សម្តេច ស ខេង បានតែងតាំងក្រុមការងារគណបក្សប្រជាជនកម្ពុជាប្រចាំស្រុកព្រះស្ដេច ខេត្តព្រៃវែង៤នាក់ បន្ថែមទៀត

សម្ដេចក្រឡាហោម ស ខេង អនុប្រធានគណបក្សប្រជាជនកម្ពុជា និងជាប្រធានក្រុមការគណបក្សប្រជាជនកម្ពុជាខេត្តព្រៃវែង បានសម្រេចតែងតាំងក្រុមការងារប្រចាំស្រុកព្រះស្តេចចំនួន៤នាក់បន្ថែមទៀត ដើម្បីបម្រើការងារជូនដល់ប្រជាពលរដ្ឋឲ្យកាន់តែសកម្មឡើង។ នេះបើយោងតាមសេចក្ដីសម្រេចស្តីពីការកែសម្រួលភារកិច្ច និងតែងតាំងបំពេញបន្ថែមសមាភាព ក្រុមការងារគណបក្សប្រជាជនកម្ពុជា ប្រចាំស្រុកព្រះស្ដេច ខេត្តព្រៃវែង។

សេចក្ដីសម្រេចស្តីពីការកែសម្រួលភារកិច្ច និងតែងតាំងបំពេញបន្ថែមសមាភាពក្រុមការងារគណបក្សប្រជាជនកម្ពុជា ប្រចាំស្រុកព្រះស្ដេច បានសរសេរដូចខាងក្រោម៖

-ប្រការ១ ៖ ត្រូវបានសម្រួលភារកិច្ចលោក ជៀប វីរ៉ាយ៉ា ពីប្រធានក្រុមការងារគណបក្សប្រជាជនកម្ពុជាឃុំព្រះស្តេច ទៅជាអនុប្រធានទី១ ក្រុមការងារគណបក្សប្រជាជនកម្ពុជាឃុំព្រះស្តេច ស្រុកព្រះស្តេច ខេត្តព្រៃវែង ។

-ប្រការ២៖ ត្រូវបានតែងតាំងបំពេញបន្ថែមសមាសភាពក្រុមការងារគណបក្សប្រជាជនកម្ពុជា ស្រុកព្រះស្តេច ខេត្តព្រៃវែង ដែលមានរាយនាមដូចខាងក្រោម៖ ១- លោក លឹម ហុង អនុប្រធានក្រុមការងារស្រុក និងជាប្រធានក្រុមការងារ ឃុំព្រះស្តេច ២- ឯកឧត្តម យឿន យឿត អនុប្រធានក្រុមការងារឃុំព្រះស្តេច បន្ថែមលើមុខងារបច្ចុប្បន្ន និងទី៣- លោក ថុល ឡាលីន សមាជិកក្រុមការងារស្រុក និងជាអនុប្រធានក្រុមការងារ ឃុំព្រះស្តេច៕