ព័ត៌មានជាតិ
រថយន្តអត់បានឆៀកត្រឹមត្រូវ មិនអាចបើកផ្លូវល្បឿនលឿនបានទេ
ផ្លូវល្បឿនលឿនភ្នំពេញព្រះសីហនុ អនុញ្ញាតឲ្យរថយន្តដែលមានការត្រួតលក្ខណៈបច្ចេកទេសត្រឹមត្រូវ ទើបអាចបើកបរលើផ្លូវនេះបាន។
លោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនបានឲ្យដឹងថា ដោយសារផ្លូវល្បឿនលឿនអនុញ្ញាតឲ្យរថយន្តបើកដល់ល្បឿន ១២០ គីឡូម៉ែត្រក្នុងមួយម៉ោង ដូច្នេះរថយន្តដែលមិនបានការឆ្លងកាត់ត្រួតពិនិត្យបច្ចេកទេសត្រឹមត្រូវ មិនអនុញ្ញាតិឲ្យប្រើប្រាស់លើផ្លូវល្បឿនលឿននេះបានទេ។
លោករដ្ឋមន្រ្តីបញ្ជាក់ដូច្នេះថា៖ «រថយន្តដែលបើកលើផ្លូវនេះ ដាច់ខាតត្រូវមានសុពលភាពឆៀកបានត្រឹមត្រូវ ទើបអាចបើកលើផ្លូវល្បឿនលឿននេះបាន»។
រថយន្តតូចជាលក្ខណៈគ្រួសារអាចបើកបរល្បឿនខ្ពស់បំផុត ១២០គីឡូម៉ែត្រ ក្នុងមួយម៉ោង និងទាបបំផុត ៦០ គីឡូម៉ែត្រក្នុងមួយម៉ោង។ ចំពោះរថយន្តកុងតឺន័រ ដែលមានសណ្តោង អនុញ្ញាតឱ្យបើកបរល្បឿនត្រឹមតែ ៨០គីឡូម៉ែត្រក្នុងមួយម៉ោង ខណៈរថយន្តធំអត់មានសណ្តោង អាចឱ្យប្រើប្រាស់ល្បឿន ១០០គីឡូម៉ែត្រក្នុងមួយម៉ោង។
រថយន្តដឹកទំនិញធុនធំតម្រូវឱ្យបើកដោយប្រកាន់ស្តាំជានិច្ច មិនអាចបើកលើគន្លងខាងឆ្វេងដោយប្រើពេលយូរបាននោះទេ ខណៈឡានតូចអាចប្រើប្រាស់បាន ក្នុងករណីដែលមិនមានឧបសគ្គនៅខាងមុខ។
ផ្លូវល្បឿនលឿនដែលមានប្រវែង ១៨៧.០៥គីឡូម៉ែត្រ បែងចែកជាពីរគន្លងទៅពីរគន្លងមក ហើយមានគន្លងមួយនៅខាងស្តាំដៃសម្រាប់ឈប់ករណីមានបញ្ហាអាសន្នតាមផ្លូវណាមួយ។
បើតាមលោករដ្ឋមន្រ្តី ក្រុមហ៊ុនបានឯកភាពអនុញ្ញាតិឲ្យម៉ូតូដែលមានទំហំស៊ីឡាំងលើសពី ៥០០ សេសេអាចប្រើប្រាស់ផ្លូវនេះបាន។ ត្រូវបើកបរមិនឲ្យលើសល្បឿន ១០០ គីឡូម៉ែត្រ ហើយមិនអនុញ្ញាតិឲ្យមានអ្នកជិះពីក្រោយនោះទេ ដោយសារបារម្ភពីសុវត្ថិភាព។
ជាមួយគ្នានេះ ម្ចាស់ដែលប្រើប្រាស់ម៉ូតូកម្លាំងម៉ាស៊ីនទំហំ ៥០០ សេសេ ត្រូវភ្ជាប់ស្តិកគ័រចេញដោយក្រសួងសាធារណការ ដើម្បីសម្គាល់ភិនភាគម៉ូតូដែលគ្រប់លក្ខខណ្ឌទើបគេអនុញ្ញាតិឲ្យប្រើប្រាស់លើផ្លូវល្បឿនលឿននេះ៕
-
ព័ត៌មានជាតិ៧ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៧ ម៉ោង ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ៦ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ៦ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៣ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៥ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម១ សប្តាហ៍ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៦ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា