ក្មេងស្រីម្នាក់ស្លាប់ក្នុងហេតុការលិចទូកនៅព្រែកអង្គគោ

កុមារីម្នាក់បានស្លាប់ដោយលិចទូកបាត់ខ្លួនមួយយប់នៅបាតព្រែកអង្គគោ ចុងភូមិកំពង់ឪច្រឹង ឃុំពង្រ ស្រុកកោះសូទិន ខេត្តកំពង់ចាម។ លុះព្រឹកឡើងទើបកម្លាំងរកឃើញចំណុចកើតហេតុ គឺមានព្រុំប្រទល់ជាប់ខេត្តត្បូងឃ្មុំ និងខេត្តកំពង់ចាម។

លក្ខណៈបែបនេះ ទើបកម្លាំងសហការប៉ុស្តិ៍នគរបាលឃុំទន្លេបិទ ស្រុក/ខេត្តត្បូងឃ្មុំ និងប៉ុស្តិ៍នគរបាលឃុំពង្រ ស្រុកកោះសូទិន ខេត្តកំពង់ចាម បានបើកកិច្ចប្រតិបត្តិការរួមគ្នាដើម្បីរកសាកសព និងម៉ូតូ ចំនួន៥គ្រឿង ដែលបានលិចបាត់នោះជូនក្រុមគ្រួសាររងគ្រោះទាំងនោះវិញ។

លោកវរៈសេនីត្រី ឯក សារិន នាយប៉ុស្តិ៍នគរបាលឃុំទន្លេបិទបានឲ្យដឹងថា កម្លាំងសហការបានចុះស្រាវជ្រាវរកក្មេងស្រីរងគ្រោះ តាំងពីល្ងាចថ្ងៃទី ២៤ ខែកញ្ញា ឆ្នាំ២០២២ នៅចំណុចព្រែកអង្គគោ ស្ថិតនៅភូមិកំពង់ឪច្រឹង ឃុំពង្រ ស្រុកកោះសូទិន ខេត្តកំពង់ចាមនោះ។

មានករណីលិចទូកដរបណ្តាលឲ្យអ្នកដំំណើរឆ្លងដឈ្មោះម៉ាប់វិច្ឆិកា ភេទស្រី អាយុ ១២ឆ្នាំ នៅភូមិព្រែកជីក ឃុំទន្លេបិទ ស្រុក/ ខេត្តត្បូងឃ្មុំ លិចចូលក្នុងទឹកបាត់ មិនទាន់រកមនុស្សឃើញ ហើយនិងលិចម៉ូតូរបស់អ្នកដំណើរចំនួន៥គ្រឿងផងដែរ។ ហើយកម្លាំងប៉ុស្តិ័ទន្លេបិទ កម្លាំងប៉ុស្តិ៍ពង្រសហការនិងប្រជាពលរដ្ឋនាំគ្នាជួយរកក្មេងដែលលិចចូលក្នុងទឹកបាត់នោះ។

លុះព្រឹកឡើងថ្ងៃទី២៥ ខែកញ្ញា ឆ្នាំ២០២២ នៅវេលាម៉ោង៧ និង៣០នាទីកំលាំងប៉ុស្តិ៍ទន្លេបិទ កំលាំងប៉ុស្តិ័ពង្រសហការគ្នាជាមួយប្រជាពលរដ្ឋបានរកឃើញសពក្មេងស្រីនោះ និងជួយយកម៉ូតូចេញពីក្នុងទឹកមកអោយពលរដ្ឋវិញបានជាស្ថាពរ។

លោក ឯក សារិន មេប៉ុស្តិ៍នគរបាលឃុំទន្លេបិទបានឲ្យដឹងទៀតថា ចំពោះសាកសពក្មេងស្រីកម្លាំងបានប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី ហើយម៉ូតូចំនួន៥គ្រឿងកម្លាំងក៏បានប្រគល់ឲ្យម្ចាស់យកទៅប្រើប្រាស់វិញដែរ៕
អត្ថបទ៖សាន វិឡែម