ព័ត៌មានជាតិ
ក្រសួងអប់រំចាប់ដៃគូជាមួយក្រុមហ៊ុនមកពីន័រវ៉េ ផលិតខ្សែវីដេអូសម្រាប់អប់រំដល់ពលរដ្ឋកម្ពុជា
ក្រសួងអប់រំយុវជននិងកីឡាបានចាប់ដៃគូជាមួយក្រុមហ៊ុន MKInternational នៃប្រទេស ន័រវ៉េ ដើម្បីអភិវឌ្ឍន៍មាតិកាអប់រំផលិតនិងផ្សព្វផ្សាយវីដេអូចំនួន៧២វីដេអូ ក្រោមរូបភាពការអប់រំនិងការ កម្សាន្ត ក្នុងរយៈពេលបីឆ្នាំចាប់ពីឆ្នាំ២០២១ ដល់ឆ្នាំ២០២៣ខាងមុខ។
ការផលិតវីដេអូទាំងនេះ គឺដើម្បីលើកកម្ពស់ការយល់ដឹងរបស់ប្រជាជនកម្ពុជាទូទៅ ដែលមានអាយុចាប់ពី១២ឆ្នាំឡើងទៅ មិនថាអ្នកដែលមានឱកាស ឬគ្មានឱកាស ក្នុងការសិក្សានៅសាលារដ្ឋឬបណ្តាសាលាឯកជននានា នៅក្នុងព្រះរាជាណាចក្រកម្ពុជា។
ពិធីចុះអនុស្សរណៈនៃការយោគយល់លើកិច្ចសហប្រតិបត្តិការផលិតមាតិកាអប់រំ រវាងក្រសួងអប់រំ យុវជននិងកីឡា និង MKI Investment and DevelopmentCo., Ltd. បានធ្វើឡើងនៅព្រឹកថ្ងៃទី២៩ ខែធ្នូឆ្នាំ២០២០ ក្រោមអធិបតីភាពលោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំយុវជន និងកីឡា និងលោកស្រី ម៉ារី ខេ អ៊ីវជេន អ៊ុលសុន ស្ថាបនិក និងជានាយកក្រុមហ៊ុនMKIនៅទីស្តីការ ក្រសួង។
លោក បណ្ឌិត ហង់ជួន ណារ៉ុង មានប្រសាសន៍ថា «យើងមានសេចក្តីសោមនស្សរីករាយនឹងចាប់ដៃគូជាមួយនឹងក្រុមហ៊ុន MKIប្រទេស ន័រវេ ដែលជាក្រុមហ៊ុនជំនាញផ្នែកផ្សព្វផ្សាយ បានមកវិនិយោគក្នុងការផលិតកម្មវិធីវីដេអូដ៏សំបូរបែប ផ្តល់ជាចំនេះដឹងក្នុងការរៀនសូត្រលើប្រធានបទផ្សេងៗជាច្រើន ដើម្បីជួយកាត់បន្ថយអារម្មណ៍តានតឹងដោយមិនដឹងខ្លួន »។
លោកស្រី ម៉ារី ខេ អ៊ីវជេន អ៊ុលសុន ស្ថាបនិក និងជានាយកក្រុមហ៊ុន MKIបានមានប្រសាសន៍ថាខ្សែវីដេអូអប់រំនេះ មានគោលបំណងជំរុញការចង់ចេះ ចង់ដឹងរបស់ប្រជាជនកម្ពុជាគ្រប់មជ្ឈដ្ឋានទូទៅព្រោះថា វីដេអូដែលគ្រោងផលិតនេះផ្តោតសំខាន់ទៅលើប្រធានបទផ្សេងៗដូចជា សុខភាព អាហាររូបត្ថម្ភ វិទ្យាសាស្ត្រធម្មជាតិ បច្ចេកវិទ្យា សេដ្ឋកិច្ច ហិរញ្ញវត្ថុ វិទ្យាសាស្ត្រសុខាភិបាល ភូមិសាស្ត្រ ប្រវត្តិសាស្ត្រ និងអរិយធម៌ដ៏យូរលង់របស់មនុស្សជាតិមានដូចជា ទស្សនៈវិទ្យា សង្គមវិទ្យា ចិត្តវិទ្យា
និងវប្បធម៌ផ្សេងៗក្នុងពិភពលោកមានដូចជា អក្សរសាស្ត្រ ដូរ្យតន្ត្រី សិល្បៈ និងភាពយន្ត។ល។
គួរបញ្ជាក់ថា វីដេអូដែលបានផលិតនឹងផ្តល់ជូនដោយអត់គិតថ្លៃតាមបណ្តាញផ្សព្វផ្សាយសង្គមដូចជា ហ្វេសប៊ុក យូធូប និងកម្មវិធីសិក្សាតាមប្រព័ន្ធអេឡិកត្រូនិករបស់ក្រសួងអប់រំ យុវជន និងកីឡា
ដែលមានអ្នកទស្សនាជាងបីលាននាក់៕
អត្ថបទ ៖ សំអឿន
ក្រុមហ៊ុនRipple Inc ចាប់អារម្មណ៍ក្នុងការផលិតបន្ទះសូឡានៅកម្ពុជា សម្រាប់នាំចេញទៅកាន់សហរដ្ឋអាមេរិក
រកឃើញហើយជើងខ្លាំងខាងខ្លែងខ្មែរ! ផ្នែកខ្លែងឯក លេខ១បានទៅមន្ទីរវប្បធម៌ខេត្តកណ្តាល លេខ២ បានទៅស្រុកបន្ទាយស្រី
អភិបាលក្រុងបាវិត ណែនាំឱ្យអាជ្ញាធរត្រូវតែបង្ក្រាបឱ្យបានក្មេងទំនើងដែលអុកឡុកនៅមូលដ្ឋានរំខានដល់ប្រជាពលរដ្ឋ
ឆ្នាំនេះ អាជ្ញាធរស្រុកស្រែអំបិល កសាងផ្លូវបេតុងចំនួន៨ខ្សែ ស្មើនឹងប្រវែង៦គីឡូម៉ែត្រជូនពលរដ្ឋ
សម្រាប់ឆ្លងឆ្នាំសកលនេះ ខេត្តរតនគិរី បានត្រៀមខ្លួនរួចហើយសម្រាប់ទទួលភ្ញៀវទេសចរជាតិ និងអន្តរជាតិមកលេងកម្សាន្ត
Zhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
សម្រាប់ឆ្លងឆ្នាំសកលនេះ ខេត្តរតនគិរី បានត្រៀមខ្លួនរួចហើយសម្រាប់ទទួលភ្ញៀវទេសចរជាតិ និងអន្តរជាតិមកលេងកម្សាន្ត
ខេត្តមណ្ឌលគិរី៖ សាលាបឋមសិក្សាមួយកន្លែង ដំបូលក៏ធ្លុះធ្លាយ ជញ្ជាំងក៏ពុកផុយ គ្រូ និងសិស្ស ស្នើសុំឱ្យជួយជួសជុល
សម្តេចតេជោ៖ ជំនឿទុកចិត្តក្នុងការអនុវត្តនយោបាយឈ្នះឈ្នះនៅកម្ពុជា មានតម្លៃជាងកិច្ចព្រមព្រៀងសន្តិភាពនៅប្រទេសខ្លះ
អតីតមន្ត្រីបក្សប្រឆាំងទូទាំងប្រទេស អបអរសាទរ«ទិវាសន្តិភាពនៅកម្ពុជា» ខណៈពួកគេស្អប់ខ្ពើមសង្រ្គាម
-
សន្តិសុខសង្គម៦ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៦ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ជីវិតកម្សាន្ដ១៨ ម៉ោង agoZhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
-
សន្តិសុខសង្គម៤ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ចរាចរណ៍៦ ថ្ងៃ agoអ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
-
ព័ត៌មានជាតិ៧ ថ្ងៃ agoក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
-
ព័ត៌មានអន្ដរជាតិ១ សប្តាហ៍ agoបាក់ស្ពាននៅប្រេស៊ីល ធ្លាក់រថយន្តផ្ទុកអាស៊ីដស៊ុលផួរិច លេចធ្លាយសារធាតុគីមីពេញទន្លេ
-
សន្តិសុខសង្គម៧ ថ្ងៃ agoករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន