ព័ត៌មានជាតិ
សង្ឃឹមថា កុមារកំព្រានៅអង្គការមូលនិធិកុមារកម្ពុជា នឹងមានឱកាសទៅសិក្សានៅប្រទេសរុស្ស៊ី
នេះជាការលើកឡើងរបស់លោកស្រី Irina Tsatsulina ប្រធានមជ្ឈមណ្ឌលវិទ្យាសាស្ត្រ និងវប្បធម៌រុស្ស៊ី ក្នុងឱកាសផ្តល់អំណោយបុណ្យ Christmas ដល់កុមារកំព្រា ប្រមាណជាង៣០នាក់ នៅអង្គការមូលនិធិកុមារកម្ពុជា កាលពីព្រឹកថ្ងៃទី២៨ ខែធ្នូ ឆ្នាំ២០២០។
លោកស្រី Irina Tsatsulina បានថ្លែងថា ឆ្នាំ២០២០នេះ គឺជាខួប៤០ ឆ្នាំ នៃមជ្ឈមណ្ឌលវិទ្យាសាស្ត្រ និងវប្បធម៌រុស្ស៊ី ដូច្នេះយើងបានធ្វើការនៅកម្ពុជាជាង៤០ឆ្នាំមកហើយ តែគួរឲ្យសោកស្ដាយ ដែលកន្លងមកមជ្ឈមណ្ឌលបានផ្អាកការងាររបស់ខ្លួន ហើយទើបតែដំណើរការឡើងវិញបានជាងមួយឆ្នាំកន្លះ។ លោកស្រីបានបន្តថា ជារៀងរាល់ឆ្នាំរដ្ឋាភិបាលសហព័ន្ធរុស្ស៊ី តែងតែផ្ដល់អាហារូបករណ៍ដល់និស្សិតកម្ពុជា ហើយនិស្សិត ដែលទៅសិក្សានៅប្រទេសរុស្ស៊ី មិនត្រឹមតែនិស្សិតនៅរាជធានីភ្នំពេញទេ ក៏មាននិស្សិតមកពីតាមបណ្ដាខេត្តផ្សេងៗផងដែរ។
បើតាមលោកស្រី Irina Tsatsulina អ្នកដែលស្គាល់មជ្ឈមណ្ឌលនេះ គឺចាប់ផ្ដើមឡើងពីក្មេងតូចៗ ហើយអ្នកដែលត្រូវចេញទៅសិក្សានៅសហព័ន្ធរុស្ស៊ី តែងតែសិក្សានៅមជ្ឈមណ្ឌលនេះ ហើយលោកស្រីសង្ឃឹមថា កុមារា កុមារី ដែលមកទទួលអំណោយនាថ្ងៃនេះ នឹងមានឱកាសទៅសិក្សានៅប្រទេសរុស្ស៊ី អាចក្លាយទៅជាវេជ្ជបណ្ឌិត ជាវិស្វករ ឬជាអ្នកបើកយន្តហោះ ដូច្នេះហើយទើបមជ្ឈមណ្ឌលរុស្ស៊ី ស្វាគមន៍ពីគ្រប់គ្នាទាំងអស់ ដើម្បីចូលមកកាន់មជ្ឈមណ្ឌលវប្បធម៌រុស្ស៊ីនេះ ចាប់ពីក្មេងតូចៗរហូតដល់មនុស្សធំ។ លោកស្រីអះអាងថា អំពើមនុស្សធម៌ គឺជាកត្តាដ៏សំខាន់របស់ប្រជាជនរុស្ស៊ី ដើម្បីជួយដល់អ្នកដែលត្រូវការជំនួយ។
សម្រាប់កាដូដែលបានយកមកជួយដល់ក្មេងៗកំព្រានេះ លោកស្រីបានអរគុណចំពោះប្រជាជនរុស្ស៊ី អ៊ុយក្រែន ក៏ដូចជាការហ្សាក់ស្តង់ ដែលបានជួយ ដើម្បីទិញជាកាដូជួយដល់កុមារកំព្រានាពេលនេះ។ បើតាមលោកស្រី Irina Tsatsulina កម្មវិធីចែកជំនួយនាពេលនេះ មិនមែនជាកម្មវិធីចុងក្រោយទេ នៅថ្ងៃខាងមុខនឹងមានកម្មវិធីជាច្រើនទៀត ពីព្រោះនេះ គឺជាប្រពៃណីរបស់រុស្ស៊ី នៅក្នុងពិធីបុណ្យ Christmas ដើម្បីផ្ដល់ការសប្បាយដល់កុមារទាំងអស់នៅក្នុងឱកាសឆ្នាំថ្មី។
ចំណែកលោកប៉ាត ណូន ប្រធានអង្គការមូលនិធិកុមារកម្ពុជាបានថ្លែងថា កុមារនៅក្នុងមណ្ឌលអង្គការមានចំនួន៣៣នាក់ ហើយកុមារដែលត្រូវចិញ្ចឹមទាំងអស់មានប្រមាណជាង៦០នាក់ដោយបូករួមទាំងកុមាររើសអេតចាយ កុមារក្រីក្រ ដែលនៅក្បែរក្បាលមជ្ឈមណ្ឌល ហើយក្នុងនោះ ក៏មានបុគ្គលិក និងយុវជន ដែលសរុបមានប្រមាណ៨០នាក់។
បើតាមលោក ប៉ាត ណូន អង្គការរបស់លោកបានបង្កើតឡើង កាលពីឆ្នាំនៅថ្ងៃទី១១ ខែតុលា ឆ្នាំ១៩៩៥ ដែលមានរយៈពេល២៦ឆ្នាំមកហើយ។ លោកបញ្ជាក់ថា កុមារកំព្រានៅក្នុងមណ្ឌល ហើយដែលមជ្ឈមណ្ឌលចិញ្ចឹមតែម្តងមានចំនួន៣៣នាក់ ហើយនៅក្រៅមណ្ឌលចំនួន៣៣ នាក់ទៀត គឺបានជួយជារបបអង្ករ និងមីប្រចាំខែ។
បើតាមលោក ប៉ាត ណូន បច្ចុប្បន្នអង្គការជួបបញ្ហាខ្វះខាតយ៉ាងខ្លាំង ជាពិសេសនៅក្នុងដំណាក់កាលនៃការរីករាលដាលនៃជំងឺ Covid-19 ហើយដោយសាតែការខ្វះខាតនេះ លោកបានដើរសុំអង្ករតាមវត្ត ដើម្បីយកមកចិញ្ចឹមក្មេងកំព្រាទាំងនេះ ពីព្រោះមិនមានភ្ញៀវ និងសប្បុរសជនជួយ។ ជាមួយគ្នានោះ លោកក៏បានអំពាវនាវដល់សប្បុរសជន ជាតិ និងអន្តរជាតិ ចូលរួមផ្ដល់ជំនួយដល់អង្គការមូលនិធិកុមារកម្ពុជា ដែលកំពុងខ្វះខាត៕
ដោយ ៖ កោះកែវ
ផ្លូវកៅស៊ូ១ខ្សែដែលជាអំណោយរបស់រាជរដ្ឋាភិបាលជូនដល់ប្រជាពលរដ្ឋនៅឃុំបន្ទាយមាសខាងកើត ស្រុកបន្ទាយមាស បានចាប់ផ្តើមបើកការដ្ឋានសាងសង់
អ្នកវិភាគ និងអ្នកឃ្លាំមើល ៖ បើទោះបីជាសម រង្ស៊ី ព្យាយាមយកកោះគុត និងឃាតកម្មលឹម គឹមយ៉ា ជាលេសបាតុកម្ម ក៏នៅតែគ្មានអ្នកចូលរួមដែរ
មាននិស្សិតស្រី ៨៣,៣% បានចុះឈ្មោះរៀននៅសាកលវិទ្យាល័យពាណិជ្ជសាស្ត្រអេស៊ីលីដា
អ្នកនាំពាក្យរងក្រសួងមហាផ្ទៃឆ្លើយតបនឹងបុរសម៉ាឡេស៊ីមួយរូបថា បើពិតជាកើតនៅកម្ពុជា ហេតុអ្វីមិនប្រាប់សមត្ថកិច្ចកម្ពុជា? តើមានចេតនាអី?
វេទិកាការងាររបស់ NEA នៅវិទ្យាស្ថានពាណិជ្ជសាស្ត្រនឹងនាំយកឱកាសការងារជាង ២ពាន់កន្លែង សម្រាប់ផ្តល់ជូនយុវជន និងអ្នកស្វែងរកការងារ
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
សន្តិសុខសង្គម១៩ ម៉ោង ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៣ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ចរាចរណ៍២១ ម៉ោង agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ព័ត៌មានជាតិ៦ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ២០ ម៉ោង agoG-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
-
សន្តិសុខសង្គម២១ ម៉ោង agoអគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង