ព័ត៌មានជាតិ

ក្រុងបាត់ដំបងមានវត្ត ៣១ កន្លែង វត្តខ្លះអាយុរាប់សតវត្សក្លាយជាបេតិកភណ្ឌជាតិ

បានផុស

២ years មុន

នៅ

ថ្ងៃពុធ ២១ កញ្ញា ២០២២

ដោយ

ខេត្តបាត់ដំបងមានប្រវត្តិអតីតកាលដ៏គួរឲ្យចាប់អារម្មណ៍ជាច្រើន។ ជាខេត្តគោលដៅទេសចរណ៍ដ៏សំខាន់មួយ ខេត្តបាត់ដំបងមានភាពទាក់ទាញ ក្រៅពីសំបូររមណីយដ្ឋានទេសចរណ៍បែបធម្មជាតិ ក៏មានសំណង់អគារចាស់ៗ និងផ្ទះបុរាណជាផ្នែកមួយសម្រាប់ទាក់ទាញភ្ញៀវទេសចរជាតិនិងអន្តរជាតិមកកម្សាន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកលើវិស័យសាសនាខេត្តបាត់ដំបង ក៏មានវត្តចំណាស់ៗអាយុកាលរាប់សតវត្ស ក្លាយជាគោលដៅទេសចរណ៍សាសនាក្នុងខេត្ត។

វត្តចំណាស់ៗក្នុងខេត្តបាត់ដំបងមានដូចជា វត្តសំរោងក្នុង វត្តឥន្ទ្រាធិបតីធារាមហៅ វត្តសង្កែ វត្តមុនីរតនារាមហៅ វត្តកែវ វត្តកណ្តាល វត្តពោធិវាល វត្តពិភិទ្ធារាម វត្តកំផែង វត្តគរ វត្តដំរីស និងវត្តឈើខ្មៅជាដើម ដែលវត្តទាំងនេះមានអាយុកាលរាប់រយឆ្នាំមកហើយ។

បើតាមលោក ហម អារុណ ប្រធានការិយាល័យឧស្សាហកម្មទេសចរណ៍ខេត្តបានឲ្យកម្ពុជាថ្មីដឹងថា វត្តសំរោងក្នុងជាវត្តចំណាស់ជាងគេមានអាយុកាលជាង ៣១៦ ឆ្នាំគឺសាងសង់ឡើងក្នុងអំឡុងឆ្នាំ ១៧០៧។

ឯកសាររបស់មន្ទីរធម្មការខេត្តបានបញ្ជាក់ថា នៅទូទាំងខេត្តបាត់ដំបងមានវត្តសរុប ៣៨៥ វត្ត។ ដោយឡែកនៅក្រុងបាត់ដំបងមានវត្ត ៣១ កន្លែង។ វត្តទាំង ៣១ កន្លែងក្នុងក្រុងបាត់ដំបងមានឈ្មោះដូចជា៖

សង្កាត់ស្វាយប៉ោ

-វត្តពិភិទ្ធារាម ហៅវត្ត ពីភិទ្ធ

-វត្តបាការនិវេសន៍ ហៅវត្ត កំផែង

-វត្តមណីភេត្រារាម ហៅវត្ត សំពៅ

-វត្តស្វេតកុញ្ជរជ័យ ហៅវត្ត ដំរីស

សង្កាត់ព្រែកព្រះស្តេច

-វត្តវិវដ្តគាមិនី ហៅវត្ត ផ្សារថ្មី

សង្កាត់រតនៈ

-វត្តពោធិ៍វាល ហៅវត្ត ពោធិ៍វាល

-វត្តពោធិ៍ក្នុង ហៅវត្ត ពោធិ៍ក្នុង

-វត្ត វិបុលត្ថារាម ហៅវត្ត កណ្តាល

-វត្ត ឥន្រ្ទាធិបតី ហៅវត្ត សង្កែ