ព័ត៌មានជាតិ
ពលរដ្ឋរស់នៅក្នុងសង្កាត់អណ្ដូងខ្មែរ សំណូមពរអាជ្ញាធរក្រុងកំពត ជួសជុលកំណាត់ផ្លូវមួយខ្សែកំពុងខូចខាតខ្លាំង
កំណាត់ផ្លូវមួយខ្សែនៅក្នុងភូមិទ្វីខាងជើង និងភូមិទ្វីខាងត្បូង ដែលស្ថិតនៅក្នុងសង្កាត់អណ្ដូងខ្មែរ ក្រុងកំពត ដែលកំពុងរងការខូចខាតខ្លាំង និងពិបាកក្នុងការធ្វើដំណើរ បងប្អូនប្រជាពលរដ្ឋសូមសំណូមពរអាជ្ញាធរក្រុងកំពត សូមមេត្តា ជួយដោះស្រាយ ជួសជុលស្ថាបនាឱ្យបានល្អប្រសើរសម្រាប់ការធ្វើដំណើរបានស្រួលឡើងវិញ។

ផ្លូវមួយខ្សែនេះ មានប្រវែងប្រមាណជាង៣០០ម៉ែត្រ ចាប់ពីស្ពានឥន្ទធនូចាស់នេះ ដែលមានសារៈសំខាន់ណាស់សម្រាប់បងប្អូនប្រជាពលរដ្ឋធ្វើដំណើរនៅលើផ្លូវកៅស៊ូមួយខ្សែនេះ បានតភ្ជាប់ជាមួយផ្លូវជាតិលេខ៣ ហើយតភ្ជាប់ផ្លូវបេតុងសងខាងដែលនៅភូមិទាំងពីរ គឺភូមិទ្វីខាងជើង និងភូមិទ្វីខាងត្បូង សង្កាត់អណ្ដូងខ្មែរ ក្រុងកំពត(ខេត្តកំពត)។

តាមប្រជាពលរដ្ឋរស់នៅភូមិទ្វីខាងជើង និងភូមិទ្វីខាងត្បូង បានឲ្យដឹងថា មួយរយៈពេលកន្លងមកនេះ កំណាត់ផ្លូវនេះ រងការខូចខាត មានជង្ហុកតូចធំ និងមានទឹកដក់នៅពេលភ្លៀង ដោយមិនមានប្រព័ន្ធលូហូរចេញបានឡើយ ហើយធ្វើឱ្យពលរដ្ឋដែលធ្វើដំណើរតាមម៉ូតូ ឬរថយន្តតូចធំ លំបាកក្នុងការធ្វើដំណើរ។
ប្រជាពលរដ្ឋ ក៏បានសំណូមពរដល់រដ្ឋអាជ្ញាធរ សូមមេត្តាជួយមើលផ្លូវមួយខ្សែនេះ និងជួសជុលផង ដើម្បីកុំឲ្យកំណាត់ផ្លូវដ៏មានសារៈសំខាន់នេះចរាចរណ៍បានស្រួលឡើងវិញផង៕
អត្ថបទ ៖ សឹង រ៉ាត់





-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ