិបតេយ្យទទួលបាន ៦៨ ៩០៩ សំឡេង ស្មើ ១ ភាគរយនៃសំឡេងសរុប។

ដោយឡែកការចូលរួមបោះឆ្នោតថ្នាក់ជ្រើសតាំងតំណាងរាស្ត្រនីតិកាលទី ៦ ឆ្នាំ ២០១៨ ដែលរៀបចំចុងក្រោយ គណបក្សសម្ពន្ធដើម្បីប្រជាធិបតេយ្យ ទទួលបានសំឡេងគាំទ្រ ៣០៩ ៣៦៤ សំឡេង ឈរនៅលេខរៀងទី ៣ ជាគណបក្សដែលទទួលបានសំឡេងឆ្នោតច្រើនជាងគេ ក្នុងចំណោមគណបក្សដែលបានចូលរួមបោះឆ្នោត។

បើប្រៀបធៀបគណបក្សប្រជាជនកម្ពុជាដែលដឹកនាំរដ្ឋាភិបាល គឺនៅគម្លាតឆ្ងាយ ខណៈដែលគណបក្សប្រជាជនទទួលបានសំឡេងរហូតដល់ ៤ ៨៨៩ ១១៣ សំឡេងគ្រប់គ្រងអាសនៈទាំង ១២៥ នៅក្នុងរដ្ឋសភា។

យ៉ាងណា សំឡេងគាំទ្រគណបក្សសម្ព័ន្ធដើម្បីប្រជាធិបតេយ្យគឺប្រកៀកគណបក្សរាជានិយម ហ៊្វុន ស៊ិនប៉ិច ដែលទទួលបាន ៣៧៤ ៥១០ សំឡេង ស្ថិតនៅឈរលេខរៀងទី ២។

ប្រទេសកម្ពុជាបានរៀបចំការបោះឆ្នោតជ្រើសរើសតំណាងរាស្ត្របានចំនួន ០៦ លើក ដោយលើកដំបូងនៅក្នុងឆ្នាំ១៩៩៣។ លើកទី ២ នៅឆ្នាំ ១៩៩៨ លើកទី ៣ នៅឆ្នាំ ២០០៣ លើកទី ៤ នៅឆ្នាំ ២០០៨ លើកទី ៥ នៅឆ្នាំ ២០១៣ និងលើកទី ៦ នៅឆ្នាំ ២០១៨។

ការបោះឆ្នោតជ្រើសតាំងតំណាងរាស្រ្តនីតិកាលទី៧ នៃរដ្ឋសភា នឹងធ្វើឡើងនៅថ្ងៃទី ២៣ ខែ កក្កដា ឆ្នាំ ២០២៣៕