ព័ត៌មានជាតិ
លោកឧបនាយករដ្ឋមន្ត្រី ជា សុផារ៉ា ដឹកនាំក្រុមការងារពិនិត្យប្រជាពលរដ្ឋភូមិវាលចាប់ឆ្នោតដីឡូតិ៍ភូមិធម្មជាតិរុនតាឯក
សៀមរាប ៖ នៅព្រឹកថ្ងៃទី១៥ ខែកញ្ញា ឆ្នាំ២០២២នេះ លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានដឹកនាំក្រុមការងារ ចុះពិនិត្យមើលសកម្មភាពប្រជាពលរដ្ឋនៅភូមិវាល សង្កាត់គោកចក ក្រុងសៀមរាប ចំនួន ៩៣៧គ្រួសារដែលបានស្ម័គ្រចិត្ត ចាប់ឆ្នោតយកដីឡូតិ៍ភូមិធម្មជាតិរុនតាឯក។
ក្នុងនោះយើងសង្កេតឃើញបងប្អូនប្រជាពលរដ្ឋ ទាំង៩៣៧គ្រួសារ ក្នុងភូមិវាល ត្រូវបានរៀបចំឲ្យចាប់ឆ្នោតយកក្បាលដីឡូតិ៍នៅភូមិធម្មជាតិរុនតាឯក ស្រុកបន្ទាយស្រី ដើម្បីឲ្យអាជ្ញាធរជាតិអប្សរា រៀបចំតំបន់រមណីយដ្ឋានអង្គរឲ្យកាន់ តែមានភាពទាក់ទាញឡើង។ ក្នុងពិធីនាពេលនោះ ប្រជាពលរដ្ឋបានបង្ហាញអារម្មណ៍សប្បាយរីករាយជាខ្លាំង ដែលបានរាជរដ្ឋាភិបាលរៀបចំផ្តល់ដីកម្មសិទ្ធិឲ្យពួកគេ ក៏ដូចជាអរគុណដល់ឯកឧត្តមឧបនាយករដ្ឋមន្ត្រី ជា សុផារ៉ា ចំពោះបេសកកម្មដ៏ជោគជ័យមួយនេះ។
ក្នុងនោះដែរក៏មានបងប្អូនប្រជាពលរដ្ឋ ដែលមានខ្នងផ្ទះតែមួយខ្នង ហើយមានពីរគ្រួសាររស់នៅជាមួយគ្នា ព្រម ទាំងពួកគាត់បានធ្វើការបំបែកជាគ្រួសារ ដោយកូនចៅរបស់ពួកគាត់មានគ្រួសារជាប្តីប្រពន្ធ និង រស់នៅដំបូលផ្ទះតែមួយ ជាមួយឪពុកម្តាយ ឬ ពូមីង និង បងរបស់ខ្លួននោះ ត្រូវបានសុំការជួយអន្តរាគមន៍ពី ឧបនាយករដ្ឋមន្ត្រី ជា សុផារ៉ា និង ក្រុមការងារ ។
ក្នុងនោះដែរឯកឧត្តម ឧបនាយករដ្ឋមន្ត្រី ជា សុផារ៉ា ក៏បានទទួលនូវសំណើរបស់បងប្អូន ព្រមទាំងបានឲ្យក្រុមការងារ ធ្វើការសម្រង់បញ្ជីឈ្មោះ ក្រុមគ្រួសារពីររស់នៅក្រោមដំបូលផ្ទះតែមួយ ដោយធ្វើការពិនិត្យទៅលើសៀវភៅ គ្រួសារដែលបានបំបែកចេញពីក្រុមគ្រួសារចាស់ឲ្យបានត្រឹមត្រូវ ច្បាស់លាស់ ព្រមទាំងត្រូវតែចុះទៅមើលតាមភាពជាក់ស្តែង មុនពេលសម្រេចឲ្យពួកគាត់ចាប់ឆ្នោតយកដីឡូតិ៍ ដើម្បីបញ្ចៀសនូវបាតុភាពផ្សេងៗកើតឡើងនៅពេលក្រោយ។
តាមការបញ្ជាក់ពីលោក ហាយ យ៉ុង មន្ត្រីរដ្ឋបាលក្រុងសៀមរាប បានឲ្យដឹងថា អាជ្ញាធរកំពុងមមាញឹកក្នុងការផ្តល់ប័ណ្ណដល់ប្រជាពលរដ្ឋ ដើម្បីឲ្យពួកគាត់អាចយកកន្ទុយប័ណ្ណមកចាប់ឆ្នោតនៅរដ្ឋបាលខេត្តសៀមរាបបន្ត។ បើគិតត្រឹមម្សិលមិញ ការផ្តល់កន្ទុយប័ណ្ណនេះសរុប ៥៥៩គ្រួសារ ក្នុងចំណោមប្រជាពលរដ្ឋភូមិវាល សរុប ៩៣៧គ្រួសារ ។ លោក បានបញ្ជាក់ថា ការងារនេះមានការយឺតបន្ដិច ដើម្បីឲ្យអាជ្ញាធរពិនិត្យផ្ទៀងផ្ទាត់ពិតប្រាកដ ការកំណត់អត្តសញ្ញាណបងប្អូនប្រជាពលរដ្ឋទាំងអស់ ។
គួររំលឹកថា ក្នុងដំណាក់កាលទី១ ប្រជាពលរដ្ឋនៅភូមិត្រពាំងសេះ និង ភូមិទក្សិណខាងត្បូង សរុបចំនួន ១ពាន់១១៧គ្រួសារ បានស្ម័គ្រចិត្តចាប់ឆ្នោតទៅភូមិធម្មជាតិរុនតាឯក ហើយដំណាក់ទី២ សម្រាប់ភូមិវាល មានពលរដ្ឋប្រមាណជាង១ពាន់គ្រួសារទៀត ដែលស្ម័គ្រចិត្តទទួលយកគោលនយោបាយដោះស្រាយរបស់រាជរដ្ឋាភិបាលផងដែរ៕
ដោយ ៖ គឿនវេត
រដ្ឋមន្ត្រីឧស្សាហកម្ម ជំរុញឱ្យសហគ្រិនខ្មែរ ពង្រឹងកិច្ចសហប្រតិបត្តិការជាមួយដៃគូជាតិ-អន្តរជាតិ
អាមេរិក៖ ចោរលួចស៊ុត១ម៉ឺនគ្រាប់ពីកសិដ្ឋានមួយ ចំពេលតម្លៃស៊ុតហក់ឡើង
កំណាត់ចុងក្រោយផ្លូវជាតិលេខ ៥ សិរីសោភ័ណ-ប៉ោយប៉ែត ប្រវែង ៣៥ គីឡូម៉ែត្រ សម្រចបានប្រមាណ ២៩%
អនុប្រធានសភាហុងគ្រី៖ ហុងគ្រីផ្ដល់អាហារូបករណ៍ប្រមាណ៣០កន្លែង តែនិស្សិតកម្ពុជាមិនសូវដាក់ពាក្យយក
ហ្សេលេនស្គី៖ អាមេរិកមិនទាន់កាត់ជំនួយអ៊ុយក្រែនទេ គ្រាន់តែមិនទាន់ចរចាពីកញ្ចប់ជំនួយថ្មី
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
ទំនងឆ្លងចរន្ដ រថយន្ដ FORD RAPTOR មួយគ្រឿងត្រូវអណ្ដាតភ្លើងឆេះអស់មួយកំណាត់មុខ
តើអ៊ុយក្រែន មានធនធានរ៉ែកម្រអ្វីខ្លះនិងសំខាន់ប៉ុនណា ទើបលោក ត្រាំ ចង់បាន?
យន្តហោះ២គ្រឿងទៀត បុកគ្នានៅ អាមេរិក
រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង
-
សន្តិសុខសង្គម១ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?