ព័ត៌មានជាតិ
អភិបាលខេត្តកំពង់ធំ បញ្ជាគ្រប់អ្នកពាកព័ន្ធទាំងអស់ត្រូវមានវិធានការបន្ទាន់លើករណីបង្ក្រាបល្បែងស៊ីសង
កំពង់ធំ ៖ អភិបាលខេត្តកំពង់ធំដាស់តឿនទៅដល់ អាជ្ញាធរគ្រប់ផ្នែកទាំងអស់ ជាពិសេសអាជ្ញាធរមូលដ្ឋាន ប៉ុស្តិ៍នគរបាលរដ្ឋបាលទាំងអស់ត្រូវរក្សាសន្តិសុខ សណ្តាប់ធ្នាប់ និងបង្ក្រាបស៊ីល្បែងស៊ីសងនៅមូលដ្ឋាន របស់ខ្លួនឲ្យបានច្បាស់លាស់និងមានប្រសិទ្ធភាព។
ថ្លែងក្នុងកិច្ចប្រជុំគណៈបញ្ជាការឯកភាពខេត្ត, នៅថ្ងៃទី៨ ខែកញ្ញា ឆ្នាំ២០២២, ឯកឧត្តម ងួន រតនៈ ប្រធានគណៈបញ្ជាការឯកភាពខេត្តកំពង់ធំ បញ្ជាគ្រប់អ្នកពាក់ព័ន្ធទាំងអស់ត្រូវមានវិធានការបន្ទាន់លើករណី បង្ក្រាបល្បែងស៊ីសងខុសច្បាប់។
លោកបន្តថា ល្បែងស៊ីសងខុសច្បាប់គ្រប់ប្រភេទ គឺត្រូវហាមឃាត់ មិនឲ្យកើតមានឡើយ។ ការធ្វេសប្រហែស ធ្វើឲ្យមានល្បែងស៊ីសង នៅមូលដ្ឋាន បានធ្វើប្រជាពលរដ្ឋបាត់បង់ ប្រាក់កាស បង្កើតជាអំពើហិង្សា ឈានទៅអំពើចោរកម្ម ប៉ះពាល់ដល់គោលនយោបាយភូមិឃុំ មានសុវត្ថិភាព របស់ប្រមុខរាជរដ្ឋាភិបាល។ ចំពោះល្បែងស៊ីសងដែលមានអាជ្ញាប័ណ្ណត្រូវពិនិត្យឡើងវិញជាដាច់ខាត លើទីតាំង ដែលប្រឈមទៅនឹងការទាក់ទាញយុវជន ឬសិស្សសាលា ដែលជាធនធានសំខាន់ របស់ប្រទេស ក្នុងបេសកកម្ម “ទំពាំងស្នងឫស្សី” ។ គ្រប់ទីតាំងដែលអនុញ្ញាត ត្រូវពិនិត្យ និងឃ្លាំមើលជាប្រចាំពីអាជ្ញាធរ ជាពិសេស មេឃុំ ឬចៅសង្កាត់ រួមជាមួយនាយប៉ុស្តិ៍នគរបាល ការពារយុវជនមិនទាន់គ្រប់អាយុ ឬស្ថិតវ័យសិក្សាចូលលេងល្បែងទាំងអស់នេះ។
លោកបានជំរុញប្រធានគណៈបញ្ជាការឯកភាពរដ្ឋបាល ក្រុងស្រុក រួមគ្នាអនុវត្តនូវគោលនយោបាយ “ភូមិ ឃុំ មានសុវត្ថិភាព” ឲ្យមានប្រសិទ្ធភាព ជាពិសេសត្រូវពង្រឹងសន្តិសុខសណ្តាប់ធ្នាប់សាធារណៈ ការបង្ក្រាបល្បែងស៊ីសងនៅតាមមូលដ្ឋាន បញ្ហាគ្រឿងញៀន ការបង្ក្រាប ទប់ទស្កាត់បទល្មើសផ្សេងៗ ព្រមទាំងការដោះស្រាយនូវបញ្ហា សំណូមពរ ក៏ដូចជាទុក្ខកង្វល់របស់ប្រជាពលរដ្ឋឲ្យបានឆាប់រហ័ស និងត្រូវធ្វើផែនការសកម្មភាពប្រចាំថ្ងៃក្នុងការអនុវត្តន៍ បង្ក្រាបល្បែងស៊ីសងនៅមូលដ្ឋានរបស់ខ្លួនដើម្បីរាយការណ៍ជាប្រចាំមកថ្នាក់លើ។ ដែលទាំងអស់នេះ ជាភារកិច្ចរបស់យើងទាំងអស់គ្នា ត្រូវរួមជាធ្លុងមួយដើម្បីអនុវត្តន៍។
ទន្ទឹមជាមួយគ្នានេះផងដែរ លោកក៏ជំរុញដល់មន្ត្រីជំនាញសុខភាពម្ហូបអាហារ ត្រូវបន្តធ្វើការផ្សព្វ ផ្សាយច្បាប់ពីការលក់ទំនិញ ដែលមានទំនិញខ្លះជាប្រភេទទំនិញហាមឃាត់ និងបន្តចុះពិនិត្យមើលការលក់ដូរ តាមសាលារៀនតាមជនបទ ដើម្បីថែរក្សាសុខភាពសិស្ស និងអ្នកប្រើប្រាស់។ ចំពោះការធ្វើវិនិយោគបេនឡាន ទង់ គឹមឡា នៅឃុំតាំងក្រសាំង ស្រុកសន្ទុក ត្រូវអនុវត្តតាមសៀវភៅបន្ទុកដែល ក្រសួងសេដ្ឋកិច្ច និងហិរញ្ញវត្ថុ បានកំណត់ និងផ្សព្វផ្សាយឲ្យបានទូលំទូលាយដល់ប្រជាពលរដ្ឋដែលនៅទីនោះ ឲ្យយល់ដឹង មិនប៉ះពាល់ដល់សតិអារម្មណ៍ប្រជាពលរដ្ឋ នៅមូលដ្ឋាន មានការយល់ច្រឡំមកលើអាជ្ញាធរ ថាបង្កើតបក្សពួក ជាប្រព័ន្ធ ធ្វើឲ្យសង្គមមានអំពើពុករលួយកើតមានឡើង៕
អត្ថបទ ៖ ឈាង មករា
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ