ព័ត៌មានជាតិ
ពលរដ្ឋនិងអាជ្ញាធរអប្សរាប៉ះគ្នាមួយប៉្រាវ ករណីបាញ់សត្វស្វានៅតំបន់អង្គរ
សៀមរាប ៖ នៅព្រឹកថ្ងៃទី២៩ ខែធ្នូ ឆ្នាំ២០២០នេះ អាជ្ញាធរអប្សរានិងកម្លាំងរដ្ឋបាលព្រៃឈើ បានចុះទៅប្រមូលសត្វស្វានៅតំបន់ឧទ្យានអង្គរដោយលើកឡើងថា សត្វស្វាទាំងនេះធ្វើឲ្យប៉ះពាល់ដល់ភ្ញៀវទេសចរ។ ប៉ុន្តែនៅក្នុងប្រតិបត្តិការនោះបានប៉ះទង្គិចគ្នាមួយប៉្រាវ រវាងអាជ្ញាធរនិងពលរដ្ឋ គឺដោយសារតែអាជ្ញាធរបានបាញ់(ខ្វះបច្ចេកទេស)ទម្លាក់សត្វស្វា ពីលើចុងឈើងាប់អស់២ក្បាល។
បើយោងតាមផេកផ្លូវការរបស់អាជ្ញាធរអប្សរា បានឲ្យដឹងកាលពីថ្ងៃទី២៨ម្សិលមិញនេះថា ហ្វូងសត្វស្វាកាចៗមួយចំនួនដែលមានភាពសាំទៅនឹងមនុស្ស និងការផ្តល់នំចំណីដោយមនុស្ស បានប្រែពីប្រភេទសត្វព្រៃមកជាសត្វចិញ្ចឹម។ តាមរយៈនេះ សត្វស្វាទាំងនោះបានចេញចូលរកចំណីក្នុងតំបន់ប្រាសាទផងដែរ។ ក្នុងការស្វែងរកចំណីនោះ សត្វស្វាបានដណ្តើមចំណីពីមនុស្ស បង្កការរំខាន និងពេលខ្លះប៉ះពាល់ដល់ភ្ញៀវទេសចរដោយផ្ទាល់តែម្តង។ លើសពីនេះ សត្វស្វាក៏បានបង្កហានិភ័យដល់ប្រាង្គប្រាសាទដូចជា រុញឲ្យជ្រុះនូវថ្មប្រាសាទ និងធ្វើឲ្យខូចខាតនូវផ្ទាំងបដាព័ត៌មានផ្សេងៗទៀតផង។ ប្រការនេះចាំបាច់ត្រូវយកចេញដើម្បីបញ្ជៀសបញ្ហាផ្សេងៗនាពេលអនាគត។
ក្នុងន័យនេះ អាជ្ញាធរជាតិអប្សរា សហការជាមួយរដ្ឋបាលព្រៃឈើនៃក្រសួងកសិកម្ម រុក្ខាប្រមាញ់ និងនេសាទ នឹងធ្វើការចាប់យកសត្វស្វាកាចៗទាំងនោះ ចេញពីតំបន់អង្គរទៅធ្វើចត្តាឡីស័កមុននឹងប្រលែងចូលព្រៃធម្មជាតិផ្សេងទៀតក្រៅពីឧទ្យានអង្គរ។ តាមគម្រោង ការងារនេះនឹងចាប់ផ្តើមពីរសៀលថ្ងៃទី២៨ ខែធ្នូ ឆ្នាំ២០២០ នាប្រាសាទបាយ័ន។ ការងារនេះមានកិច្ចសហការជាមួយរដ្ឋបាលព្រៃឈើ ដែលមានមន្ត្រីជំនាញក្នុងការធានាថា ការចាប់សត្វស្វាចេញពីតំបន់អង្គរមានសុវត្ថិភាពខ្ពស់។
ជុំវិញករណីនេះដែរ អ្នកនាំពាក្យអាជ្ញាធរអប្សរា បានប្រាប់អ្នកកាសែតថា នៅថ្ងៃនេះអាជ្ញាធរចាប់សត្វស្វាបានចំនួន១៦ក្បាល ហើយនឹងត្រូវយកទៅធ្វើចត្តាឡីស័កសិន ទើបត្រូវយកទៅប្រលែងនៅតំបន់រមណីយដ្ឋានភ្នំតាម៉ៅ។
ទោះបីជាអាជ្ញាធរបានអះអាងយ៉ាងនេះក្តី ក្រុមពលរដ្ឋនិងអ្នកនិយមថតរូបសត្វស្វាបង្ហោះក្នុងយូធូប(YOUTUBE)នៅតំបន់អង្គរ ប្រមាណជិត១០០នាក់បានសម្តែងការមិនសប្បាយចិត្តដោយការបាញ់ប្រហារសត្វស្វាដោយខ្វះបច្ចេកទេសបែបនេះនោះទេ។ ក្នុងករណីនេះពួកគាត់ស្នើឲ្យអាជ្ញាធរចាប់តែស្វាដែលកាចៗបានហើយ។ ចំណែកលោកឡៃ សុឈុន អ្នកថតរូបនៅតំបន់អង្គរបានឲ្យដឹងថា គាត់មានការអាណិតសត្វស្វាទាំងនេះខ្លាំងណាស់ នៅពេលដែលឃើញអាជ្ញាធរ បានបាញ់សត្វស្វាទាំងកំរោលបែបនេះ។
លោកបន្តថា អាជ្ញាធរគួរមានអ្វីត្រងស្វាទាំងនេះនៅពេលបាញ់ទម្លាក់ ព្រោះពេលបាញ់ធ្លាក់ពីលើចុងឈើ បានធ្លាក់មកចំដុំថ្មបណ្តាលឲ្យស្លាប់អស់ចំនួន២ក្បាល។ លោកបន្ថែមថា តាមពិតទៅសត្វស្វាកាចគឺមិនមែនស្វាដែលធ្លាប់រស់នៅតំបន់អង្គរនោះទេ គឺជាស្វាដែលពលរដ្ឋយកមកប្រលែង ហើយស្វាទាំងនោះមានទម្លាប់មិនល្អដូចស្វានៅតំបន់អង្គរ នោះទេ។
លោកបន្ថែមថា បើអាជ្ញាធរចាប់ក៏ចាប់ចុះ តែក៏ត្រូវមើលថា តើជាស្វាកាច ឬ ជាស្វាស្លូតដែរ មិនមកចាប់តាមការនឹកឃើញនោះទេ។ លោកបញ្ជាក់ថា សូមបដិសេធទាំងស្រុងចំពោះអាជ្ញាធរអប្សរា ដែលលើកឡើងថា ស្វាកាចគឺដោយសារតែក្រុមពួកគាត់អ្នកថតរូប។ផ្ទុយទៅវិញពួកគាត់តែងតែ ផ្តល់ចំណី ,ដោះអន្ទាក់និងពេលឈឺតែហៅអង្គការសត្វព្រៃមកពិនិត្យមើលផងដែរ។
លោកបញ្ជាក់ថា កន្លងទៅក៏មានចោរលួចទាក់ស្វា ហើយពួកគាត់ក៏រាយការណ៍ជូនសមត្ថកិច្ចដែរ។ ចុងក្រោយនេះលោកបានស្នើឲ្យ អាជ្ញាធរចាប់សត្វស្វាកាចៗបានហើយ រីឯស្វាស្លូតគួរទុកនៅដដែល ព្រោះសត្វស្វាទាំងនេះវាបានមករស់នៅតាំងពីដូនតាមកម្លេះ ហើយនៅក្នុងរូបចម្លាក់ប្រាង្គប្រាសាទក៏មានឆ្លាក់ផងដែរ៕
ដោយ ៖ កុសល
អភិបាលខេត្តកំពង់ចាម ណែនាំឲ្យមណ្ឌលសុខភាពពាមកោះស្នា ត្រូវមានបុគ្គលិកបម្រើសេវាសុខាភិបាលឲ្យត្រូវតាមស្តង់ដា
ផ្ទុះការឆ្លងមេរោគ Norovirus ជាចង្កោម ក្នុងមណ្ឌលជនភៀសខ្លួនភ្លើងឆេះព្រៃ នៅ LA
ក្រសួងអប់រំដាក់ឲ្យអនុវត្តជាផ្លូវការថ្នាលអប់រំថ្នាក់បឋមសិក្សាតាមបច្ចេកវិទ្យាឌីជីថល
ក្រុមក្មេងទំនើងដែលបង្ហោះវីដេអូកាំបិតឌឺគូទំនាស់ត្រូវបាននគរបាលខេត្តសៀមរាបបង្ក្រាបបានហើយ
លោក នេត្រ ភក្ត្រា អរគុណពលរដ្ឋដែលជឿជាក់ និងទុកចិត្តលើគណបក្សប្រជាជនកម្ពុជា ក្រោមដំបូលសន្តិភាព ២៦ឆ្នាំ
សុខភាពរបស់ជំទាវទីមួយ Kim Keon Hee កាន់តែយ៉ាប់យ៉ឺន ក្រោយនៅតែឯងក្នុងវិមានប្រធានាធិបតី
ផ្ទុះការឆ្លងមេរោគ Norovirus ជាចង្កោម ក្នុងមណ្ឌលជនភៀសខ្លួនភ្លើងឆេះព្រៃ នៅ LA
ពិធីឡើងកាន់តំណែងលោក ត្រាំ ផ្លាស់ប្ដូរទៅធ្វើនៅក្នុងវិមានវិញ ព្រោះតែព្យុះព្រិលធ្ងន់ធ្ងរ
កងកម្លាំងសន្តិសុខឥណ្ឌាសម្លាប់ពួកឧទ្ទាមម៉ៅនិយម ១២នាក់
Apple ធ្លាក់ចេញពីតំណែងលក់ស្មាតហ្វូនដាច់ជាងគេនៅចិន ចំពេលការប្រកួតប្រជែងកាន់តែខ្លាំង
-
ចរាចរណ៍៥ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ១ សប្តាហ៍ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍៥ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ១ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៤ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ១ សប្តាហ៍ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ១ សប្តាហ៍ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ