ព័ត៌មានជាតិ

លោក គួច ចំរើន និងឯកអគ្គរដ្ឋទូតចិនប្រចាំកម្ពុជា ចុះសួរសុខទុក្ខជនរងគ្រោះលិចទូក ២ នាក់ នៅមន្ទីរពេទ្យបង្អែក ខេត្តព្រះសីហនុ

បានផុស

៣ years មុន

នៅ

ថ្ងៃសៅរ៍ ២៤ កញ្ញា ២០២២

ដោយ

នៅព្រឹកថ្ងៃទី ២៤ ខែកញ្ញា ឆ្នាំ ២០២២ នេះ លោក គួច ចំរើន អភិបាលនៃគណៈអភិបាលខេត្តព្រះសីហនុ និងឯកឧត្តម វ៉ាង វិនធាន ឯកអគ្គរដ្ឋទូតចិនប្រចាំព្រះរាជាណាចក្រកម្ពុជា អញ្ជើញសួរសុខទុក្ខជនរងគ្រោះលិចទូកចំនួន ០២ នាក់ ដែលកំពុងសម្រាកព្យាបាលនៅមន្ទីរពេទ្យបង្អែកខេត្តព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមជម្រាបជូនថាជនរងគ្រោះទាំង ០២ នាក់នេះ គឺជាជនរងគ្រោះក្នុងចំណោមជនរងគ្រោះផ្សេងទៀត ដែលត្រូវបានជួយសង្គ្រោះ ក្នុងករណីលិចទូក នៅចំណុចនិយាមកា ១០.២៥N ១០៣.១៦E នៅចន្លោះពយសារឿង និងកោះតាង ក្នុងភូមិសាស្ត្រខេត្តព្រះសីហនុ កាលពីព្រឹកថ្ងៃទី ២២ ខែកញ្ញា ឆ្នាំ ២០២២ កន្លងមក ហើយត្រូវបានជួយសង្គ្រោះដោយប្រជានេសាទ នៅរសៀលថ្ងៃទី ២៣ ខែកញ្ញា ឆ្នាំ ២០២២។

សូមជម្រាបជូនថា ជនរងគ្រោះដោយសារករណីលិចទូកនេះ មានចំនួនសរុប ៤១ នាក់ និងត្រូវបានជួយសង្គ្រោះ សរុប ២២ នាក់ (ស្លាប់០១នាក់) និងបាត់ខ្លួន ១៩ នាក់ ដោយសមត្ថកិច្ច និងក្រុមជួយសង្គ្រោះកំពុងស្វែងរកអ្នកបាត់ខ្លួនបន្តទៀត។ ដោយឡែកតាមព័ត៌មានមិនទាន់ផ្លូវការបានឱ្យដឹងថា ជនរងគ្រោះចំនួន ០៩ នាក់ផ្សេងៗទៀត បានហូរទៅកាន់ព្រំដែនទឹកប្រទេសវៀតណាម និងត្រូវបានជួយសង្គ្រោះដោយអាជ្ញាធរវៀតណាមផងដែរ ដោយករណីនេះ ស្ថានទូតសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា បាននិងកំពុងធ្វើការទំនាក់ទំនងជាមួយស្ថានទូតសាធារណរដ្ឋចិនប្រចាំប្រទេសវៀតណាម ដើម្បីបញ្ជាក់ពីភាពច្បាស់លាស់បន្ថែមទៀត៕