ព័ត៌មានជាតិ

ដឹងការពិតករណីស្ត្រីជនជាតិចិន ដើរស្រែកយំថាចោរឆក់

បានផុស

៣ years មុន

នៅ

ថ្ងៃអង្គារ ២៧ តុលា ២០២០

ដោយ

ស្រីជនជាតិចិន ដែលបានស្រែកយំតាមផ្លូវថា ចោរឆក់នោះ គឺជាព័ត៌មានមិនពិត និងមិនដូចការផ្សព្វផ្សាយរបស់សារព័ត៌មានមួយចំនួន នោះទេ។នេះបើយោងតាមការបកស្រាយរបស់សមត្ថកិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបកស្រាយរបស់ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ ទាក់ទងជាមួយករណី ស្ដ្រីជនជាតិចិនម្នាក់ ដែលស្រែកទ្រហោយំនៅតាមផ្លូវសាធារណៈ ដែលមានសារព័ត៌មានមួយចំនួនបានផ្សាយថា នាងត្រូវបានចោរឆក់កាលពីថ្ងៃទី០៩ ខែតុលា ឆ្នាំ២០២០នោះ ជាព័ត៌មានមិនពិត ។

តាមការស្រាវជ្រាវរបស់អធិការដ្ឋាននគរបាលខណ្ឌដូនពេញ ប៉ុស្តិ៍នគរបាល រដ្ឋបាលចតុមុខ ការិយាល័យអនុវត្តនីតិវិធីនៃផែនអន្តោប្រវេសន៍ ជាមួយនាយកដ្ឋានព្រហ្មទណ្ឌ អស់រយៈពេលប៉ុន្មានថ្ងៃកន្លងមកនេះ នៅព្រឹកថ្ងៃទី២៧ ខែតុលា ឆ្នាំ២០២០ សមត្ថកិច្ចបានរកឃើញស្ត្រីជនជាតិចិនឈ្មោះ ZHAO YUNYAN ហើយបាននាំមកសាកសួរ និងបំភ្លឺចំពោះករណីកាលពីថ្ងៃទី០៩ ខែតុលា ឆ្នាំ២០២០ នាងបានឲ្យដឹងថា នាងគ្រាន់តែចង់បានលុយខ្លះ ដើម្បីទៅប្រទេសចិនវិញនោះទេ គ្មានករណីចោរឆក់ឡើយ ហើយសមត្ថកិច្ច បានបញ្ជាក់ថា ស្ដ្រីជនជាតិចិននោះ មានផ្ទុកសារធាតុញៀន ទៀតផង។

ខណៈពេលនេះ ស្នងការដ្ឋាននគរបាលរាជធានីភ្នំពេញ កំពុងរៀបចំឯកសារបញ្ជូនទៅអគ្គនាយកដ្ឋានអន្តោប្រវេសន៍ និងសុំគោលការណ៍ពីថ្នាក់ដឹកនាំត្រៀម បណ្តេញស្រ្ដីជនជាតិចិន ចេញពីប្រទេសកម្ពុជា៕

អត្ថបទ៖ ជលសាល

សូមចុចអាន៖សមត្ថកិច្ច ប្រកាសរកក្រុមគ្រួសារសពបុរសម្នាក់ ដែលគ្រោះថ្នាក់លើផ្លូវ៦០ម៉ែត្រ