ព័ត៌មានជាតិ
តុលាការឃុំខ្លួនអ្នករៀបចំផែនការសម្លាប់ចៅអធិការវត្តចេតិយថ្មី និងកំពុងស្រាវជ្រាវជនដៃដល់បន្ថែម
អ្នកផ្ដើមគំនិត និងរៀបចំផែនការសម្លាប់ព្រះចៅអធិការវត្ត ចេតិយថ្មីព្រះនាម ភោគ ធារិទ្ធ ហៅ(តាតឿតាតុប)ព្រះជន្ម៥៣វស្សា គង់នៅវត្តក្នុងភូមិចេតិយថ្មី ឃុំវិហារលួង ស្រុកពញាឮ ខេត្តកណ្តាល ត្រូវបានតុលាការខេត្តកណ្ដាលឃុំខ្លួន ចំណែកជនដៃដល់ម្នាក់ទៀតសមត្ថកិច្ចកំពុងស្រាវជ្រាវតាមចាប់ខ្លួន។
ជនសង្ស័យឈ្មោះ ឡៅ ទ្រី ហៅ ឃាង ភេទប្រុស អាយុ៥១ឆ្នាំ មុខរបរ ពុះដីឡូត៍លក់ មានទីលំនៅភូមិផ្សារដែក ឃុំផ្សារដែក ស្រុកពញាឮ ខេត្តកណ្ដាល ជាអ្នកជិតស្និទ្ធ និងទុកចិត្តបំផុតរបស់ជនរងគ្រោះ (ព្រះចៅអធិការវត្ត) ដែលរៀបផែនការសម្លាប់ ហើយត្រូវសមត្ថកិច្ចស៊ើបអង្កេតនិងស្រាវជ្រាវចាប់ខ្លួនបានបញ្ជូនទៅតុលាការ។ ចំណែកជនសង្ស័យដែលគេចខ្លួនឈ្មោះ ស្រេង ស្រ៊ុន ភេទប្រុស អាយុ៥៧ឆ្នាំ មុខរបរមិនពិតប្រាកដ មានទីលំនៅភូមិប្រក់ក្តា ឃុំវិហារលួង ស្រុកពញាឮ ខេត្តកណ្ដាល។
ចៅក្រមស៊ើបសួរ បានសម្រេចឃុំខ្លួនជនត្រូវចោទពីបទមនុស្សឃាតគិតទុកជាមុន (អ្នកផ្ដើមគំនិត)។
តាមចម្លើយសារភាពរបស់ជនសង្ស័យថា នៅអំឡុងខែតុលា ឆ្នាំ២០២០ វេលាម៉ោងប្រហែល១១ថ្ងៃត្រង់កន្លងទៅ ឈ្មោះ ស្រេង ស្រ៊ុន (ជនសង្ស័យគេចខ្លួន) បានទូរស័ព្ទមកជនសង្ស័យឈ្មោះ ឡៅ ទ្រី ហៅឃាង ហើយក៏បានណាត់ជួបគ្នានៅហាងម្លប់ស្វាយ ជិតផ្លូវចូលប៉ុស្តិ៍នគរបាលរដ្ឋបាលវិហារលួង ពេលជួបគ្នាជនសង្ស័យ និងខ្លូនបាននិយាយរឿងឈ្លោះគ្នាជាមួយលោកចៅអធិការវត្តចេតតីយថ្មី ហើយសួររកអ្នកស្មាត់។ ឈ្មោះ ស្រេង ស្រ៊ុន ថា៖ រឿងហ្នឹងកុំភ័យឲ្យតែលុយមក ។ ឈ្មោះឡៅ ទ្រីឃាង សួរថាប៉ុន្មាន? ឈ្មោះស្រេង ស្រ៊ុន ឆ្លើយថា៧,០០០ដុល្លារ (ប្រាំពីរដុល្លារ) ឈ្មោះ ឡៅ ទ្រី ហៅឃាង ក៏យល់ព្រម។
ក្រោយមករំលងបានប្រហែល២០ថ្ងៃ នៅវេលាម៉ោងប្រហែល ៤រសៀល ឈ្មោះ ស្រេង ស្រ៊ុន បានទូរស័ព្ទហៅឈ្មោះឡៅ ទ្រី ហៅឃាង មកជួបម្ដងទៀតនៅហាងម្លប់ត្នោត ដោយប្រាប់ថា១០,០០០ដុល្លារ (មួយម៉ឺនដុល្លារ) បានធ្វើកើតព្រោះគ្នា៣នាក់។ ឈ្មោះ ឡៅ ទ្រី ហៅឃាង ក៏បានយល់ព្រម ហើយបានប្រគល់លុយឲ្យមុន៣,០០០ដុល្លារ (បីពាន់ដុល្លារ) រួចក៏បែកផ្លូវគ្នាទៅ។ លុះដល់ថ្ងៃទី១៩ ខែធ្នូ ឆ្នាំ២០២០ វេលាម៉ោង១៨:៤០នាទី ឈ្មោះ ស្រេង ស្រ៊ុន បានទូរស័ព្ទមកប្រាប់ថា ប្លង់រឹង (ភាសាដាក់ម៉ូ ធ្វើសកម្មភាព) ធ្វើរួចហើយ ជនសង្ស័យ ឈ្មោះ ឡៅ ទ្រី ហៅឃាង ថាធ្វើរួចក៏រួចទៅ។
ដល់ម៉ោងប្រហែល ១០យប់ថ្ងៃដដែលឈ្មោះ ស្រេង ស្រ៊ុន បានឆាតតាមTelegramថា បានសម្លាប់លោកហើយ ដោយរឹតកលោក រួចលើកដាក់លើគ្រែចងរឹតកបន្ថែម រួចគ្របភួយ។ បន្ទាប់មក ឈ្មោះ ស្រេង ស្រ៊ុន បានទារលុយបង្គ្រប់ពីឈ្មោះ ឡៅ ទ្រី ហៅឃាង។ លុះស្អែកឡើងវេលាម៉ោង ១០:៣០នាទី ឈ្មោះ ឡៅ ទ្រី ហៅឃាង បានបើកឡានម៉ាកព្រុស យកលុយទៅឲ្យឈ្មោះស្រេង ស្រ៊ុន នៅជិតរោងចក្រស្រែចិន្តា ពេលទៅដល់ឃើញឈ្មោះ ស្រេង ស្រ៊ុន ជិះម៉ូតូម៉ាកវ៉េវអាល់ហ្វា អត់ផ្លាកលេខចាំនៅទីនោះ ហើយក៏ហុចលុយចំនួន ៧,០០០ដុល្លារ តាមកញ្ចក់ឡាន ឲ្យទៅឈ្មោះ ស្រេង ស្រ៊ុន។ បន្ទាប់មក ឈ្មោះ ស្រេង ស្រ៊ុន បានប្រាប់ឈ្មោះ ឡៅ ទ្រី វិញថា ពេលប៉ូលីសសួរ កុំឆ្លើយអ្វីទាំងអស់ និយាយតែមិនដឹងៗទៅ ប៉ូលីសមិនអាចធ្វើអីកើតទេ និងឲ្យលុបលេខទូរស័ព្ទ រូបភាពពាក់ពន្ធ័ទាំងអស់ចោល រួចក៏បែកគ្នាទៅ។
ចំពោះមូលហេតុនៃការរៀបចំផែនការសម្លាប់ជនរងគ្រោះ(ព្រះចៅអធិការវត្ត) ដោយសារជនសង្ស័យ ឈ្មោះ ឡៅ ទ្រី ហៅឃាង បានយកផ្ទះ និងតូបផ្សារ នៅផ្សារម៉ាន់អាំង រាជធានីភ្នំពេញ រួមទាំងដី២ឡូត៍នៅផ្សារត្រាច ខេត្តកំពង់ឆ្នាំង ដែលជាលុយរបស់ព្រះចៅអធិការ ចំនួន១១,៥០០ដុល្លារ ថាទៅសង់ផ្ទះ តែមិនបានសង់ទេ ព្រមទាំងយកទ្រព្យសម្បត្តិរបស់លោក ដែលជនរងគ្រោះឲ្យឈ្មោះ ឡៅ ទ្រី ហៅ ឃាង ឈរឈ្មោះជំនួស យកទៅលក់អស់ ហើយព័ត៌មានលេចឭថា៖ លោកជិតសិក នៅដំណាច់ឆ្នាំនេះ ដើម្បីទៅឡើងផ្ទះ និងគ្រប់គ្រង ហើយទាមទារទ្រព្យសម្បត្តិទាំងអស់របស់លោកមកវិញ ទើបជនសង្ស័យរៀបចំផែនការសម្លាប់ ដើម្បីបំបិទមាត់បានសម្រេចនៅថ្ងៃទី១៩ ខែធ្នូ នេះតែម្ដង ដើម្បីប្រមូលកាន់កាប់ លុយកាក់ ទ្រព្យសម្បត្តិរបស់លោកទាំងអស់។
សូមបញ្ជាក់ថា កាលពីថ្ងៃទី២០ ខែធ្នូ ឆ្នាំ២០២០ វេលាម៉ោង៨ព្រឹក មានហេតុការណ៍ភ្ញាក់ផ្អើលមួយបានកើតឡើង ដោយប្រទះឃើញសពព្រះចៅអធិការវត្ត ចេតិយថ្មី ត្រូវបានជនមិនស្គាល់មុខឡើងរឹត ក សម្លាប់ដល់ក្នុងកុដិ ។
ទោះជាយ៉ាងណា រហូតមកដល់ពេលនេះសមត្ថកិច្ចបានឃាត់ខ្លួនជនសង្ស័យម្នាក់ហើយនិងកំពុងតាមចាប់ខ្លួនបក្ខពួកមន្ថែមទៀត ដើម្បីយកមកផ្ដន្ទាទោសតាមផ្លូវច្បាប់៕
អត្ថបទ ៖ សុខុម
ថៃព្រមានពីភ្លៀងធ្លាក់ខ្លាំងថែមទៀត ខណៈអ្នកស្លាប់ព្រោះទឹកជំនន់កើនដល់ ២២នាក់
កសិករឃុំទន្លេបិទ ចិញ្ចឹមគោលក់តាមបច្ចេកទេសទទួលបានផលល្អ និងមានប្រាក់ចំណូលខ្ពស់
នាយ តាក់ស៊ី មានសង្ឃឹមខ្លះហើយ ខណ:ថ្នាក់ដឹកនាំនិងសប្បុរសជន ឧបត្ថម្ភថវិកាសង្គ្រោះជីវិត
ជាង ៤០ ឆ្នាំ ស្រុកស្នួលផ្លាស់ប្តូរពីសមរភូមិប្រយុទ្ធមកជាកន្លែងមានការអភិវឌ្ឍន៍
តារាចម្រៀង វៀតណាម ៥ រូប រកចំណូលបានច្រើនជាងគេ
ឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
ថ្នាក់ដឹកនាំវត្ត និងមន្ត្រីធម្មការខណ្ឌ ចាត់វិធានការលើព្រះសង្ឃមួយអង្គក្រោយបែកធ្លាយវីដេអូអង្គុយសារសងជាមួយនារីម្នាក់
អាមេរិក បញ្ជាក់ថានឹងមិនប្រគល់អាវុធនុយក្លេអ៊ែរឲ្យទៅអ៊ុយក្រែនវិញទេ
Jonathan អ្នកដឹកនាំសម្ដែងបានកែរប្លង់មួយចំនួន នឹងធ្វើការបកស្រាយ បីចំណុចធំក្នុងMVបទ”សែកមន្ត”
ភ្ញាក់ផ្អើលជាថ្មី! ក្រុមហ៊ូធី បាញ់មីស៊ីលល្បឿនលឿនជាងសំឡេង វាយប្រហារអ៊ីស្រាអែល
-
សន្តិសុខសង្គម៤ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ២ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ២ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ១ សប្តាហ៍ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៦ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៥ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ២ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»
-
ព័ត៌មានជាតិ៧ ម៉ោង agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន