ព័ត៌មានជាតិ

ស្នងការរងខេត្តត្បូងឃ្មុំ ដេកស្លាប់ក្នុងបន្ទប់ ដោយសារខ្យល់គរ

បានផុស

២ years មុន

នៅ

ថ្ងៃព្រហស្បតិ៍ ១៥ កញ្ញា ២០២២

ដោយ

ស្នងការរងផែនចរាចរណ៍ នៃស្នងការដ្ឋាននគរបាលខេត្តត្បូងឃ្មុំ ខ្យល់គរស្លាប់ ខណៈដេកម្នាក់ឯងក្នុងបន្ទប់។ លោកឧត្តមសេនីយ៍ត្រី ឈឹម គឹមហុង ស្នងការរងនៃស្នងការដ្ឋាននគរបាលខេត្តត្បូងឃ្មុំ ទទួលបន្ទុកផ្នែកការងារសណ្តាប់ធ្នាប់ បានដេកស្លាប់ម្នាក់ឯងក្នុងបន្ទប់ ដោយគេសន្និដ្ឋានថា គាត់មានអាការៈខ្យល់គរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយនៅម៉ោង ៩ ព្រឹក នាថ្ងៃទី ១៥ ខែកញ្ញា ឆ្នាំ ២០២២ នេះ បានបង្កការភ្ញាក់ផ្អើលក្នុងស្នងការដ្ឋាននគរបាលខេត្តត្បូងឃ្មុំ ដោយរៀងរាល់ថ្ងៃ លោកឧត្តមសេនីយ៍ត្រី ឈឹម គឹមហុង តែងតែចេញពីបន្ទប់របស់គាត់លឿនជាងគេ តែមកដល់ថ្ងៃនេះមិនឃើញបើកទ្វារ ហើយគោះទ្វារពុំមានលឺគាត់បើកទ្វារបន្ទប់ទៀត ទើបនាំគ្នាគាស់ទ្វារបន្ទប់ឃើញលោកឧត្តមសេនីយ៍ត្រីដេកស្លាប់នៅក្នុងបន្ទប់តែម្នាក់ឯង។

តាមការបញ្ជាក់ពីមន្ត្រីជំនាញសន្និដ្ឋានថា លោកឧត្តមសេនីយ៍ត្រី ឈឹម គឹមហុង អាចស្លាប់ដោយសារ អាការៈខ្យល់គរ។ បច្ចុប្បន្នក្រុមគ្រួសារសាច់ញាតិ យកសពទៅធ្វើបុណ្យតាមប្រពៃណី៕

អត្ថបទ៖ សាន វិឡែម