ព័ត៌មានជាតិ

ឡានដឹកផ្លែឈើព្រលះត្រាក់ទ័រដឹកស្រូវ ស្លាប់ម្នាក់របួស១នាក់ នៅស្រុកពួក

បានផុស

៣ years មុន

នៅ

ថ្ងៃពុធ ៣០ ធ្នូ ២០២០

ដោយ

មនុស្យម្នាក់បានស្លាប់ និង២នាក់បានរងរបួស ដោយសារករណីគ្រោះថ្នាក់ចរាចរណ៍នៅស្រុកពួកកាលពីវេលាម៉ោង១និង០០នាទីឈានចូលថ្ងៃទី៣០ ខែធ្នូ ឆ្នាំ២០២០ នៅលើផ្លូវជាតិលេខ៦ ចំណុចភូមិទួលរវៀង ឃុំល្វា ស្រុកពួក ខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ទេព ពំសែន អធិការស្រុកពួកបានឲ្យដឹងថា ករណីគ្រោះថ្នាក់ចរាចរណ៍រវាងរថយន្តម៉ាកតូរីសពណ៌លឿង ពាក់ស្លាកលេខភ្នំពេញ 2R 67.02(ដឹកផ្លែឈើ)ជិះគ្នា០២នាក់បើកបរដោយឈ្មោះសេង ជាង ភេទប្រុស អាយុ៣៧ឆ្នាំ រស់នៅភូមិបុស្សចេក ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ មុខរបរដឹកផ្លែឈើ(របួសស្រាល) បានបុកនិងត្រាក់ទ័រពីក្រោយ ដែលបម្រុងឈប់បណ្តាលឲ្យស្លាប់០១នាក់ និងរងរបួស១ម្នាក់ មានករណីគ្រោះថ្នាក់ចរាចរណ៍ស្របទិសគ្នាពីលិចទៅកើតរវាងរថយន្តនិងត្រាក់ទ័រដឹកស្រូវ។

លោកអធិការបានបន្តទៀតថា ជនរងគ្រោះឈ្មោះ សូ នី ភេទស្រី អាយុ២៨ឆ្នាំ រស់នៅភូមិជាមួយគ្នា(ត្រូវជាប្រពន្ធ) ចំណែកឯតៃកុងត្រាក់ទ័រឃើញសភាពមិនស្រួលក៏ដោះរ៉ឺម៉កចេញហើយក៏បើករត់គេចខ្លួនបាត់ តែទោះបីយ៉ាងណា ក៏សមត្ថកិច្ចបានដឹងមុខសញ្ញាតៃកុងត្រាក់ទ័រនោះហើយ៕

អត្ថបទ៖ គឿនវេត

សូមចុចអាន៖ ចាប់ខ្លួនបុរសដែលប៉ុនប៉ងឃាតកម្មលើគូរដណ្ដឹង 