ព័ត៌មានជាតិ

ក្រសួង កំណត់ពេលជាក់លាក់ ក្នុងដំណើរការបើកសាលារៀនដំណាក់កាលទី៣

បានផុស

៥ years មុន

នៅ

ថ្ងៃអង្គារ ២៧ តុលា ២០២០

ដោយ

លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានឲ្យដឹងថា ក្រសួង នឹងបើកដំណើរការសាលារៀនឡើងវិញ ដំណាក់កាលទី៣ នៅថ្ងៃទី២ ខែវិច្ឆិកា ឆ្នាំ២០២០ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋមន្ត្រី បានលើកឡើងបែបនេះនៅក្នុងឱកាសដឹកនាំគណៈប្រតិភូក្រសួងអប់រំ ចុះពិនិត្យមើលស្ថានភាពអនុវិទ្យាល័យ និងបឋមសិក្សាអង្គស្នួល នៅស្រុកអង្គស្នួល ខេត្តកណ្តាល កាលពីព្រឹកថ្ងៃទី២៧ ខែតុលា ឆ្នាំ២០២០។

លោករដ្ឋមន្ត្រី បានបន្តថា ការចុះពិនិត្យមើលស្ថានភាពសាលាបន្តលិចទឹកនេះ គឺដើម្បីរកវិធានការជួយដោះស្រាយសាលាទាំងនោះឲ្យទាន់ពេលវេលា។ ក្នុងនោះ សម្រាប់ការបើកដំណើរការសាលារៀនឡើងវិញ ដំណាក់កាលទី៣ នាថ្ងៃទី២ ខែវិច្ឆិកា ឆ្នាំ២០២០ និងដើម្បីត្រៀមបើកបវេសនកាលថ្មីឆ្នាំសិក្សា២០២០,២០២១ នៅថ្ងៃទី១១ ខែមករា ឆ្នាំ២០២១ ខាងមុខ។

គួរបញ្ជាក់ថា តាមរបាយការណ៍របស់គណៈកម្មាធិការគ្រប់គ្រងគ្រោះមហន្តរាយ បានឲ្យដឹងថា ចាប់ពីថ្ងៃទី០១ ខែកញ្ញា រហូតមកដល់ថ្ងៃទី២៦ ខែតុលា ឆ្នាំ២០២០ ជំនន់ទឹកភ្លៀងបានបណ្តាលឲ្យប៉ះពាល់ដល់សាលារៀនចំនួន៩៥១កន្លែង។