ព័ត៌មានជាតិ

ជំនន់ទឹកភ្លៀង បណ្តាលឲ្យប៉ះពាល់ផ្លូវជាង២ពាន់គីឡូម៉ែត្រ

បានផុស

៤ years មុន

នៅ

ថ្ងៃអង្គារ ២៧ តុលា ២០២០

ដោយ

ជំនន់ទឹកភ្លៀង បានបណ្តាលឲ្យប៉ះពាល់ផ្លូវជាតិ ផ្លូវខេត្ត ផ្លូវគ្រួសក្រហម និងផ្លូវលំជនបទ ប្រមាណជាង២ពាន់គីឡូម៉ែត្រ ក្នុងរាជធានី-ខេត្តចំនួន២០ នៅទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមផ្លូវជាង២ពាន់គីឡូម៉ែត្រនោះ មានផ្លូវជាតិ ផ្លូវខេត្ត និងផ្លូវគ្រួសក្រហមចំនួន៦១៧គីឡូម៉ែត្រ និងផ្លូវជនបទចំនួន១៦៨៥គីឡូម៉ែត្រ។

យោងតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ បានឲ្យដឹងថា គិតពីថ្ងៃទី០១កញ្ញា រហូតដល់ថ្ងៃទី២៦ ខែតុលា ឆ្នាំ២០២០ ជំនន់ទឹកភ្លៀង ក៏ធ្វើឲ្យពលរដ្ឋកម្ពុជាស្លាប់៤៣នាក់ ប៉ះពាល់ ១៤៨ ៥៩៧ គ្រួសារ ស្មើនឹង ៥៩៤ ៣៨៨ នាក់ ប្រជាជនជម្លៀស ១១ ៨៩៥ គ្រួសារស្មើនឹង៤៧ ៥៨០ នាក់។ ប៉ះពាល់លំនៅដ្ឋានប្រជាពលរដ្ឋ ១៣៣ ២០៣ ខ្នង ផ្ទះខូចខាត៦៣ខ្នង ប៉ះពាល់សាលារៀន៩៥១កន្លែង វត្តអារាម៣០៧កន្លែង។ ស្រូវលិចចំនួន ២៧២ ២៦៣ ហិកតា និងដំណាំរួមផ្សំចំនួន ៩៦ ៩៤៥ ហិកតា។

តាមរបាយការណ៍ដដែល បានបន្តថា ក្រៅពីនេះ ប៉ះពាល់ទំនប់៤៩គីឡូម៉ែត្រ ប្រឡាយមេ២៧០គីឡូ ប្រឡាយរង២៧១គីឡូ ប្រឡាយស្រោចស្រព១៤៦គីឡូ បាក់ច្រាំងទន្លេ២១៩៥ម៉ែត្រ និងប៉ះពាល់ស្ពាន៨២កន្លែងផងដែរ៕