Connect with us

ព័ត៌មានជាតិ

បណ្ឌិត ជេត ជាលី៖ ខ្ញុំមិនដែលស្រមៃថា​នឹងក្លាយជាសកលវិទ្យាធិការ​នៃសាកលវិទ្យាល័យទេ

បានផុស

នៅ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បណ្ឌិត ជេត ជាលី បានទទួលតួនាទីជាសាកលវិទ្យាធិការនៅសាកលវិទ្យាល័យ​ភូមិន្ទភ្នំពេញ​តាំងតែពីឆ្នាំ២០១៣ មកទល់នឹងបច្ចុប្បន្ន។

លោកបណ្ឌិតបានលើកឡើងដូច្នេះថា«ខ្ញុំមិនដែលស្រមៃថាខ្ញុំនឹងក្លាយជាសកលវិទ្យាធិការនៃសកលវិទ្យាល័យដែលចាស់ជាងគេ និងធំជាងគេ នៅក្នុងប្រទេសមួយនេះទេ»។​ នេះឆ្លុះបញ្ចាំងឱ្យឃើញថា គ្រប់ការងារ និងតួនាទីទាំងទាំងអស់ មិនមែនកើតឡើងដោយមិនបានធ្វើអ្វីនោះទេ គឺកើតឡើងដោយការខិតខំប្រឹងប្រែងក្រេបជញ្ជក់ចំណេះដឹង ដើម្បីបង្កើនសមត្ថភាពឈោងចាប់តួនាទីខ្ពស់ ទោះមិនបានស្រមៃគិតពីដើមមក តែសតម្ថភាពទៅដល់ អាចកាន់ការមុខតំណែងធំបាន។

លោកបន្តថា« ខ្ញុំអរគុណរាជរដ្ឋាភិបាល ដែលទុកចិត្តផ្តល់ភារកិច្ចនេះដល់ខ្ញុំ[ ] ប៉ាខ្ញុំត្រឹមតែជាសាស្រ្តាចារ្យសាមញ្ញម្នាក់ ហើយក្រុមគ្រួសារខ្ញុំ ក៏មិនដែលមានអ្នកណាមានបុណ្យសក្តិធំអីដែរ ហើយខ្ញុំជឿថា ឱកាសនេះ ក៏នឹងកើតមានចំពោះ​យុវជនទូទៅដែរ ព្រោះខ្ញុំគ្មានលុយ គ្មានកាក់ គ្មានបក្ខគ្មានពួកក្នុងរដ្ឋាភិបាលទេ»។

លោកបណ្ឌិតគូសបញ្ជាក់ថា ដើម្បីក្លាយជាសកលវិទ្យាធិការនៃសកលវិទ្យាល័យមួយ សំខាន់គឺត្រូវមាន​សញ្ញាបត្រជំនាញ​ខ្ពង់ខ្ពស់ និងត្រូវតែចេះដឹងឱ្យបានច្បាស់លាស់។ លោកបន្ថែមថា ធ្វើការជាមួយបញ្ញវន្ត សូមចាំថា យើងចេះអ្វី គេក៏ចឹងនឹងដែរ។

លោកក៏បានផ្តាំផ្ញើដល់យុវជន ត្រូវប្រើប្រាស់ពេលវេលា ២៤ម៉ោង ឱ្យមានប្រយោជន៍ ដើម្បីអភិវឌ្ឍខ្លួនឱ្យកាន់តែរីក​ចម្រើន។

លោកបណ្ឌិត ជេត ជាលី ​ធ្លាប់​បាន​បម្រើការ​នៅ​តាម​ស្ថាប័ន​រដ្ឋ និង​សង្គម​ស៊ីវិល​ជាច្រើន​ឆ្នាំ​ទាំង​នៅ​ក្នុង​វិស័យ​អប់រំ ​ផ្នែក​សិទ្ធិ​មនុស្ស និង​សេដ្ឋកិច្ច​ផង​ដែរ។

សូមបញ្ជាក់ថា សកលវិទ្យាល័យភូមិន្ទភ្នំពេញ បានបង្កើតឡើងដំបូង​នៅឆ្នាំ១៩៦០ ដោយឆ្លងកាត់សង្គ្រាមនិងការ​សម្លាប់រង្គាលបញ្ញាវ័ន្ត សាស្ត្រាចារ្យ​ នាសម័យខ្មែរក្រហម ក៏ដូចជាការប្តូរឈ្មោះជាបន្តបន្ទាប់ ចុងក្រោយ​​បានឈរជើង​ជាស្ថាប័នអប់រំឧត្តមសិក្សា និងមជ្ឈមណ្ឌល​ស្រាវជ្រាវកម្រិតខ្ពស់ ដែលទទួលបានការគោរពជាទូទៅ។

ដោយចាប់​ផ្តល់កម្មវិធីសិក្សាថ្នាក់បរិញ្ញាប័ត្រឡើងវិញនៅឆ្នាំ១៩៨១  និងថ្នាក់ក្រោយឧត្តមផ្តើម​នៅឆ្នាំ ២០០១ ក្នុងពេលបច្ចុប្បន្ននេះ មហាវិទ្យាល័យទាំង៥ និងវិទ្យាស្ថានចំនួន២ របស់សាកលវិទ្យាល័យភូមិន្ទភ្នំពេញ​បានផ្តល់កម្មវិធីសិក្សា​ ដល់និស្សិតប្រមាណជាងពីរម៉ឺននាក់ ជារៀងរាល់ឆ្នាំ នៅរាជធានីភ្នំពេញ។

នៅក្នុងអណត្តិ​របស់​លោកបណ្ឌិត ជេត ជាលី មាន​ផែនការមេជាច្រើន ​ដែលសាកលវិទ្យាល័យបានដាក់ចេញ​ឆ្ពោះទៅរក​បទដ្ឋានថ្មី រួមមាន ទំនាក់ទំនងក្នុងបទដ្ឋាន​អន្តរជាតិ ការ​តម្កល់កិច្ច​សិក្សាស្រាវជ្រាវ​ និង​សហប្រត្តិការជាការងារមាន​អទិភាពស្មើគ្នា ការកសាងអន្តេវាសិកដ្ឋាន និងពង្រីកវិសាលភាពចំនួន​បន្ទប់ និងថ្នាក់រៀនជាបន្តបន្ទាប់៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២០ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានអន្ដរជាតិ២៣ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ១៧ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ១៥ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១៧ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម