ព័ត៌មានជាតិ

អាវុធហត្ថទូទាំងរាជធានីចូលរួមសាទរចំពោះតំណក់ប្រេងលើកដំបូង គឺជាការចាប់ផ្តើមបើកទំព័រប្រវត្តិសាស្ត្រថ្មី

បានផុស

៣ years មុន

នៅ

ថ្ងៃពុធ ៣០ ធ្នូ ២០២០

ដោយ

យោងតាមការផ្សព្វផ្សាយរបស់គេហទំព័ររបស់បញ្ជាការដ្ឋានកងរាជអាវុធហត្ថរាជធានីភ្នំពេញ បានសម្តែងនូវការត្រេកអរនិងអបអរសាទរអស់ពីបេះដូងដោយមានខ្លឹមសារថា ក្នុងនាមនាយទាហាន នាយទាហានរង និងពលទាហាននៃកងរាជអាវុធហត្ថទូទាំងរាជធានីសូមចូលរួមអបអរសាទរ សមិទ្ធផលប្រវត្តិសាស្ត្រថ្មី ទទួលបានដំណក់ប្រេងលើកដំបូង នៅក្នុងថ្ងៃតែមួយជាមួយខួបអនុស្សាវរីយ៍លើកទី២២ នៃការអនុវត្តជោគជ័យនយោបាយឈ្នះ ឈ្នះ របស់សម្ដេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលនាំមកនូវសន្តិភាព និងការឯកភាពជាតិពេញលេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថន័យរបស់គេហទំព័រដដែលបានបញ្ជាក់ថា ការទទួលបានតំណក់ប្រេងលើកដំបូងនេះ ជាការចាប់ផ្តើមបើកទំព័រប្រវត្តិសាស្ត្រថ្មី សម្រាប់ប្រទេសកម្ពុជា ក្នុងការអភិវឌ្ឍលើវិស័យឧស្សាហកម្មប្រេងកាត ជាសក្ដានុភាពមួយ ដែលនាំឲ្យប្រទេសកម្ពុជា កាន់តែរីកចម្រើន សុខដុមរមនា ទោះបីនៅក្នុងដំណាក់កាលវិបត្តិជំងឺឆ្លងកូវីដ១៩ ក៏ដោយ។

កងរាជអាវុធហត្ថ សូមគាំទ្រទាំងស្រុងចំពោះការដឹកនាំដ៏ឈ្លាសវៃ និងប្រសាសន៍ដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានថ្លែងសារពិសេសជូនជនរួមជាតិ នាព្រឹកថ្ងៃទី២៩ ខែធ្នូ ឆ្នាំ២០២០ អំពីចំណូលថវិកាដែលទទួលបានមកពីដំណក់ប្រេងនេះ បានរួមចំណែកយ៉ាងសំខាន់ក្នុងការបម្រើលើវិស័យ អប់រំ និងលើវិស័យសុខាភិបាល។

យើងខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យ កែវទាំងបី វត្ថុសិទ្ធិស័ក្ដិទាំង ឡាយ ក្នុងលោក ទេវតាថែរក្សាទឹកដី នៃព្រះរាជាណាចក្រកម្ពុជា សូមជួយប្រសិទ្ធពរជ័យបវរសួស្តី សិរីមង្គល វិបុលសុខ មហាប្រសើរគ្រប់ប្រការជូន សម្តេចតេជោ នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ព្រមទាំងក្រុមគ្រួសារជាទីស្រលាញ់ សូមបានសមប្រកបនូវសុខភាពល្អបរិបូរណ៍ អាយុយឺនយូរ កម្លាំងខ្លាំងក្លា ប្រាជ្ញាឈ្លាសវៃ។ ក្នុងឱកាសឆ្នាំចាស់ នឹងផ្លាស់ចូលឆ្នាំថ្មី ឆ្នាំ២០២១ យើងខ្ញុំសូមគោរពជូនពរ សូមទទួលបាន នូវ ពុទ្ធ ពរ ពរទាំងឡាយ៥ ប្រការ គឺ អាយុ វណ្ណៈ សុខៈ ពលៈ បដិ ភាណៈ កុំបីឃ្លៀងឃ្លាតឡើយ៕

អត្ថបទ៖ វិមាន